Génesis 12:8 - Biblia Enxet

⁸ Keñe axta apmahágko m'a yókxexma élámhakxa nak meteymog élwenaqte, ekyetnama nak ma'a ekteyapmakxa ekhem teyp nak tegma apwányam Betel, axta appakxenak han ma'a, taxnegwánxa ekhem axta han peheweykekxak Betel ma'a appakxenwánxa axta, keñe m'a tegma apwányam nak Ai ekpehewákxo ekteyapmakxa ekhem. Apkelánekxeyk axta makham mók ekwatnamáxchexa aqsok Abram xa yókxexma nak. Apwóneyha axta Wesse' egegkok.

Génesis 12:8 ပူးပေါင်းရင်းမြစ်များ

Génesis 13:18

Aplekkek axta appakxanma Abram apmahágko aphakmo m'a élámhakxa nak yámet naxma apagkok axta m'a énxet apwesey axta Mamré, ketók axta m'a tegma apwányam nak Hebrón. Axta apkelánéssekmok han xama aqsok ekwatnamáxchexa Wesse' egegkok ma'a.

Génesis 13:3

Aptaqmelcháseykegkók axta han apxegama apkeñama Négueb, ekwokmoho apwokmo m'a Betel. Cha'a apkeñamakxa axta apxega apmeyákxo m'a appakxenweykenxa axta sekxók, neyseksa nak ma'a teyp Betel, halep nak Ai.

Génesis 13:4

Cháxa yókxexma apkelánegweykenxa axta han sekxók ma'a ekwatnamáxchexa nak aqsok, apwóneykegkaxa axta han Wesse' egegkok.

Génesis 21:33

Apkeneykekxeyk axta han Abraham xama yámet tamarisco m'a yókxexma Beerseba, cha'a apkelpeykessamókxa axta han Wesse' egegkok, Dios memassegwayam nak.

Génesis 22:9

Xama axta apkelwokmo m'a yókxexma apkeltennasakxa axta Dios, apkelanak axta Abraham ekwatnamáxchexa aqsok, apnegkenchek axta yántápak néten, tén axta apkelpexteta apketche Isaac, appekkenchek axta néten ekwatnamáxchexa aqsok, cham'a néten nak yántápak.

Génesis 26:25

Apkelanak axta han Isaac xama ekwatnamáxchexa aqsok ma'a, apkelpeykásawók axta Wesse' egegkok. Appakxenwokmek axta m'a yókxexma nak, keñe apkeláneykha apmetma xama yámelchet.

Génesis 28:19

Apyetnegkek axta xama tegma apwányam xa yókxexma nak, kélteméssessama axta apwesey Luz, apyaqmagkassessek axta eyke apwesey m'a Jacob, Betel axta aptemessásekxak apwesey.

Génesis 31:25

Aptahanyekxeyk axta Labán Jacob ma'a élámhakxa nak meteymog Galaad, appakxenweykenxa axta m'a Jacob. Cha'a appakxenwánxa axta han Labán ma'a yetlo apnámakkok,

Génesis 33:20

Tén axta apkelana xama ekwatnamáxchexa aqsok, apteméssessek axta ekwesey El-elohé-israel.

Génesis 35:3

Ólmeyekxak sa' ma'a Betel, hakte sa' alánessekxak ko'o ekwatnamáxchexa aqsok Dios ma'a, sepasmoma axta neyseksa ekyentaxno ewáxok, sétleykencha'a axta chá'a sekmakókxa enxoho chá'a amhagkok.

Génesis 35:7

Apkelanak axta xama ekwatnamáxchexa aqsok, apteméssessek axta han ekwesey El-betel xa yókxexma nak, hakte apxekmowásamákpók axta Dios apmaheykegko axta apxegánegkessama apepma m'a.

Génesis 4:26

Apweteyak axta han xama apketche apkenna' Set, apteméssessek axta apwesey Enós. Cháxa eyeynókxa axta kélwóneykha apwesey m'a Wesse' egegkok.

Génesis 8:20

Apkelanak axta han Noé xama ekwatnamáxchexa aqsok, apkelánesa Wesse' egegkok, apkelyésáha axta aqsok nawha'ák, tén han náta megkalmanyása, xama axta chá'a m'a ektémakxa nak chá'a, apchaqhássessek axta yaqwayam ewatnések Wesse' egegkok.

Nehemías 11:31

Keñe axta Benjamín énxet'ák apagkok apkelheykmo m'a Gueba, Micmás, Aías, Betel, yetlo m'a tegma apketkók aphéyak nak nepyáwa',

Salmos 116:4

Keñe axta sekwóneykencha'a Wesse' egegkok, élmaxnagkamchek axta séltémo hewagkasek teyp.

Éxodo 17:15

Apkelanak axta nahan Moisés xama ekwatnamáxchexa aqsok, cham'a apteméssesa axta nahan ekwesey: “Wesse' egegkok apteme bandera ahagkok séxanmól'a néten”,

Isaías 10:28

apkelwa'a m'a yókxexma Aiat, apkelyeykhágwa'ak ma'a Migrón, apkexakhagwa'ak apkelseykha m'a Micmás,

Joel 2:32

Apyókxoho énxet ektáha nak sewóneykha, ko'o sektáha nak Wesse', ewagkasakpok sa' teyp ma'a nétsapmakxa nak, hakte keytek sa' nélwagkásamáxche teyp ma'a egkexe Sión, Jerusalén nak, apkeltennassamakxa axta katnehek ma'a Wesse' egegkok. Meletsepek sa' ma'a ektáha nak apkelyéseykha.

Josué 18:22

Bet-arabá, Semaraim, Betel,

Josué 22:10

Xama axta apkelwákxo neyáwa wátsam Jordán ma'a Rubén nak énxet'ák apagkok tén han Gad, keñe han ma'a nápakha nak Manasés énxet'ák apagkok, axta eyke makham ma'a xapop apagkok nak cananeos, apkelánegkek axta ekwatnamáxchexa aqsok ekyawe agko' ma'a neyáwa nak wátsam Jordán.

Josué 7:2

Apkeláphássek axta Josué nápakha énxet'ák apkeleñama m'a Jericó, yaqwayam elmahagkok ma'a yókxexma nak Ai, ekpayho nak ekteyapmakxa ekhem, teyp yókxexma Betel, ketók axta m'a yókxexma nak Bet-avén, apkeláneyákpexa axta etyánegwomhok ma'a yókxexma nak. Apkelxegkek axta apteyánegwokmoho m'a yókxexma Ai,

Josué 8:12

Tén axta Josué apkeltamho elyexánegwók cinco mil sẽlpextétamo m'a halep nak Betel, ekpayho nak ektaxnegwánxa ekhem teyp nak tegma apwányam.

Josué 8:17

Méko axta xama énxet apkeymomap ma'a tegma apwányam nak Ai, tén han ma'a Betel, apyókxoho axta apkelántépak apmenxena m'a énxet'ák Israel; apyenyókek axta aqsa meyke ekmasma m'a tegma apwányam nak.

Josué 8:3

Apkelánekxeyk axta aptáhakxa Josué yetlo apyókxoho sẽlpextétamo apagkok yaqwayam elxog ektamagkok ma'a énxet'ák nak Ai. Apkelyesáha axta treinta mil kempakhakma yapmeyk yaqwayam yempakha', keñe axta apkeláphasa elxog axta'a.

Josué 8:30

Apkelanak axta Josué xama aqsok ekwatnamáxchexa m'a Wesse' egegkok nak apagkok, Dios apagkok nak Israel, axta payhok ma'a egkexe Ebal,

Josué 8:9

Tén axta Josué apkeltamho elxog, keñe axta apkelxega m'a énxet'ák. Axta apkelyexánegwokmok ma'a neyseksa nak yókxexma Betel kenhan ma'a yókxexma nak Ai, ekpayho nak ektaxnegwánxa ekhem teyp nak Ai. Keñe Josué aptena axta'a m'a apkelpakxenwánxa axta.

Jueces 6:24

Tén axta Gedeón apkelánesa xama aqsok ekwatnamáxchexa Wesse' egegkok ma'a, apteméssessek axta ekwesey “Wesse' egegkok apteme meyke ektáhakxa egwáxok”. Makhemek makham ekyetno Ofrá xa ekwatnamáxchexa nak aqsok, tegma apwányam apagkok nak ma'a Abiézer apnámakkok.

1 Samuel 30:27

Apkeláphássessek axta han aqsok apkelmésso naqsa m'a apheykha nak Betel, cham'a Ramot ekpayho nak Négueb, tén han Jatir,