Génesis 10:19 - Biblia Enxet

¹⁹ Weykmok axta xapop apagkok énxet'ák Canaán ma'a yókxexma nak Guerar, eyeynamo m'a tegma apwányam nak Sidón, ekweykekxoho m'a tegma apwányam nak Gaza, ekmeyeykekxa nak ma'a tegma apkelyawe Sodoma tén han Gomorra, Admá, tén han Seboím, ekweykekxoho m'a tegma apwányam nak Lesa.

Génesis 10:19 ပူးပေါင်းရင်းမြစ်များ

Génesis 10:18

arvadeos, semareos, tén han hamateos. Tén axta apkexpánma apyókxoho m'a Canaán axta apnámakkok.

Génesis 10:20

Keso ektáha axta chá'a Cam aptawán'ák apagko' se'e, apagkok apagko' axta han chá'a xapop, ektáhakxa nak chá'a apnámakkok apancha'awo', apkelpeywa apancha'awo' axta han chá'a xama apheykegkaxa'.

Génesis 14:2

Cháxa apkempakhaya axta m'a Bera wesse' apwányam axta Sodoma, Birsá, wesse' apwányam axta m'a Gomorra, Sinab, wesse' apwányam axta m'a Admá, Seméber, wesse' apwányam axta m'a Seboím, tén han ma'a wesse' apwányam axta m'a Bela, ekwesey nak han Sóar.

Génesis 14:3

Apcháncheseykekxeyk axta sẽlpextétamo apagkok ekyapwate nak Sidim xa cinco apkelwesse'e nak, cham'a ekpayho nak Wátsam Étsapma.

Génesis 18:20

Keñe axta Wesse' egegkok aptáha s'e: —Legamaxcheyk apkelwesey ekmaso agko' ma'a énxet'ák Sodoma tén han Gomorra, asagko' agko' han ma'a melya'assáxma,

Génesis 20:1

Apteyepmeyk axta Abraham ma'a aphamakxa axta, apmaheykegko m'a yókxexma nak Négueb, axta apheykmok ma'a tegma apwányam nak Guerar, teyp nak Cadés halep nak Sur.

Génesis 26:1

Tamheykekxeyk axta makham meyke nento xa yókxexma nak, ektéma axta m'a apyennaqtamakxa axta makham Abraham. Axta keñamak apmaheykegko Isaac ma'a Guerar, aphamakxa axta Abimélec, wesse' apwányam apagkok axta m'a filisteos.

2 Crónicas 14:12

Tén axta Wesse' egegkok apmallahanchesa m'a Asá yetlo énxet'ák Judá, nepyeseksa m'a etiopes; apkenyahágkek axta m'a.

2 Crónicas 14:13

Apmenxenchek axta eyke Asá yetlo sẽlpextétamo apagkok ekweykekxoho m'a yókxexma Guerar, apsawheykpók axta aptekyawa m'a etiopes, kélnaqtawásegkók axta nápaqtók Wesse' egegkok tén han sẽlpextétamo apagkok, apkelmágkek axta han ekxámokma agko' ma'a aqsok apagkok axta m'a apkelenmexma.

Job 38:20

¿Apwancheya elya'aksek ekweykmoho m'a néxa xapop nak keñe elya'ásenták makham ma'a ekheykegkaxa nak?

Isaías 23:11

Apya'ássek axta apmek neyseksa wátsam ekwányam ma'a Wesse' egegkok, apkelpexyennegkessek axta apkelaye m'a pók aptémakxa nak chá'a énxet'ák, apkeltamhók axta kólmasséssók ma'a tegma apkelyennaqte nak Canaán.

Isaías 23:4

Kólmegqáwho kélagkók sa', énxet'ák Sidón, tegma apyennaqte nak neyáwa wátsam ekwányam, hakte sa' kóltéhek kólpaqmétek se'e: “Massék kaxwók ekmáske ewáxok, massék kaxwók sektáha enaqláwa. Méko kaxwók étchek yaqwayam waktegkesek, méko kaxwók étchek kelwán'ák yaqwayam alxekmósagkok.”

Jeremías 25:20

tén han ma'a pók aptémakxa nak chá'a énxet'ák apheykha m'a; tén han ma'a apyókxoho kelwesse'e apkelwányam nak apchókxa Us, tén han ma'a yókxexma apagkok nak ma'a filisteos: cham'a Ascalón, Gaza, Ecrón, tén han ma'a éleymomáxche axta m'a Asdod;

Jeremías 47:1

Keso amya'a apkeltennasa axta Wesse' egegkok Dios appeywa aplegasso Jeremías apkelxéna m'a filisteos, mektámegkaxa axta makham faraón ma'a Gaza:

Ezequiel 28:21

“Xép énxet, yenmexekxoho sa' tegma apwányam Sidón, eltennés sa' sektáhakxa ko'o sekxeyenma m'a.

Oseas 11:8

“¡Mowanchek ko'o eytnakhaksek xép Efraín! ¡Mowanchek ko'o ayenyók xép Israel! ¿Ewanchek enxeykel'a amasséssók ektéma axta sekmassésseykmo m'a tegma apwányam nak Admá? ¿Ewanchek enxeykel'a atnéssesek xép sekteméssessamakxa axta m'a Seboím? ¡Megkeynnák ko'o ewáxok, awanhek apmopyósa sélányo exchep!

Deuteronomio 2:23

Hawók axta nahan ektémakxa axta m'a heveos, apheykencha'a axta m'a tegma nekha Gaza apsawhomákpo axta aptekyawoma apkelnapma m'a énxet'ák filisteos, apkelxegeykmo axta apkeleñama m'a Creta, keñe apkelhaya m'a apkelókxa nak.)

Deuteronomio 32:8

Xama axta apkelmeyáseykegko chá'a xama xama xapop apagkok énxet'ák tén han apkelókxa m'a Meyke nak Ekhémo, appekkenchek axta chá'a néxa apkelweynchámeykegkaxa m'a énxet'ák. Xénchek axta eyke apwáxok ma'a israelitas,

Josué 19:28

yetlómok axta han ma'a Abdón, Rehob, Hamón keñe han ma'a Caná, ekweykekxoho m'a apyawakxa nak tegma apwányam Sidón.

Jueces 16:1

Xama ekhem axta apmahágko Sansón ma'a tegma apwányam nak Gaza. Apwetágwokmek axta han xama kelán'a ekyaqmagkáseyak pók énxet ekma chá'a ekyánmaga ekpathetéyak, appathetágkek axta han ma'a.

Jueces 6:4

Elpakxenwaták axta chá'a m'a xapop apagkok nak Israel, etwasha axta chá'a aqsok kélcheneykekxa, ekweykekxoho m'a Gaza, megyeygkesek axta chá'a aptéyak yaqwayam enxoho etawagkok ma'a israelitas, nepkések, weyke tén han yámelyeheykok.

1 Samuel 13:18

nápakha axta han apkelmahágkok ma'a Bet-horón, keñe han nápakha apkelmahágko m'a egkexe émha nak neyseksa m'a ekyapwátegweykenxa nak xapop Seboím, ekpayho nak meykexa énxet.