Génesis 14:10 - Biblia Enxet

¹⁰ Xámok axta máxek ekheykegkaxa nak meteymog égmenek ma'a ekyapwate nak Sidim, xama axta apkenyahágko peya elxeganmok neyseksa kempakhakma m'a apkelwesse'e apkelwányam nak Sodoma, tén han Gomorra, yetlókok axta appallegwayam kañe' máxek, keñe axta nápakha apkelwesse'e apkelwányam apkelyexánegwokmo m'a egkexe nak.

Génesis 14:10 ပူးပေါင်းရင်းမြစ်များ

Génesis 11:3

Xama ekhem axta aptáha chá'a apcháneya pók se'e: “Anlának sa' yátaphémekcha'ák, ólwatnek sa'.” Apkelmáha axta m'a yátaphémekcha'ák, axta elmáha m'a meteymog, apkelmáha axta meteymog égmenek, axta elmáha m'a meteymog ánek.

Génesis 14:11

Keñe axta m'a cuatro apkelwesse'e ektáha axta apkelmallane kempakhakma, apkelmágko nento, tén han aqsok élmomnáwa ekhéyak axta m'a Sodoma tén han Gomorra, tén axta apkelántepa m'a.

Génesis 14:17

Xama axta apkexyekmo makham Abram, natámen axta apyaqmasso m'a Quedorlaómer, yetlo apkelwesse'e apkelwányam ektáha axta appasmo, aptekkek axta wesse' apwányam Sodoma apkelanyexágko m'a ekyapwate nak Savé, éltamhomaxchexa nak Wesse' Apwányam Xóp Ekyapwate Apagkok.

Génesis 14:21

Keñe axta wesse' apwányam nak Sodoma, aptáha apcháneya Abram se'e: —Hélmés aqsa énxet, keñe sa' xép elmekxak xa aqsok nak.

Génesis 14:3

Apcháncheseykekxeyk axta sẽlpextétamo apagkok ekyapwate nak Sidim xa cinco apkelwesse'e nak, cham'a ekpayho nak Wátsam Étsapma.

Génesis 19:17

Xama axta apkelántekkesa m'a tegma apwányam, aptáhak axta xama Dios apchásenneykha s'e: —¡Yenye, ewagkasáp teyp! Nágyenmexekxoho aqsa neptámen, ná etnegwom han xama enxoho m'a ekyapwate nak, emhók sa' ma'a élámhakxa nak meteymog, apkeltamho enxoho ewagkasakpok teyp.

Génesis 19:30

Apkekak axta Lot exnekxak ma'a Sóar, tén axta apmahágko m'a yókxexma élaqneykegkaxa nak meteymog élwenaqte yetlo ánet apketchek, kelheykmek axta kañe' meteymog áxwa xa ántánxo nak.

Salmos 83:10

kélmassésseykmo axta m'a Endor, ¡kélchexakhama axta aqsa aphopák éltahapma néten xóp!

Isaías 24:18

Máxek sa' etyamok chá'a m'a apyexánegkesso nak chá'a apkelnempaqwáméyak, keñe sa' ma'a apteyapma nak chá'a kañe' máxek kamok kelhanma. Mámeye ekwányam sa' kaweywenták néten keñe sa' kayawheykha m'a xapop awhak nak.

Jeremías 48:44

Máxek sa' etyamok chá'a m'a apyexánegkesso nak chá'a apkelnempaqwáméyak, keñe sa' ma'a apteyapma nak chá'a kañe' máxek kamok kelhanma, hakte wahak sa' ko'o apkellegeykegkoho m'a énxet'ák Moab. Ko'o sekxeyenma xa, sektáha nak Wesse'.

Josué 8:24

Apkeltaqháwok axta makham israelitas apkelmeyákxo m'a Ai, apkelnáhapweykxo m'a apkeleymomap axta tegma apwányam, natámen axta apsawhomo apkelnapma m'a ektáha axta apmenxenma.