Génesis 14:5 - Biblia Enxet

⁵ Keñe axta pók apyeyam apmaheykegko Quedorlaómer ma'a yókxexma Astarot Carnaim, yetlo apkelwesse'e apkelwányam ektáha axta apkelxegexma'a, apmenxenwánxa axta refaítas; keñe axta apmenxenákxo makham zuzitas ma'a yókxexma Ham, tén axta apmenxenákxo makham emitas ma'a yókxexma nak Savé-quiriataim,

Génesis 14:5 ပူးပေါင်းရင်းမြစ်များ

Génesis 14:4

Doce apyeyam axta han weykmok apyennaqteyásamákpoho Quedorlaómer nepyeseksa xa apkelwesse'e nak, keñe axta ekwokmo trece apyeyam ekxéna apkelwáxok elnapakpok xa cinco kelwesse'e nak.

Génesis 15:20

tén han hititas, tén han ferezeos, tén han ma'a refaítas,

2 Samuel 23:13

Xama ekhem axta apkelxega apyo'ókmo David apqántánxo apkeleñama nepyeseksa m'a treinta apkelyennaqte, cham'a meteymog áxwa nak Adulam. Apkelpakxeneykegkek axta sẽlpextétamo filisteos ma'a ekyapwátegweykenxa nak xapop Refaim.

2 Samuel 5:18

Apchágketchessekmek axta m'a filisteos, apkelhakmek axta m'a ekyapwátegweykenxa nak xapop ma'a Refaim.

2 Samuel 5:22

Apkelhákxeyk axta eyke makham filisteos ma'a ekyapwátegweykenxa nak xapop Refaim,

1 Crónicas 11:15

Xama ekhem axta apkelmahágko émhakxa axta meteymog ekyawe m'a apqántánxo énxet apkelyennaqte axta nepyeseksa m'a treinta énxet, yaqwayam ey'ammok David ma'a aphakxa axta kañe' meteymog áxwa m'a yókxexma Adulam. Axta apheykegkok apkelpakxenéyak sẽlpextétamo filisteos ma'a ekyapwátegweykenxa axta xapop Refaim.

1 Crónicas 14:9

Apchágketchessekmek axta m'a filisteos, yetlókok axta han apkelnapma énxet'ák, apkelmenyexchásegkek axta han chá'a aqsok apagkok ma'a ekyapwátegweykenxa nak xapop ma'a Refaim.

1 Crónicas 4:40

Axta apkelwetágweykmok pa'at ektaqmalma m'a, kaxwe éltekteyapma tén han ekxámokma agko', awanhek axta exma, méko axta ektemégweykmoho exma tén han negekakxa'. Axta apheykha han nanók ma'a Cam aptawán'ák neptámen,

Salmos 105:23

Keñe axta apwaya nahan ma'a Israel, cham'a Jacob, aphegkek axta Egipto megkatnahakxa nak apchókxa, xapop nak ma'a Cam.

Salmos 105:27

apkeláneykegkek axta aqsok sempelakkasso nak agwetak ma'a yókxexma meykexa nak énxet eñama nak Dios: ¡Aqsok sempelakkasso nak agwetak élyawe m'a xapop nak Cam!

Salmos 106:22

apkeláneya axta chá'a aqsok sempelakkasso agwetak ma'a apchókxa Cam, tén han ma'a aqsok segyegwakkassamo nak agwetak ma'a Wátsam Ekwányam Ekyexwase.

Salmos 78:51

¡apkelnapmeyk axta chá'a apyókxoho átnaha apketkók étchek nak ma'a kelán'ák Egipto, cham'a kañe' nak Egipto!

Isaías 17:5

Sa' katnehek ma'a aptémól'a xama énxet apnakxól'a hótáhap apaktek apyekhámeykekxal'a m'a apyexna, essenhan ma'a ektémól'a kólmekxak hótáhap apaktek kélyaqtónma m'a ekyapwátegweykenxa nak xapop ma'a Refaim,

Jeremías 48:1

Wesse' ekha apyennaqte appeywa, Dios apagkok nak Israel, apxeyenma m'a Moab: “¡Kélyósekak eyke ekhel'a kélheykha nak Nebo kélmasséssekmek kélókxa! ¡Apmákpek Quiriataim, mékoho kéltemessáseykxa'! ¡Kélyaqnegkessessek náxop ma'a tegma apyennaqte kélagkok!

Jeremías 48:23

Quiriataim, Bet-gamul, Bet-meón,

Números 32:37

Keñe axta Rubén énxet'ák apagkok apnaqxétekhásegkokxo m'a tegma apkelyawe nak Hesbón, Elalé, Quiriataim,

Deuteronomio 3:11

(Wánxa axta nahan xama apkeymomap refaítas ma'a wesse' apwányam Og; sawo axta nahan ma'a apyetnamakxa néten, cuatro metros axta nahan ekwenaqte, tén axta ekpayhakxa ánet metros, makhemek makham ekyetno xa, egwanchek agwetak ma'a tegma apyawe apagkok nak ma'a amonita, cham'a Rabá.)

Deuteronomio 3:13

Keñe m'a eyeymomáxche axta naw'a m'a yókxexma Galaad, cham'a ekyókxoho nak yókxexma Basán aptémakxa axta chá'a wesse' apwányam ma'a Og, tén han ma'a ekyókxoho yókxexma nak Argob, éltamhomaxchexa axta xapop apagkok ma'a refaítas, sekméssama m'a nápakha nak Manasés énxet'ák apagkok.

Deuteronomio 3:20

Agkok ko'o agkeyásak makham ektaqmalma apheykha m'a kélyáxeg'a nak kéxegke, ekhawo sekméssama nak kéxegke, ko'o sektáha nak Wesse' egegkok, tén han melma enxoho makham ma'a apkelókxa sekmáheyókxa nak ko'o agkések ma'a neyp wátsam Jordán, megkólwanchek kéxegkáxa kólmeyekxak makham ma'a xapop sekméssamakxa axta.’

Deuteronomio 3:22

Nágye aqsa, hakte Dios Wesse' apagkok sa' elnapakpok elmeyók kéxegke.’

Josué 12:4

Tén han ma'a Og, wesse' apwányam axta m'a Basán, apteme axta wánxa xama apkeymomap apkeñama m'a nepyeseksa nak refaítas, aphama axta Astarot tén han ma'a Edrei.

Josué 13:12

weykekxók han ma'a aptémakxa axta wesse' m'a Og, wesse' apwányam nak Basán, apkeláneykencha'a axta m'a apchókxa Astarot tén han ma'a Edrei, apteme axta wánxa xama apkeymomap refaítas, apmenxenma axta m'a Moisés tén han apkelántekkessama apheykegkaxa'.

Josué 13:19

Quiriataim, Sibmá, Seret-sáhar, ekpayho nak ma'a egkexe étkok neyseksa nak ekyapwate,

Josué 13:31

náxet yókxexma axta m'a Galaad, keñe han ma'a tegma apkelyawe nak Astarot, tén han ma'a Edrei. Nápakha Maquir aptawán'ák neptámen axta apkelxaweykegkok xa apyókxoho nak, apketche axta m'a Manasés, apwánxa axta chá'a apxámokma m'a apnámakkok.

Josué 9:10

keñe han apteméssessamakxa axta m'a apqánet apkelwesse'e apagkok axta m'a amorreos neyp nak wátsam Jordán, cham'a Sihón, apkeñama axta yókxexma Hesbón, tén han Og, apkeñama axta yókxexma Basán, apheykencha'a axta m'a yókxexma nak Astarot.