Génesis 13:14 - Biblia Enxet

¹⁴ Aptáhak axta apcháneya Wesse' egegkok Abram se'e, natámen axta apxega m'a Lot: “Yenmexho sa' nexcheyha, nepyeyam, ekteyapmakxa ekhem, tén han ektaxnegwánxa nak ekhem, cháxa yókxexma aphakxa nak.

Génesis 13:14 ပူးပေါင်းရင်းမြစ်များ

Génesis 13:10

Apkenmexawók axta Lot ekyókxoho ekyapwate nak wátsam Jordán, apwet'ak axta han ekyawa yegmen ekweykekxoho m'a yókxexma étkok nak Sóar, máxa axta m'a yókxexma ektaqmalmal'a. Hawók axta m'a ektémakxa axta Egipto. (Cháxa ektémakxa axta xa, amonye' axta apmassésseyam Wesse' egegkok ma'a tegma apkelyawe Sodoma tén han Gomorra.)

Génesis 28:14

Exámekxohok apagko' sa' ma'a, ekweykenxal'a ekxámokma xapop ánek keso náxop, ewomhok sa' ma'a nexcheyha, nepyeyam, teyapmakxa ekhem, tén han taxnegwánxa ekhem, xép sa' kañenták apasmok ma'a apyókxoho énxet'ák apheykha nak keso náxop, tén han ma'a aptawán'ák neptámen.

Isaías 49:18

Kalyeheykha, kasawheykha exma neyáwa', kalano ektáhakxa apwakhegwa'akto apyókxoho énxet, tén han ektáhakxa apkelye'eykekta exche'. “Naqsók ko'o sekxéna, sektáha nak Wesse' peya elxohok aqsok étkók élmomnáwa xa apyókxoho nak yaqwayam sa' kawakhésaxchek xeye', ektémól'a kélnáxegkáseykha m'a xama kelán'a ekmáheyól'a kalyamhápok.

Isaías 60:4

Kólyeheykha, kólsawheykha exma kélnepyáwa': apyókxoho énxet apchaqnákxa', apkelmeyókmek xa kélhágkaxa nak. Makhawók sa' elenyenták elchexyók ma'a énxet'ák kélagkok; kólqeynenták sa' kólnaqlanták ma'a kelán'ák nak.

Deuteronomio 3:27

Yenát sa' ma'a netno agko' nak egkexe Pisgá, keñe sa' esawheykha exma neyseksa apkenmeykha m'a néten nak yenmexhok ma'a ekpayho nak nexcheyha, nepyeyam, ekteyapmakxa ekhem tén han ma'a taxnegwánxa ekhem, meyeykhekxeyk sa' eyke m'a wátsam Jordán nak.

Deuteronomio 34:1

Apchánteyk axta Moisés néten egkexe Nebo ekyetnama nak ma'a yókxexma meykexa nak énxet Moab, étseksek nak ma'a egkexe Pisgá, ekyetnama nak ma'a ekpayho nak Jericó. Cha'a apxekmósakxa axta nahan Wesse' egegkok ekyókxoho yókxexma nak Galaad ma'a ekweykekxoho m'a Dan nak xapop apagkok,