Génesis 13:16 - Biblia Enxet

¹⁶ Apxámokma apagko' sa' ko'o atnéssesek ma'a, exhok sa' ma'a xapop ánek nak keso náxop, cham'a ektémakxal'a magmowána ólyetsetek xóp ánek, mogwanchek sa' han ólyetsetek apwánxa m'a aptawán'ák neptámen.

Génesis 13:16 ပူးပေါင်းရင်းမြစ်များ

Génesis 15:5

Keñe axta Wesse' egegkok aptekkesa yókxexma Abram. Aptáhak axta apcháneya s'e: —Yenmexho sa' néten, elyetset sa' yaw'a, apkepwagko enxoho elyetsetek. Sa' exhok apxámokma exchep aptawán'ák neptámen xa.

Génesis 16:10

Aptáhak axta makham apcháneya Wesse' egegkok apchásenneykha s'e: “Axamássesagkohok ahagko' sa' ko'o exche' m'a atawán'ák natámen, méko sa' kawának kalyetsetek apwánxa'.

Génesis 17:16

Tásek sa' yaqwánxa atnéssesek, agkések sa' xama apketche eñama m'a. Tásek sa' yaqwánxa atnéssesek. Sa' etnehek egken énxet'ák apxámokma xa, sa' kañe' aptépéyak apkelwesse'e apkelwányam xa.

Génesis 17:2

Keñe sa' ko'o alanaksek ekhémo mók nélpaqhetchásamáxkoho. Wának sa' exámekxak aptawán'ák neptámen.

Génesis 17:20

Tén han ma'a Ismael, seklegaya nak chá'a apxeyenma exchep, ataqmelchesek sa' han ko'o sekteméssesakxa m'a, wának sa' exámak apketchek, tén han exámagkok ma'a aptawán'ák neptámen. Ismael sa' etnehek apyapmeyk ma'a doce apkelámha apmonye'e apkelwesse'e, énxet apxámokma sa' atnéssesek.

Génesis 17:6

Wának sa' exámekxohok apagko' xép ma'a aptawán'ák neptámen, xép sa' kañék etepagkok apkelwesse'e apkelwányam, tén han pók aptémakxa énxet'ák.

Génesis 18:18

hakte sa' etnehek apyáp énxet'ák apxámokma m'a, tén han apkelyennaqte. Éltennássek ko'o peya apasmok apyókxoho énxet'ák keso náxop, eñama m'a.

Génesis 21:13

Énxet apxámokma sa' han ko'o wának etnehek ma'a apchásenneykha étche nak, hakte apketche apagko' han xép ma'a.”

Génesis 22:17

peya almések aqsok éltaqmela. Apxámokma apagko' sa' atnéssesek ma'a aptawán'ák neptámen, apweykenxal'a apxámokma yaw'a m'a néten, tén han yagkamex ma'a neyáwa' wátsam ekwányam. Emallánek sa' han chá'a nepyeseksa apkelenmexma,

Génesis 26:4

Apxámokma apagko' sa' atnéssesek ma'a aptawán'ák neptámen, apweykenxal'a apxámokma yaw'a m'a néten, agkések sa' nahan ko'o ekyókxoho s'e xapop nak, apkeleñémo sa' kólteméssesagkok ma'a apyókxoho énxet'ák apheykha nak keso náxop, eñama m'a aptawán'ák neptámen,

Génesis 28:14

Exámekxohok apagko' sa' ma'a, ekweykenxal'a ekxámokma xapop ánek keso náxop, ewomhok sa' ma'a nexcheyha, nepyeyam, teyapmakxa ekhem, tén han taxnegwánxa ekhem, xép sa' kañenták apasmok ma'a apyókxoho énxet'ák apheykha nak keso náxop, tén han ma'a aptawán'ák neptámen.

Génesis 28:3

Dios meyke ekhémo sa' epasmok xép, egkések sa' apxámokma apagko' aptawán'ák neptámen, yaqwayam sa' yenyék apkelánteyapma exchep apxámokma m'a pók aptémakxa nak chá'a énxet'ák.

Génesis 32:12

Apxeyenmeyk axta exchep hetaqmelchessesek sekweynchámeykha, tén han exámekxak ma'a étawán'ák netámen, ekweykenxal'a ekxámokma xapop ánek ma'a neyáwa wátsam ekwányam, magmowána nak ólyetsetek.”

Génesis 32:13

Aptenchek axta han Jacob axta'a m'a, apkelyésáha axta han apnaqtósso yaqwayam elmések aqsa m'a apepma Esaú,

Génesis 35:11

aptáha apcháneya s'e: “Ko'o sekteme Dios ekha apyennaqte; exámásekxa sa' apketchek, tén han aptawán'ák neptámen. Xeyep sa' kañék apteyapma énxet'ák, tén han apxámokma pók aptémakxa énxet'ák, elántépok sa' apkelwesse'e apkelwányam nepyeseksa m'a aptawán'ák neptámen.

Génesis 46:3

Keñe axta Dios aptáha apcháneya s'e: —Ko'o sekteme Dios, Dios apagkok nak ma'a apyáp, nágyé aqsa emhagkok ma'a Egipto, hakte axámassessók sa' ko'o aptawán'ák neptámen ma'a, énxet apxámokma sa' atnéssesek.

1 Reyes 3:8

Ektemék eyke ko'o kaxwók sémha emonye' nepyeseksa m'a ektáha axta exchep apkelyéseykha: cham'a énxet'ák apxámokma apagko' nak, magmowána nak ólyetsetek apwánxa.

1 Reyes 4:20

Apxámok apagko' axta m'a énxet'ák Judá tén han Israel, aphawók axta m'a xapop ánek ekhéyak nak neyáwa wátsam ekwányam. Yetnegkek axta han ekxámokma nento, tén han negyá, yetnegkek axta m'a ekpayheykekxa egwáxok.

2 Reyes 13:23

Apkelapyósegweykmek axta eyke apkelányo Wesse' egegkok, chaqhegkek axta apwáxok apkelányo, apkelányók axta chá'a eñama m'a aphéssamo axta mók apkelpaqhetchásamákpoho m'a Abraham, Isaac tén han Jacob, axta emáheyók emasséssók, tén han elántekkesek ma'a aphakxa nak, wokmók eyke makham metnéssesso s'e kaxwo' nak.

1 Crónicas 21:5

Apméssek axta Joab apnaqtáxéseyak apkelwesey énxet'ák ma'a David, keñe axta apwet'a apyókxoho apwánxa énxet'ák Israel, un millón cien mil axta apyókxoho apmopwancha'a nak elempakha', cuatrocientos setenta mil ma'a énxet'ák Judá.

1 Crónicas 27:23

Axta elyetsáteykekxak David ma'a mewayam axta chá'a veinte apyeyam apagkok, hakte apxeyenmeyk axta Wesse' egegkok exámásekxak ma'a israelitas ekhawo nak apxámokma m'a yaw'a aphéyak nak néten.

2 Crónicas 1:9

Dios Wesse' ahagkok, elána sa' kaxwók ekyókxoho m'a apkeltennassama axta m'a táta David, hakte wesse' apwányam xép etnessásak nepyeseksa énxet'ák apxámokma, aphémo nak xapop ánek keso náxop.

Job 5:25

Apxámok sa' etnehek aptawán'ák neptámen ektémól'a pa'at ma'a yókxexma nak.

Éxodo 1:7

Apxámeykegkek apagko' axta nahan ma'a israelitas, hakte apxámok axta m'a apketchek. Apkelyennaqte axta nahan aptamheykegkok, apláneyók axta m'a apkelókxa apheykegkaxa axta.

Éxodo 32:13

Kaxénwakxoho hana apwáxok ma'a apkeláneykha Abraham, Isaac tén han ma'a Israel, cham'a apteméssessama axta xeyep apagko' ekmámnaqsoho aptéma apkelanagkama s'e: ‘Axámassásekxak sa' ko'o kéltawán'ák kélnentámen kéxegke, sa' exhok apxámokma m'a apweykenxal'a apxámokma yaw'a néten, keñe sa' se'e ekyókxoho xapop séltennassamakxa axta chá'a ko'o agkések kéxegke, agkések sa' yaqwayam etnehek apagkok meyke néxa.’

Jeremías 33:22

Axámassásekxak sa' ko'o aptawán'ák neptámen ma'a séláneykha David, tén han ma'a apkeltamheykha nak chá'a sekhakxa, cham'a Leví aptawán'ák neptámen nak, exhok sa' ma'a apweykenxal'a apxámokma yaw'a m'a néten, tén han yagkamex ma'a ekhéyak nak neyáwa wátsam ekwányam, megkólmowánal'a kólyetsetek.”

Números 23:10

Máxa xapop ánek, ¿yaqsa awanchek kalyetsetek? ¿Yaqsa awanchek kay'asagkohok apwánxa apxámokma? ¡Katnoho annal'a ko'o xa sétsapma ektéma nak xa énxet'ák apkelpéwomo nak, tén katnegwók néxa sekha ektéma nak ma'a!”

Deuteronomio 1:10

Apxámok apagko' apkelmésso kélketchek ma'a Dios Wesse' kélagkok, kélxámok kélagko' kaxwók kéxegke, máxa m'a apweykenxal'a yaw'a apxámokma m'a néten.

Jueces 6:3

Apkenákxeyk axta agkok chá'a aqsok ma'a israelitas, tén axta ektámenták chá'a m'a madianitas, tén han ma'a amalecitas, apheykha axta m'a ekteyapmakxa ekhem.

Jueces 6:5

Elántaxnéssak axta chá'a apnaqtósso m'a xapop nak Israel, elpakxenagkok axta han chá'a, etwasha axta m'a ekyókxoho nak. Elxegmak axta chá'a yetlo yányátnáxeg apxámokma apagko', aptémól'a sawa' apxámokma.