Génesis 1:31 - Biblia Enxet

³¹ Apwet'ak axta Dios éltaqmela ekyókxoho aqsok apkelane. Cháxa ekwokmo axta ekpenchásamáxche seis ekhem xa.

Génesis 1:31 ပူးပေါင်းရင်းမြစ်များ

Génesis 1:13

Cháxa eyeynamókxa axta ekpenchásamáxche ántánxo ekhem xa.

Génesis 1:19

Cháxa eyeynamókxa axta ekpenchásamáxche cuatro ekhem xa.

Génesis 1:23

Cháxa eyeynamókxa axta ekpenchásamáxche cinco ekhem xa.

Génesis 1:5

Apteméssessek axta han ekwesey élseyéxma “ekhem” keñe axta ekyaqtessóxma apteméssesa ekwesey “axta'a”. Cháxa eyeynamókxa axta ekpenchásamáxche xama ekhem.

Génesis 1:8

Apteméssessek axta ekméyak yegmen ekwesey “néten”. Cháxa eyeynamókxa axta ekpenchásamáxche ánet ekhem xa.

Génesis 2:2

Appenchessek axta apkelane aqsok Dios ekwokmo siete ekhem, apkellókassek axta apyampé.

Génesis 2:3

Apxénchek axta han ektaqmalma xa ekhem siete nak, apteméssessek axta ekpagkanamaxche', hakte apkellókassek axta apyampé xa ekhem nak, cham'a ekyókxoho aptamheykha apkelane nak aqsok.

Job 38:7

neyseksa apkelmeneykmasso yaw'a apkelánteyapmól'a axto'o, neyseksa élpayheykekxa apkelwáxok yetlo apkelwónchesso m'a sélásenneykha apheykha nak néten?

Salmos 104:24

¡Wesse', xamók agko' xép aqsok apkelane! Yetlo apya'áseykegkoho apkelanék ma'a ekyókxoho nak; ¡sawheykekxók ekyókxoho xapop ma'a aqsok apkelane!

Salmos 104:28

Elmések chá'a exchep, keñe kalmagkok chá'a; apkelméssek agkok chá'a, kalyaqkanmekxohok chá'a ektéyak ektaqmela;

Salmos 104:31

¡Megkamassegwomek apcheymákpoho Wesse' egegkok! ¡Kapeykessásekxak chá'a apwáxok Wesse' egegkok ma'a aqsok apkelane nak!

Salmos 119:68

Tásek xép apwáxok, aqsok ektaqmela nahan chá'a elána'; ¡hélxekmós ko'o segánamakxa apagkok!

Éxodo 20:11

Hakte weykmek axta apkelane Wesse' egegkok seis ekhem ma'a néten, tén han keso náxop, tén han ma'a wátsam ekwányam nak, tén han ma'a ekyókxoho aqsok ekhéyak nak ma'a kañe', tén axta apkellókasa apyampe m'a ekhem siete. Cháxa keñamak apteméssessama nak ektaqmalma Wesse' egegkok ma'a ekhem sábado, apteméssessek axta nahan ekhem ekpagkanamaxche'.

Éxodo 31:17

Katnehek sa' xama aqsok magkenatchesso ekpekkenamaxche nepyeseksa israelitas tén han ko'o xa.” Hakte seis ekhem axta weykmok ko'o sélane m'a néten tén han keso náxop, ko'o sektáha nak Wesse' kélagkok, keñe ekhem siete sélwátéssama sektamheykha, séllókassama sekyampe.

Proverbios 16:4

Apkeláneyak axta Wesse' egegkok ekyókxoho aqsok yaqweykenxa chá'a etnéssesek: weykmók han apkelane m'a énxet ekmaso nak aptémakxa, yaqwayam sa' eñássesagkohok ma'a ekhem nélyekpelchamáxchexa sa'.

Eclesiastés 3:11

Dios axta apkelane amonye' aqsok éltaqmela, appekkenchessegkek axta han apwáxok énxet néltémo nak agya'asagkohok yaqwánxa katnehek egmonye' tén han nentámen meyke néxa, neyseksa mey'áseyak eykhe m'a ekyókxoho aqsok ekyawe apkelane nak Dios, tén han ma'a apmáheyo nak chá'a elána'.

Lamentaciones 3:38

Wayak chá'a m'a aqsok ektaqmela nak, tén han aqsok ekmaso, hakte meyke Ekhémo chá'a apkeltémo kawa'.

Deuteronomio 32:4

Cha'a apteme segmasma m'a; kelpéwók ma'a aptamheykha nak, kelpéwók nahan chá'a m'a aqsok apkelane nak. Cha'a apteme Dios apmámnaqsoho m'a, méko xama aqsok enxoho megkapéwomo apkelane; ¡appéwomo m'a tén han apmámnaqsoho!