Génesis 14:15 - Biblia Enxet

¹⁵ Axta'a axta han appelakkasa apketámeyak Abram ma'a apkelwesse'e apkelwányam, yetlo apkelxegexma'a, apmenxenchek axta ekweykmoho Hobá, ekyetnama nak nexcheyha m'a tegma apwányam nak Damasco.

Génesis 14:15 ပူးပေါင်းရင်းမြစ်များ

Génesis 15:2

Aptáhak axta apchátegmowágko Abram se'e: —Dios Wesse' ahagkok ¡Kaqhók eyke ko'o hegkések ma'a aqsok peya nak hegkések, hakte méko ko'o étchek! Séláneykha Eliézer, apkeñama nak Damasco, sa' elxewekxak ma'a ekyókxoho aqsok ahagkok nak, hakte mehegkéssók ko'o exchep xama hatte.

1 Reyes 15:18

Tén axta Asá apkelmoma m'a ekyókxoho sawo élyátekto élmomnáwa, tén han sawo élmope élmomnáwa, ekheykegko axta m'a kélxátamakxa nak aqsok élmomnáwa apagkok ma'a Wesse' egegkok tegma appagkanamap apagkok, keñe han ma'a wesse' apwányam apxagkok apyawe, apkeláneykha axta han apkeláphassók elsakxések ma'a Ben-hadad, wesse' apwányam axta Siria, Tabrimón axta apketche, Hezión axta aptáwen, aphama axta m'a Damasco. Apcháphássessek axta han se'e appeywa nak:

Salmos 112:5

Tásek sa' chá'a katnehek apha m'a énxet apmássáseykha nak chá'a aqsok apagkok pók yetlo memyágweykekxa', tén han aptaqmelchessamo nak chá'a apxegkesso m'a aqsok apkexeykekxa';

Isaías 17:1

Tegma apwányam Damasco apxénamáp yaqwánxa kólteméssesek. Kamaskok sa' etnehek tegma apwányam ma'a Damasco; meteymog ektaháneykekxa mók sa' etnekxa'.

Isaías 7:8

Damasco apyawakxa tegma agkok ma'a Siria, Resín akke wesse' apwányam ma'a Damasco; Samaria eyke tegma apwányam agkok ma'a Israel apchókxa, Remalías apketche eyke wesse' apwányam ma'a Samaria; kamaskok sa' eyke katnehek apchókxa Israel ma'a ekwokmo sa' sesenta y cinco apyeyam, méko sa' agkok nahan kéxegke ekyennaqte megkólya'ásseyam, megkólweynchamha sa' chá'a.’”

Jeremías 49:23

Amya'a apxénamap Damasco: “Keltamháha apkelwáxok ma'a énxet'ák apheykha nak Hamat tén han ma'a Arpad, hakte wa'ak apheykegkaxa amya'a ekmaso. Apkelakawók apagko', apkelpekheke'.

Ezequiel 27:18

Damasco énxet'ák axta eyke elmok chá'a ekxámokma agko' ma'a aqsok apkexeykekxa tén han ma'a aqsok apagkok ekyetnakxa nak; eyánmagkasek axta chá'a aqsok apkelma m'a anmen yámet égmenek eñama nak ma'a yókxexma Helbón, tén han ma'a nepkések apwa' apkeñama nak ma'a Sahar.

Ezequiel 47:16

Berotá, tén han ma'a Sibraim (apheykegko nak neyseksa m'a xapop Damasco tén han ma'a Hamat), tén han ma'a Hasar-haticón (ektemegwánxa nak néxa xapop ma'a Haurán).

Deuteronomio 15:2

“Sa' katnehek kélmassésseyam nak aqsa chá'a negméyak aqsok se'e: Apyókxoho énxet apmassáseykha nak chá'a xama aqsok apagkok pók, yohok sa' aqsa chá'a emok ma'a aqsok apmassáseykha. Melenxanmek sa' chá'a pók yának eyánmagkasek essenhan ma'a apchókxa xamo' nak, hakte kaxénaxchek sa' ektáha yeyam kélmassésseykenxa aqsa chá'a negméyak aqsok eñama m'a Wesse' egegkok.

Jueces 7:16

Yetlókok axta han apkexpánchesso ántánxo apkelyaqyeyáseyak ma'a trescientos énxet'ák, apkelmeyásegkek axta han nepkések apkennawók apkepet'ák ma'a apyókxoho, tén han yátegwáxwa meyke aqsok kélyeta kañe' apwáxok, kélatchesso axta kañe' m'a yántápak eyáléweykha naw'a.