Génesis 13:2 - Biblia Enxet

² Xámok agko' axta aqsok apagkok ma'a Abram, yetneyk axta m'a sawo élyátekto élmomnáwa nak, tén han ma'a sawo élmope élmomnáwa nak, xámok axta han apnaqtósso.

Génesis 13:2 ပူးပေါင်းရင်းမြစ်များ

Génesis 12:16

Sarai axta keñamak apchápéncha'a faraón ma'a Abram. Apkelméssek axta apkelmésso naqsa m'a nepkések, weyke, kélásenneykha naqsa apkelennay'a tén han kelán'ák, yámelyeheykok, tén han ma'a yányátnáxeg.

Génesis 13:6

Ketsék agko' axta eyke han ma'a yókxexma apheykegkaxa axta, megkaweykekxohok chá'a ektéyak ma'a aqsok apnaqtósso, massegkek axta apmopwána apha xamo' pók,

Génesis 24:1

Apwányamók apagko' axta aptemék Abraham, Wesse' egegkok axta eyke chá'a appasmók ekyókxoho aqsok apkelanakxa enxoho neyseksa apha.

Génesis 24:35

Awanhók agko' appasmo Wesse' egegkok aqsok apkelanakxa enxoho chá'a m'a wesse' ahagkok nak, apxámássessegkek aqsok apagkok: apkelméssegkek ma'a nepkések, weyke, sawo élyátekto élmomnáwa, tén han ma'a sawo élmope élmomnáwa, keñe han apkelásenneykha apkelennay'a, tén han kelwán'ák, yányátnáxeg, tén han yámelyeheykok.

Génesis 26:14

Apxámokmeyk axta han nepkések apnaqtósso, tén han weyke, apxámokmeyk axta han ma'a apkelásenneykha, apnathayak axta m'a filisteos.

Génesis 30:43

Axta keñamak aptéma wesse' m'a Jacob, tén han apxámokma m'a nepkések apnaqtósso, tén han apkeláneykha apkelennay'a, tén han kelwán'ák, tén han yányátnáxeg, tén han ma'a yámelyeheykok.

Job 1:10

Megyahayók xép kólteméssessamhok exma ekmaso m'a, tén han apketchek ekweykekxoho m'a aqsok apagkok nak; epasmok nahan chá'a ekyókxoho aqsok apkelanakxa enxoho, xámok agko' nahan apnaqtósso, méko ekhawo s'e ekyókxoho apkelókxa nak.

Job 1:3

siete mil axta apyókxoho apnaqtósso nepkések, tres mil yányátnáxeg, mil axta weyke kéltéteykekxa mók, tén han quinientos yámelyeheykok kelwán'ák. Apxámok apagko' axta han apkelásenneykha naqsa. Apyeykhásseykmók axta ekxámokma aqsok apagkok ma'a apyókxoho énxet'ák apheykha axta m'a ekpayho nak ekteyapmakxa ekhem.

Proverbios 10:22

Ekxákma aqsok egagkok hegwetaksek ma'a ektémakxa nak Wesse' egegkok sempasmo, megkeypetchek ma'a nenlegeykegkoho nak.

Deuteronomio 8:18

Kéméxcheyk kaxének chá'a kélwáxok ma'a Dios Wesse' kélagkok, hakte cha'a apteme apkelmésso kélwasqapma kéxegke yaqwayam kaxek xa aqsok nak, apkeláneya m'a apxeyenma axta chá'a elanaksek kéxegke, cham'a ekhémo mók nélpaqhetchásamáxkoho apkelánéssama axta nahan ma'a kélyapmeyk nanók axta kéxegke.

1 Samuel 2:7

Wesse' egegkok senteméssesso chá'a meyke aqsok egagkok, essenhan ekxákma aqsok egagkok; hempelápagkasek chá'a, hegheyásekxak nahan chá'a néten.