Génesis 13:15 - Biblia Enxet

¹⁵ Agkések sa' ko'o exchep ekyókxoho xapop apwet'a nak kaxwo', apagkok sa' etnehek megkatnégwayam néxa, tén han ma'a aptawán'ák neptámen nak.

Génesis 13:15 ပူးပေါင်းရင်းမြစ်များ

Génesis 12:7

Axta apxekmósakpohok han Wesse' egegkok ma'a. Aptáhak axta apcháneya s'e: “Keso xapop peya nak ko'o agkések aptawán'ák neptámen se'e.” Apkelánessek axta han Abram ekwatnamáxchexa aqsok ma'a Wesse' egegkok, hakte axta apxekmósakpohok ma'a.

Génesis 13:17

¡Yempekxa néten, eweynchamha ekyókxoho nak ekwegqakxa xapop, tén han ekpayhakxa, agkések sa' ko'o exchep xa!”

Génesis 15:18

Cháxa ekhem apkelanakxa axta han ekhémo mók apkelpaqhetchásamákpoho Wesse' egegkok ma'a Abram. Aptáhak axta apcháneya s'e: —Agkések sa' ko'o aptawán'ák neptámen se'e xapop nak, eyeynamo m'a wátsam nak Egipto, ekweykekxoho m'a wátsam ekyawe nak Éufrates,

Génesis 15:7

Keñe axta aptáha apcháneya s'e: —Ko'o sekteme Wesse' apagkok, ko'o axta sektekkesso exchep ma'a Ur yókxexma apagkok nak caldeos, yaqwayam agkések se'e xapop nak, yaqwayam etnehek apagkok.

Génesis 18:18

hakte sa' etnehek apyáp énxet'ák apxámokma m'a, tén han apkelyennaqte. Éltennássek ko'o peya apasmok apyókxoho énxet'ák keso náxop, eñama m'a.

Génesis 24:7

Wesse' egegkok sa' han yáphaksek apchásenneykha etnehek apxegexma exchep, éntegkásenták aptáwa' hatte s'e, eñama m'a, cham'a Dios apha nak néten, setekkessama axta ko'o m'a aphakxa axta táta, apheykegkaxa axta m'a énámakkok, apxeyenma axta egkések étawán'ák netámen se'e xapop nak.

Génesis 28:13

Apwet'ak axta han apkenmáncha'a xamo' Wesse' egegkok ma'a apkenmágkaxa axta apwanmagko, keñe han aptáha apcháneya s'e: “Ko'o sekteme Wesse', Dios apagkok nak ma'a apyáta' Abraham, tén han ma'a apyáp Isaac, agkések sa' ko'o exchep se'e xapop apyetnakxa nak, ekweykekxoho m'a aptawán'ák neptámen.

Génesis 28:14

Exámekxohok apagko' sa' ma'a, ekweykenxal'a ekxámokma xapop ánek keso náxop, ewomhok sa' ma'a nexcheyha, nepyeyam, teyapmakxa ekhem, tén han taxnegwánxa ekhem, xép sa' kañenták apasmok ma'a apyókxoho énxet'ák apheykha nak keso náxop, tén han ma'a aptawán'ák neptámen.

Génesis 28:4

Elmések sa' xép aqsok éltaqmela, tén han ma'a aptawán'ák neptámen nak, apkeltennassama axta elmések ma'a Abraham, yaqwayam etnahagkok apagkok se'e xapop negheykegkaxa nak kaxwo', nentéma máxa énxet apkeleñama mók apkelókxa, hakte apkeltennassegkek axta Abraham ma'a.”

Génesis 35:12

Agkések sa' xépxa m'a xapop sekméssama axta m'a Abraham, tén han Isaac, keñe sa' aptawán'ák neptámen agkések neptámen xép.”

Génesis 48:4

segkésa appeywa: ‘Elano, axámassásekxak sa' ko'o exchep apketchek, énxet apxámokma sa' atnessásekxak ma'a aptawán'ák neptámen pók aptémakxa nak chá'a énxet'ák. Agkések sa' han ko'o aptawán'ák neptámen se'e xapop nak. Apagkok sa' chá'a etnehek ma'a meyke néxa.’

Génesis 50:24

Tén axta José aptáha apkeláneya apkelpepma s'e: “Ketók ko'o kaxwók sétsapmakxa', Dios sa' eyke epasmok kéxegke, elántekkesek sa' se'e apchókxa nak, yaqwayam enaqlakxak ma'a xapop apkeltennassamakxa axta Abraham, Isaac, tén han Jacob.”

1 Crónicas 16:18

cham'a aptéma axta apkenagkama s'e: ‘Agkések sa' xép xapop Canaán, apxaweykekxa ekpayhawo nak exkekxa'.’

2 Crónicas 20:7

Dios egagkok, apkelántekkessegkek axta exchep nápaqta'awók énxet'ák apagkok Israel ma'a énxet'ák apheykencha'a axta s'e xapop nak, apméssegkek axta meyke néxa m'a Abraham aptawán'ák neptámen, apxegexma axta exchep.

Salmos 37:22

Elxewekxak sa' xapop ma'a ektaqmalma nak chá'a apkelxéneykha Wesse' egegkok, keñe sa' ma'a ekmaso nak chá'a apkelxéneykha, kólmasséssók sa'.

Salmos 37:29

Énxet'ák meyke apkeltémakxa sa' elxawagkok ma'a xapop, exmakha sa' chá'a meyke néxa m'a.

Éxodo 32:13

Kaxénwakxoho hana apwáxok ma'a apkeláneykha Abraham, Isaac tén han ma'a Israel, cham'a apteméssessama axta xeyep apagko' ekmámnaqsoho aptéma apkelanagkama s'e: ‘Axámassásekxak sa' ko'o kéltawán'ák kélnentámen kéxegke, sa' exhok apxámokma m'a apweykenxal'a apxámokma yaw'a néten, keñe sa' se'e ekyókxoho xapop séltennassamakxa axta chá'a ko'o agkések kéxegke, agkések sa' yaqwayam etnehek apagkok meyke néxa.’

Éxodo 33:1

Aptáhak axta apcháneya Wesse' egegkok Moisés se'e: —Exeg, etyep sa' yetlo énxet'ák apkelántekkesso axta Egipto. Kólmohok sa' ma'a xapop séltennassamakxa axta ko'o agkések ma'a Abraham, Isaac tén han ma'a Jacob aptawán'ák neptámen.

Isaías 63:18

¡Yaqwatakxoho agko' aptemék apagkok apchókxa m'a énxet'ák apagkok apkelpagkanamap nak! Apkelteyammeykha tegma appagkanamap apagkok ma'a sẽlenmexma nak negko'o.

Números 34:2

“Etne sa' makham elának israelitas se'e: Kaxwók sa' kólántexek kéxegke m'a apchókxa Canaán. Keso apchókxa yaqwánxa sa' kóltéhek kélagkok kéxegke s'e tén han yaqwánxa chá'a katnehek néxa:

Deuteronomio 34:4

Tén axta aptáha apcháneya Wesse' egegkok se'e: “Cháxa apchókxa séltennassamakxa axta ko'o naqsók Abraham, Isaac tén han ma'a Jacob agkések ma'a aptawán'ák neptámen. Éltamhók ko'o étak apaqta'ák apagko' xép xa, metxehek sa' eyke m'a kañe' nak.”

Deuteronomio 9:5

Háwe eñama kéltémakxa ekpéwomo tén han kéltémakxa ektaqmalma yaqwayam kagkések kéxegke xapop apagkok nak ma'a énxet'ák nak; Wesse' egegkok apkelántekkesso kélmonye'e kéxegke m'a, eñama apkeltémakxa élmasagcha'a, yaqwayam enxoho elának nahan ma'a apkeltennassama axta chá'a elának ma'a Abraham, Isaac tén han ma'a Jacob kélyapmeyk nanók axta kéxegke.