Génesis 14:16 - Biblia Enxet

¹⁶ Apkelyementamákxeyk axta m'a ekyókxoho aqsok apkelseykekxa axta. Cháxa ektáhakxa axta Abram apwagkasa teyp apephénem Lot. Apkelmákxeyk axta makham ekyókxoho aqsok ektáha axta apagkok ma'a apephénem, apkelmákxeyk axta han ma'a kelán'ák, tén han ma'a pók énxet'ák nak.

Génesis 14:16 ပူးပေါင်းရင်းမြစ်များ

Génesis 12:2

Axámassásekxak sa' ko'o aptawán'ák neptámen, énxet apxámokma sa' etnekxa'; apasmok sa' xép, apeykessásekxak sa' apwesey ekyókxoho yókxexma, xép sa' nahan kañenták apasmok ma'a pók énxet'ák nak.

Génesis 14:14

Xama axta apleg'a amya'a Abram apmákpo apephénem, apchánchesákxeyk axta apkeláneykha, ektáha axta chá'a meyenyaweykha, apkektega axta m'a apxagkok nak, trescientos dieciocho énxet axta han apyókxoho, apkelántekkek axta apkelamhágko m'a apkelwesse'e apkelwányam, ekweykmoho m'a tegma apwányam nak Dan.

Génesis 50:7

Apxegkek axta José apchátawanyegwákxo m'a apyáp, apkelyetlókók axta han apyókxoho apkeláneykha, ekha axta chá'a kéláyo m'a faraón apxagkok nak, tén han ma'a Egipto,

Isaías 41:2

¿Yaqsa axta éltémo éphagwak teyapmakxa ekhem xa wesse' apwányam apmallanmo nak chá'a kempakhakma? ¿Yaqsa axta éltémo elmok chá'a m'a pók aptémakxa nak chá'a énxet'ák? ¿Yaqsa axta éltémo etnéssásekxak chá'a mékoho m'a kelwesse'e apkelwányam nak, yaqwayam enxoho etnekxohok chá'a xamo' apnek ma'a sókwenaqte apagkok nak tén han ma'a yágke apagkok nak, keñe yexpánchesha chá'a ektémól'a m'a yámet áwa' apák?

1 Samuel 30:8

apkelmaxneyáha axta Wesse' egegkok. Axta aptáhak apcháneya s'e: —¿Ewancheya ko'o alamhagkokxak ma'a énxet'ák apkelmenyexma nak? ¿Altahanyekxaya sa'? Apchátegmowágkek axta Wesse' egegkok: —Elamhagkokxa', eltahanyekxak sa', elmekxak sa' han ma'a apkelma axta apnaqleykekxa'.