Génesis 10:22 - Biblia Enxet

²² Keso Sem apketchek axta s'e: Elam, Asur, Arfaxad, Lud, tén han Aram.

Génesis 10:22 ပူးပေါင်းရင်းမြစ်များ

Génesis 10:21

Apweteyak axta han apketchek ma'a Sem, apepma axta m'a Jafet, Sem aptawán'ák neptámen axta m'a apyókxoho nak Éber apketchek.

Génesis 11:10

Keso Sem aptawán'ák neptámen se'e: Apteyekmek axta apketche Sem, apweykmo axta cien apyeyam apagkok, cham'a Arfaxad, aptéma axta apqánet apyeyam natámen axta yegmen ekyawe.

Génesis 9:26

Tén axta aptáha han se'e: “Apcheymákpoho sa' kólteméssesek Wesse' egegkok Sem nak Dios apagkok, apchásenneykha naqsa sa' etnehek ma'a Canaán.

2 Reyes 15:19

aptaxnegweykmek axta apchókxa m'a Pul, wesse' apwányam axta Asiria, keñe Menahem apkelmésa treinta y tres mil kilos sawo élmope élmomnáwa, yaqwayam enxoho epasmok énnaqtéssesek ma'a aptémakxa nak wesse' apwányam.

Job 1:17

Axta han epenchásawok appeywa xa énxet nak apwákxo makham pók, tén axta aptáha apcháneya s'e: —Apqántánxo appasmeykekxa caldeos egketamakmok negko'o, apkelmenyexágkek ma'a yányátnáxeg, sawo han chá'a apkelyetxeyk apkelnapa m'a énxet'ák. Ko'o aqsa exakkók seyewagko sekxeganakmo, yaqwayam enxoho ay'óták xép altennásseta'.

Isaías 11:11

Exekmósek sa' makham apmopwána Wesse' egegkok apmako sa' enaqlanták makham énxet'ák apagkok apkeleymomap xa ekhem nak, apnaqlósawákxo sa' makham ma'a Asiria, Egipto, Patros, Etiopía, Elam, Sinar, Hamat tén han ma'a apkelókxa ekhéyak nak neyáwa wátsam ekwányam.

Isaías 21:2

Asagkók agko' ma'a aqsok sexekmósso nak ma'a Dios: Appelakkassessek chá'a apsexnáneya pók ma'a énxet apsexnenagkamo nak chá'a pók, apmasséssekmek aqsok ma'a apmassesseykmoho nak chá'a aqsok. ¡Kólchempekxa néten, énxet'ák Elam! ¡Énxet'ák Media, kólchetamák! ¡Maltamhók ko'o kaxwo' kólpaqmésmakha eñama kéllegeykegkoho!

Isaías 22:6

Apkelánegkokxeyk yágke apagkok ma'a énxet'ák Elam, apkelchántákxeyk ma'a yátnáxeg apkelyenyawasso apagkok tén han ma'a yátnáxeg; apkelmágkokxeyk apkeláhakkásamap ma'a énxet'ák Quir.

Isaías 66:19

Agkések sa' ko'o xama aqsok magkenatchesso. Wohok sa' elxeganmok nápakha keñe sa' aláphaksek ma'a apheykegkaxa nak chá'a pók aptémakxa énxet'ák: cham'a Tarsis, Libia tén han ma'a Lidia, apkelókxa, apmopwancha'a nak elmaha m'a yágke, tén han ma'a Tubal, Grecia tén han ma'a apkelókxa makhawók agko' nak, neyáwa nak ma'a wátsam ekwányam, cham'a, mellegaya nak ko'o makham axénaxche', melweteya nak makham ma'a seyeymáxkoho; Sa' ellegaksek nepyeseksa pók aptémakxa énxet'ák seyeymáxkoho m'a.

Jeremías 25:25

tén han ma'a apyókxoho kelwesse'e apkelwányam nak Zimrí, Elam, tén han Media:

Ezequiel 32:24

“Cháxa Elam han xa, apwakhayak apyókxoho sẽlpextétamo apagkok ma'a takhaxpop apagkok. Apyókxoho axta apkeletsapmak neyseksa kempakhakma xa, cham'a melya'áseyak axta Dios aphagweykmo axta m'a kóneg xapop nak keso nélwanmégkaxa. Apkelyegwakkáseykha axta chá'a m'a énxet'ák meletsapma nak, keñe kaxwók aptamhágko meyke kéláyo nepyeseksa m'a aphagwayam nak kañe' takhaxpop.

Daniel 8:2

Neyseksa sekwete axta xa aqsok nak, máxa axta entáhak sekha enxoho m'a tegma apwányam Susa, yókxexma nak Elam, neyáwa nak wátsam Ulai.

Números 23:7

Tén axta Balaam aplegasa s'e ektéma nak amya'a: “Aram axta eñamak seyáneyeykencha'a m'a Balac wesse' apwányam nak Moab, axta eñamak ma'a élámhakxa nak meteymog élekhahéyak ekpayho nak ekteyapmakxa ekhem. Exegma —axta aptáhak seyáneya— yána kaltemégwomhok exma ekmaso énxet'ák Israel, yána kasók apheykha m'a Jacob énxet'ák apagkok.