Génesis 10:15 - Biblia Enxet

¹⁵ Canaán axta apyáp ma'a Sidón, apmonye' apwete apketche axta, tén han ma'a Het.

Génesis 10:15 ပူးပေါင်းရင်းမြစ်များ

Génesis 23:3

Keñe axta aptepa m'a ekyetnakxa axta Sara ápak, apxega aptáha apkelpaqhetchessákxo hititas ma'a apheykegkaxa axta. Aptáhak axta apkeláneya s'e:

Génesis 24:3

Etnésses sa' naqsók agko' Wesse' egegkok, Dios nak néten tén han keso náxop, megyohok ko'o hatte Isaac emok xama kelán'a eñama nak se'e Canaán, sekhakxa nak ko'o,

Génesis 49:13

“Exek sa' Zabulón ma'a neyáwa wátsam ekwányam, yaqwánxa sa' keytek ekhagweykekxexa chá'a m'a yántakpayhe. Kammohok sa' néxa xapop apagkok ma'a Sidón nak.

2 Samuel 24:6

Keñe axta apkelmeyákxo m'a Galaad tén han Cadés, apchókxa nak ma'a hititas. Apkelwokmek axta m'a Dan, keñe apkeltaqhegwokmo apkelmeyákxo m'a Sidón.

1 Crónicas 1:13

Canaán axta apyáp ma'a Sidón, apmonye' apwete apketche axta, tén han ma'a Het.

Éxodo 3:8

Cháxa keñamak sekweywento nak ko'o, yaqwayam alwagkasek teyp neyseksa apkelma m'a egipcios; alántekkesek sa' ko'o s'e apkelókxa nak, alya'aksek sa' ma'a xama xapop ekyawe agko' nak tén han ektaqmalma, cham'a ényahamakxa nak weyke nagkeygmenek, tén han yányawhéna' apyegmenek ektémól'a kanyehek ma'a yegmen, cham'a apchókxa apheykegkaxa nak ma'a cananeos, hititas, amorreos, ferezeos, heveos tén han ma'a jebuseos.

Éxodo 34:11

“Kóllána sa' sakhem ma'a séltamho exchek ko'o kóllána', keñe sa' ko'o alántekkesek kélnepyeseksa kéxegke m'a amorreos, cananeos, hititas, ferezeos, heveos tén han ma'a jebuseos.

Isaías 23:4

Kólmegqáwho kélagkók sa', énxet'ák Sidón, tegma apyennaqte nak neyáwa wátsam ekwányam, hakte sa' kóltéhek kólpaqmétek se'e: “Massék kaxwók ekmáske ewáxok, massék kaxwók sektáha enaqláwa. Méko kaxwók étchek yaqwayam waktegkesek, méko kaxwók étchek kelwán'ák yaqwayam alxekmósagkok.”

Jeremías 47:4

Hakte wokmek ekhem yaqwánxa kólmasséssók ma'a filisteos, tén han kólyementemekxak Tiro, tén han Sidón ma'a apkeleymomap nak makham ma'a ektáha nak chá'a appasmo.” Naqso', emasséssók sa' Wesse' egegkok ma'a filisteos, apkelánteyapma axta m'a egkexe Creta, apkelmeyáyekmo s'e.

Ezequiel 27:8

Sidón tén han Arvad énxet'ák axta nahan ma'a apkelxegkesso nak chá'a, énxet'ák ekha apkelya'áseyak aqsok axta nahan ma'a apkelpeyncháméyak nak chá'a.

Ezequiel 28:21

“Xép énxet, yenmexekxoho sa' tegma apwányam Sidón, eltennés sa' sektáhakxa ko'o sekxeyenma m'a.

Josué 11:8

keñe axta Wesse' egegkok apkelmallanchesa m'a énxet'ák nak Israel. Apketámegkek axta keñe han apmenxena ekweykmoho m'a apyawakxa nak tegma apwányam ma'a Sidón keñe han ma'a Misrefot-maim, tén han apmenxena m'a ekteyapmakxa nak ekhem ekweykmoho m'a ekpayhegweykenxa nak xapop ma'a yókxexma Mispá. Méko axta xama apkeymomap ma'a.

1 Samuel 26:6

Tén axta David appaqhetchesa m'a Ahimélec, apteme axta hitita, tén han Abisai, Seruiá axta étche, Joab axta apyáxeg, aptáhak axta apkelmaxneyáncha'a s'e: —¿Yaqsa ekmako hétlók ko'o yaqwayam ólmahagkok ma'a appakxanma nak Saúl? —Ko'o sa' eytlók —axta aptáhak Abisai.