Génesis 14:7 - Biblia Enxet

⁷ Xama axta apkexyekmo makham ma'a Quedorlaómer, yetlo m'a ektáha axta apkelxegexma'a, apkelwa'akteyk axta m'a En-mispat, ekwesey nak han Cadés, apnaqtawáseyha axta han ekyókxoho aqsok apwet'akxa enxoho chá'a apmonye'e m'a yókxexma apagkok nak amalecitas, hawók axta han apteméssesakxa m'a amorreos, apheykencha'a axta m'a yókxexma Hasesón-tamar.

Génesis 14:7 ပူးပေါင်းရင်းမြစ်များ

Génesis 16:14

Cháxa keñamak kélteméssesa nak ekwesey m'a yámelchet nak: “Yámelchet apagkok ekha nak apyennaqte, setayo nak chá'a ko'o.” Cháxa yámelchet nak, yetnegkek ma'a neyseksa nak teyp Cadés, halep nak Béred.

Génesis 20:1

Apteyepmeyk axta Abraham ma'a aphamakxa axta, apmaheykegko m'a yókxexma nak Négueb, axta apheykmok ma'a tegma apwányam nak Guerar, teyp nak Cadés halep nak Sur.

Génesis 36:12

Yetneyk axta han kelán'a apmeykha naqsa m'a Elifaz, ekwesey axta Timná; wetassegkek axta han xama apketche apwesey axta Amalec. Cháxa atawán'ák natámen axta Adá xa, mók aptáwa' axta m'a Esaú.

Génesis 36:16

Coré, Gatam, tén han Amalec. Cháxa ektáha axta chá'a apkelámha apmonye'e Elifaz aptawán'ák neptámen ma'a yókxexma Edom, Adá axta atawán'ák natámen xa apyókxoho nak.

2 Crónicas 20:2

tén axta nápakha énxet'ák apkeltennássekxo aptáha apcháneya s'e: “¡Apkelxegakmek apxámokma sẽlpextétamo apya'awa exchep apkeleñama m'a Edom, neyp nak Wátsam Étsapma! ¡Apkelwa'ak ma'a tegma apwányam nak Hasesón-tamar!” (Hasesón-tamar, cham'a En-gadi.)

Ezequiel 47:10

Sa' keynhok apheykha aptegyéyak nak kelasma m'a En-gadi ekweykekxoho m'a En-eglaim, sa' enegkenagkok nahan elyamasagkok yám'én apagkok ma'a. Xámok agko' sa' nahan katnehek mók ektémakxa nak chá'a kelasma m'a, ektéma nak ma'a wátsam ekwányam Mediterráneo.

Ezequiel 48:28

“Sa' kañék ekxega néxa xapop apagkok Gad ma'a tegma apwányam Tamar, ekpayho nak nepyeyam ma'a Gad, kayeykhak sa' ma'a ekyetnamakxa nak yegmen ma'a Meribá-cadés tén han ma'a yegmen ényé nak Egipto, ekweykekxoho m'a wátsam ekwányam Mediterráneo.

Números 13:26

ma'a Cadés, yókxexma meykexa nak énxet ma'a Parán. Cha'a aphakxa axta nahan Moisés ma'a tén han Aarón, tén han ma'a apyókxoho israelitas. Apkeltennáseyha axta nahan ektáhakxa apkelwete aqsok ma'a, apxekmóssek axta han ma'a yámet ekyexna éleñama m'a apchókxa nak.

Números 14:43

Apkelhaxneyk amalecitas ma'a kélmonye'e nak, tén han ma'a cananeos, yaqwayam elnapakpok kéxegke, tén han elnápok. Massék aptáha apkelxegexma'a kéxegke m'a Wesse' egegkok, eñama kélyamasma kéxegke.

Números 14:45

Tén axta amalecitas, tén han cananeos apheykencha'a axta m'a yókxexma nak apkelanyexakmo, apmenxenchek axta israelitas ekweykekxoho m'a Hormá, apsawhawók axta anhan apkelnapa.

Números 20:1

Apkelweykmek axta israelitas ma'a yókxexma meykexa énxet Sin, apkemha apmonye' apxegál'a pelten ma'a apyeyam, apkelheykmek axta sekxók ma'a Cadés. Cha'a étsapweykenxa axta nahan María m'a, axta kélátawañeyk han ma'a.

Números 24:20

Keñe axta natámen Balaam apwet'a Amalec, yetlókok axta nahan aplegasso s'e amya'a nak: “Énxet'ák Amalec, apteme apmonye'e apkelyennaqte, kólmasséssók sa' eyke apyókxoho.”

Deuteronomio 1:19

“Xama axta nélánteyapma m'a Horeb, nélmaheykegkek axta m'a ekxámokmakxa nak meteymog élekhahéyak apagkok ma'a amorreos, nélyeheykekxoho m'a apkeltémókxa axta antéhek ma'a Dios Wesse' egegkok. Nélyeykheykekxeyk axta m'a ekyawakxa nak yókxexma meykexa énxet, eyesagkexa nak, kélweteya nak kéxegke, ekwokmoho nélweykmo m'a Cadés-barnea.

Deuteronomio 1:46

Axta keñamak ekwegqeykegko kélheykha makham kéxegke m'a yókxexma Cadés.

Josué 15:62

Nibsán, tegma apyawe apwesey nak Yásek, tén han ma'a En-gadi, seis tegma apkelyawe, yetlo m'a tegma apketkók apheykegko nak nepyáwa'.