Génesis 13:8 - Biblia Enxet

⁸ Aptáhak axta Abram apcháneya Lot se'e: “Émók ahagko' ko'o exchep, megkapayhawok ólenmexaxche', megkapayhawok han elenmexakpok ma'a apkeláneseykha nak xép apnaqtósso, tén han séláneseykha nak ko'óxa seknaqtósso.

Génesis 13:8 ပူးပေါင်းရင်းမြစ်များ

Génesis 13:9

Chéhe xapop xa yaqwayam elyésha. Óxpánchesaxchek sa'. Apmahágkek sa' agkok xép ma'a nexcheyha, keñe sa' ko'o amhagkok nepyeyam, apmahágkek sa' agkok han ma'a ekpayho nak nepyeyam, keñe sa' ko'o amhagkok ma'a nexcheyha.”

Génesis 14:14

Xama axta apleg'a amya'a Abram apmákpo apephénem, apchánchesákxeyk axta apkeláneykha, ektáha axta chá'a meyenyaweykha, apkektega axta m'a apxagkok nak, trescientos dieciocho énxet axta han apyókxoho, apkelántekkek axta apkelamhágko m'a apkelwesse'e apkelwányam, ekweykmoho m'a tegma apwányam nak Dan.

Génesis 45:24

Apkelaphássek axta José m'a apkelpepma, aptáhak axta apkeláneya s'e: —Nagkólátegmoweyxche aqsa kéltaqhákxexa ámay. Apkeltaqhákxeyk axta.

Génesis 46:34

kóltennaksek sa' kéxegke wánxa kéltamheykha m'a kélxámáseykekxa nepkések, ektéma axta m'a kélyapmeyk nano'. Keñe sa' kólhakha m'a yókxexma nak Gosen, hakte mopmenyeyk elyepetkohok apkeláneykha nepkések ma'a énxet'ák Egipto.

Salmos 133:1

¡Ektaqmelakxoho agko' nak la'a agwetak elásekhakpohok ẽlyáxeg'a, tásók agko' katnehek xa ektáha nak!

Éxodo 2:13

Mók ekhem axta entáhak apxegákxo makham, keñe apwetágkoho apkelnápeykpo makham apqánet hebreo. Tén axta apkelmaxneyáncha'a m'a ektáha axta aptekpageykha m'a pók. Aptáhak axta apcháneya s'e: —¿Yaqsa ektáha aptekpageyncha'a nak appeywomo xamo'?

Proverbios 15:1

Kamasseksohok chá'a aplo egmók ma'a nentaqmelchessamo nak negátegmowéyak; kayágwomhok eyke chá'a aplo m'a nempaqhetchesa enxoho ekyennaqte.

Proverbios 15:18

Etekkesek chá'a éllámaxche m'a énxet ekmanyehe nak chá'a elwok; emasseksek eyke chá'a m'a énxet mepekhésamap nak chá'a elwok.

Proverbios 20:3

Payhawók etnehek énxet melátegmómap chá'a pók, hakte cháxa ektaqmela antéhek xa, apwanchek eyke etekkesek aqsa chá'a m'a ekyeyháxma nak.

Jueces 9:26

Xama ekhem axta apmahágko Gáal, Ébed axta apketche m'a Siquem, yetlo apkelyáxeg, apchekawók axta apwet'a m'a énxet'ák apheykha nak tegma apwányam,