Génesis 1:26 - Biblia Enxet

²⁶ Tén axta aptáha s'e: “Anlának sa' kaxwo' énxet neghawo nak negko'o. Apwanchek sa' nahan chá'a etnéssesek apmakókxa enxoho etnéssesek ma'a kelasma, tén han náta, tén han ma'a ekyókxoho aqsok nawha'ák megkameymentakcha'a nak, tén han ma'a aqsok nawha'ák ekmeymentakcha'a nak, tén han ma'a élpexyaweykegkoho nak xapop.”

Génesis 1:26 ပူးပေါင်းရင်းမြစ်များ

Génesis 11:7

Tásek sa' ólweywenták ólxegánegkessesek mók apkelpeywa, yaqwayam sa' mey'asagkehek chá'a aptáhakxa apcháneya pók.”

Génesis 2:19

Tén axta Dios Wesse' egegkok apkelana xapop ánek ekyókxoho aqsok nawha'ák, ekyókxoho náta, keñe axta apnaqlákxésa énxet yaqwayam etegyesagkok chá'a élwesey. Aptegyásegkek axta élwesey ekyókxoho aqsok nawha'ák megkalmeymentakcha'a m'a énxet, tén han ekyókxoho náta, tén han ma'a ekyókxoho aqsok nawha'ák élmeymentakcha'a nak, tamheykegkek axta han élwesey m'a apteméssessamakxa axta élwesey. Axta eyke ét'ak makham xama ekmowána enxoho chá'a kapasmok.

Génesis 3:22

keñe axta aptáha s'e: “Eghágweykxók kaxwók negko'o énxet, apya'ásegkok kaxwók aqsok ektaqmela, tén han aqsok ekmaso, móghók sa' etwok ma'a yámet ekyexna ekyennaqtéssamo nak egnények, hakte aptókek agkok ma'a, megyetsepek chá'a.”

Génesis 5:1

Keso apkelwesey axta Adán aptawán'ák neptámen se'e: Xama axta apkeláneya énxet ma'a Dios, apkeláneyak axta m'a aphawo aptémakxa nak;

Génesis 9:6

“Apchaqhak sa' agkok pók énxet, énxet sa' nahan yaqhek ma'a, hakte apkelánamákpek axta énxet aphawo aptémakxa nak Dios.

Job 35:10

keñe melyo'ókxeyk ma'a Dios ektáha axta apkelane, apkelmésso nak chá'a apkelyennaqte ekwa'a enxoho chá'a ekyáqtésso agko' exma,

Job 39:11

¿Apwancheya yásenneykxak xép ma'a eñama ekyennaqte, kalanaksek ma'a aptamheykha?

Job 5:23

Megkalya'aksek sa' exma meteymog appeynchekmo enxoho xapop namyep apagkok, megkataqnókkehek sa' han ma'a aqsok nawha'ák.

Salmos 100:3

Kólya'asagkoho Wesse' egegkok apteme Dios; cha'a senlane negko'o m'a, tén han apagkok; ¡negko'o nenteme énxet'ák apagkok, tén han nepkések apnaqtósso apkelleykha nak yókxexma apagkok!

Salmos 149:2

Israelitas, kalpayhekxa kélwáxok, kélteme nak énxet'ák Sión, hakte Dios apteme apkelane kéxegke, tén han Wesse' apwányam kélagkok.

Eclesiastés 7:29

Wánxa axta aqsa sekwetákxo s'e: Dios apteméssessama ekpéwomo aptémakxa énxet, keñe eyke énxet apteméssesamakpo apagko' apsexnánémap.

Cantares 1:11

¡Anlanaksek sa' élchenméhe sawo ekyátekto ekmomnáwa yetlo élpaxqéyak ma'a sawo ekmope ekmomnáwa!

Isaías 45:18

Aptáhak appeywa ektáha axta apkelane néten se'e, cham'a apteme nak Dios, tén han Wesse' egegkok, apkelane axta xapop tén han aptekkesso axta, ektáha axta appekkenma, apkeláneya axta háwe yaqwayam keytek aqsa meyke aqsok ma'a kañe' yaqwayam exek nahan énxet ma'a: “Ko'o sekteme Wesse', méko pók.

Isaías 6:8

Tén axta sekleg'a Wesse' egegkok appeywa. Axta entáhak se'e: “¿Yaqsa sa' ko'o wáphaksek? ¿Yaqsa sa' katnehek apseykha amya'a egagkok?” Axta ektáhak ko'o seyátegmowágkokxo s'e: “Keso ko'o s'e, heyáphés ko'o.”

Isaías 64:8

Wesse', xép akke apteme negko'o egyáp; yelpa' negko'o, keñe exchep ma'a senlane nak chá'a; ¡negyókxoho negko'o nenteme senlane apagko' xép!

Jeremías 27:6

Ekméssek ko'o séláneykha Nabucodonosor yaqwayam elanha s'e ekyókxoho xapop nak, wesse' apwányam nak Babilonia, ekwokmók nahan séltémo etnehek apkeláneykha m'a aqsok nawha'ák nak.