Génesis 11:7 - Biblia Enxet

⁷ Tásek sa' ólweywenták ólxegánegkessesek mók apkelpeywa, yaqwayam sa' mey'asagkehek chá'a aptáhakxa apcháneya pók.”

Génesis 11:7 ပူးပေါင်းရင်းမြစ်များ

Génesis 1:26

Tén axta aptáha s'e: “Anlának sa' kaxwo' énxet neghawo nak negko'o. Apwanchek sa' nahan chá'a etnéssesek apmakókxa enxoho etnéssesek ma'a kelasma, tén han náta, tén han ma'a ekyókxoho aqsok nawha'ák megkameymentakcha'a nak, tén han ma'a aqsok nawha'ák ekmeymentakcha'a nak, tén han ma'a élpexyaweykegkoho nak xapop.”

Génesis 10:20

Keso ektáha axta chá'a Cam aptawán'ák apagko' se'e, apagkok apagko' axta han chá'a xapop, ektáhakxa nak chá'a apnámakkok apancha'awo', apkelpeywa apancha'awo' axta han chá'a xama apheykegkaxa'.

Génesis 10:32

Cháxa ektáha axta Noé apketchek apnámakkok apancha'awo' xa, ektáhakxa axta chá'a apnámakkok apancha'awo tén han aptawán'ák neptámen, keñe han xapop apagkok apagko'. Apkexpánmeyk axta ekyókxoho yókxexma keso náxop, natámen axta yegmen ekyawe, apxámáseykekxeyk axta pók aptémakxa énxet'ák keso náxop.

Génesis 10:5

Cháxa Jafet axta aptawán'ák neptámen xa, apheykencha'a axta neyáwa wátsam ekwányam. Apagkok apagko' axta han chá'a xapop, ektáhakxa nak chá'a apnámakkok apancha'awo', apkelpeywa apancha'awo' axta han chá'a xama apheykegkaxa'.

Génesis 11:5

Apweywenteyk axta Wesse' egegkok apkelano tegma apwányam, tén han tegma néten apwenaqte, apkeláneygko axta m'a énxet'ák nak.

Génesis 3:22

keñe axta aptáha s'e: “Eghágweykxók kaxwók negko'o énxet, apya'ásegkok kaxwók aqsok ektaqmela, tén han aqsok ekmaso, móghók sa' etwok ma'a yámet ekyexna ekyennaqtéssamo nak egnények, hakte aptókek agkok ma'a, megyetsepek chá'a.”

Génesis 42:23

Axta elya'ásegkok apleg'awo José m'a aptáhakxa apkelpeywa, hakte háwe axta apkelpaqhetchesso m'a José, pók énxet axta chá'a apkeltennáseykekxoho aptáhakxa apkelpeywa.

Job 12:20

Elwanmeyásekxak chá'a m'a apkelpaqhetcháseykha nak chá'a apnámakkok ekha kéláyo, emassésseshok chá'a ektémakxa ektaqmalma apkelyekpelchémo m'a apkelwányam nak.

Salmos 2:4

Apkesméssek Wesse' egegkok apteme nak wesse' apwányam ma'a néten;

Salmos 33:10

Metekkessesek chá'a Wesse' egegkok ekyókxoho aqsok apmáheyo nak chá'a elanagkok ma'a énxet'ák melya'áseyak nak Dios, megyohók han chá'a katyapok aqsok apkeláneyak,

Salmos 55:9

Wesse', emasséssem xép ma'a énxet'ák nak, yána kalxeganmok ektémakxa apkelpaqmeyesma, wánxa aqsa sekweteya chá'a ko'o m'a apkelyennaqteyáseykha apyempe'ék, tén han apkelenmexamap,

Éxodo 4:11

Aptáhak axta apchátegmowágkokxo Wesse' egegkok se'e: —¿Yaqsa ekmésso apátog énxet? ¿Yaqsa élane han ma'a meyke appeywa nak, tén han ma'a meyke apeyk'ák nak, tén han ma'a meyke nak apaqta'ák, essenhan ma'a apmopwána nak étak exma?

Isaías 33:19

Kamaskok sa' exek nepyeseksa m'a énxet'ák megkalyexnegwayam nak chá'a apkelpeywa elának apnámakkok, ekmáske nak agya'asagkohok ma'a ektémakxa apkelpeywa, manlege nak ektáhakxa m'a apkelpeywa, mey'áseyák nak xama énxet.

Isaías 6:8

Tén axta sekleg'a Wesse' egegkok appeywa. Axta entáhak se'e: “¿Yaqsa sa' ko'o wáphaksek? ¿Yaqsa sa' katnehek apseykha amya'a egagkok?” Axta ektáhak ko'o seyátegmowágkokxo s'e: “Keso ko'o s'e, heyáphés ko'o.”

Jeremías 5:15

Aptáhak Wesse' egegkok se'e: “Israel, anaqlókásegmak sa' ko'o exchep énxet'ák, apkeleñama nak makhawók agko', cham'a énxet'ák apkelyennaqte nak tén han nanók agko' énxet'ák nak. Mopwanchek xép apkelpeywa m'a, mey'asagkek han ma'a aptáhakxa enxoho apkelpeywa.

Deuteronomio 28:49

Ektágkásegmak sa' kéxegke Wesse' egegkok ma'a énxet'ák apkeleñama nak apchókxa makhawók agko' keso náxop, cham'a énxet'ák megkólmowána nak kéxegke m'a apkelpeywa. Máxa sa' etnahagkok ma'a ektémól'a náta meyke ahekhek ekyennaqtél'a kampa';