Génesis 14:20 - Biblia Enxet

²⁰ apcheymákpoho sa' kólteméssesek Dios meyke nak ekhémo, apmallahanchesa nak nepyeseksa apkelenmexma.” Keñe axta Abram apkelmésa Melquisedec xama ektáhakxa nak chá'a diez ekyókxoho aqsok apkelmeykekxa'.

Génesis 14:20 ပူးပေါင်းရင်းမြစ်များ

Génesis 14:21

Keñe axta wesse' apwányam nak Sodoma, aptáha apcháneya Abram se'e: —Hélmés aqsa énxet, keñe sa' xép elmekxak xa aqsok nak.

Génesis 24:27

aptáhak axta s'e: “¡Tásek sa' chá'a katnehek apxénamap Wesse' egegkok, Dios apagkok nak ma'a wesse' ahagkok Abraham, hakte meyenseykmok apchásekhayo, tén han ektaqmeleykha apwáxok apkelányo m'a wesse' ahagkok, éntameykmek se'e apheykegkaxa nak apnámakkok wesse' ahagkok!”

Génesis 28:22

Keso meteymog sénegkesa nak, ektémól'a meteymog kólchenegkesek, katnehek sa' Dios apxagkok; keñe sa' agkések chá'a exchep Dios, ekwayam nak chá'a diez ekyókxoho m'a aqsok ektáha nak chá'a exchep sélmésso.”

Génesis 47:24

faraón sa' eyke kólmeyásekxak chá'a xama m'a ektáhakxa nak chá'a cinco ekwayam aqsok kélnakxo; keñe sa' ma'a cuatro éleymomáxche nak yaqwayam kólchenekxak chá'a, tén han kóltawagkok chá'a kéxegke yetlo kélketchek, tén han ma'a apyókxoho apheykha nak xamo' kéxegke.

Génesis 47:26

Apxénchek axta José ekyókxoho nak Egipto, kólmeyásekxak chá'a faraón xama m'a ekwayam nak chá'a cinco ekyókxoho aqsok eknakxamáxche'. Yetneyk makham xa apkelánémakpexa nak chá'a etnahagkok énxet'ák; apkelmaxnéssesso aqsok kéláyókxa axta aqsa meyánmagkasek chá'a xama enxoho, hakte axta etnék apagkok faraón ma'a xapop apagkok nak.

Génesis 9:26

Tén axta aptáha han se'e: “Apcheymákpoho sa' kólteméssesek Wesse' egegkok Sem nak Dios apagkok, apchásenneykha naqsa sa' etnehek ma'a Canaán.

2 Samuel 18:28

Apyepetchegwokmók axta Ahimaas, keñe apháxahánto ekwokmoho aptekxekwa'akto nápat xapop nápaqtók wesse' apwányam, appeykessek axta, keñe aptáha apcháneya s'e: —Apcheymákpoho sa' kólteméssesek Wesse' egegkok, Dios apagkok nak xép wesse', hakte apmasséssekmek ma'a apkenmexeykekxa axta exchep wesse'.

2 Crónicas 31:12

kélxatmeyk axta ekyókxoho aqsok kélseykekxa axta m'a, ekwayam nak chá'a diez ekyókxoho, kélmésso axta kélpagkanchesso m'a Wesse' egegkok. Conanías axta kéltemessásak apkeltaqmelchesso xa ekyókxoho nak, apteme axta levita, yetlo apyáxeg Simí, apyaqmagkáseyak axta chá'a aptamheykha.

Nehemías 10:37

Nenxénchek han negko'o ólsakxak kélxátamakxa nak aqsok Dios egagkok tegma appagkanamap apagkok ma'a nélmésso nak ma'a apkelmaxnéssesso Dios énxet'ák apagkok, cham'a apkemha apmonye' nak nenlane hótáhap, tén han ma'a émha amonye' ekyexna nak ma'a ekyókxoho yámet, tén han émha amonye' nenlane nak ma'a vino, tén han émha amonye' nak nenlane pexmok égmenek, keñe ólsakxések han levitas ma'a ektáhakxa nak chá'a diez nennakxo aqsok negkeneykekxa', hakte cha'a apkelmeykekxa chá'a ektáhakxa nak chá'a diez ekyókxoho aqsok negkeneykekxa' m'a.

Nehemías 13:12

keñe axta m'a apyókxoho énxet'ák Judá apkelsánto chá'a m'a hótáhap apaktek apwayam nak chá'a diez apyókxoho, tén han vino, tén han pexmok égmenek ma'a kélxátamakxa axta chá'a aqsok.

Salmos 144:1

¡Apcheymákpoho sa' chá'a kólteméssesek Wesse' egegkok, apteme nak chá'a setaqmelchesso! Cha'a séltámésso ko'o m'a tén han seyewánéssesso yaqwayam wampakhak;

Salmos 44:3

Háwe axta apmék, tén han sókwenaqte élmallahanchesso m'a ẽlyapmeyk; háwe axta apma xapop ma'a. ¡Xeyep apmopwána axta keñamak tén han apyennaqte! ¡Xeyep apha nepyeseksa axta keñamak, hakte apkelásekhayók axta!

Salmos 68:19

¡Tásek sa' chá'a katnehek xép apxénamap Wesse' egagkok, Dios egagkok, Sẽlwagkasso nak teyp, yókxoho ekhem chá'a apkelpatmeykha m'a nélpata ekyentaxno nak!

Éxodo 18:10

Keñe axta aptáha s'e: —Kólteméssesek sa' apcheymákpoho Wesse' egegkok, ektáha nak apkelmallahanchesso kéxegke israelitas, neyseksók apkelma m'a faraón tén han ma'a egipcios; tén han ektáha axta apkelmallahanchesso neyseksók apnaqtawáseykegkoho,

Amós 4:4

“Kólmeyekxa sa' ma'a Betel, tén han ma'a Guilgal, ¡kóllanák sa' megkólya'assáxma, kólyánchesagkoho sa' kélláneyak kéltémakxa ekmaso! Kólsakxa sa' chá'a axto'ók ma'a kélnaqtósso kélnapma, tén han ekwayam nak chá'a diez ekyókxoho aqsok kélagkok yókxoho ántánxo ekhem.

Malaquías 3:10

Kólxátawata sa' aqsok kélmésso naqsa ekwayam nak chá'a diez xama m'a kélxátamakxa nak chá'a aqsok élmomnáwa m'a tegma appagkanamap, keñe sa' kaxek chá'a nento m'a exagkok nak. Hélyepkeyn hana xa aqsok nak, kólwetak sa' almeykesek atña'ák ma'a néten, yaqwayam sa' asawhaksohok ko'o almések kéxegke m'a aqsok éltaqmalma agko' nak.

Malaquías 3:8

Keñe ko'o sektáha sélmaxneyencha'a s'e: ¿Apwancheya xama énxet emenyexchesek aqsok ma'a Dios? ¡Hakte élmenyexmeyk chá'a ko'o kéxegke! Keñe kéltáha makham sélmaxneyencha'a s'e: ‘¿Yaqsa aqsok negmenyexchessama chá'a exchep?’ ¡Neykhe m'a ekwayam nak chá'a diez ekyókxoho xama aqsok, tén han ma'a aqsok sélmésso naqsa nak chá'a!

Números 28:26

“Kóllának sa' nahan kélaqneykekxa kélpeykessamókxa nak chá'a Wesse' egegkok ma'a ekhem kélessawássessamókxa nak chá'a émha amonye' ekyexna aqsok kélcheneykekxa, kélmésa enxoho chá'a Wesse' egegkok ma'a aqsok kélcheneykekxa kaxwe kélnakxo nak, cham'a, kélessawássessamókxa nak chá'a Semána. Megkóllanyek sa' kéltamheykha xama enxoho xa ekhem nak.

Deuteronomio 12:17

“Megkólwanchek sa' kóltawagkok kéxegke kañe' tegma apwányam kélagkok ma'a kélpekkenma nak chá'a ekwayam diez ma'a hótáhap apaktek kélagkok, tén han ma'a vino kélagkok essenhan ma'a pexmok égmenek kélagkok nak, tén han ma'a émha amonye' ekpalleyam nak étkók ma'a weyke kélnaqtósso tén han ma'a nepkések, tén han ma'a ekyókxoho aqsok kéltennasso nak chá'a kólmések ma'a Wesse' egegkok, tén han ma'a aqsok kélmésso naqsa nak chá'a Dios ekxeyenma agko' nak chá'a kélwáxok kólmések.

Deuteronomio 14:23

Kóltawagkok sa' chá'a kéxegke nápaqtók Dios Wesse' kélagkok cham'a yókxexma apkelyéságkaxa sa' yaqwánxa katnehek ekyetnamakxa apwesey, cháxa ekwayam nak chá'a diez ma'a hótáhap apaktek kélagkok tén han ma'a vino tén han ma'a pexmok égmenek nak, tén han ekpalleyam amonye'e nak chá'a étkók ma'a weyke kélnaqtósso tén han ma'a nepkések, yaqwayam sa' kaltámeyagkok chá'a kéláyo m'a Wesse' egegkok.

Deuteronomio 14:28

“Apyókxoho apqántánxo apyeyam sa' chá'a kéxegke kólyetnakhaksek ekwayam nak chá'a diez aqsok kélcheneykekxa kélnakxo xama apyeyam, tén han kólxatmok chá'a m'a tegma apwányam kélagkok,