Ezequiel 8:9 - Biblia Enxet

⁹ Aptáhak axta seyáneya s'e: “Etex, étak sa' aqsok ekmaso agko' élánamáxche m'a kañe' nak.”

Ezequiel 8:9 ပူးပေါင်းရင်းမြစ်များ

Ezequiel 20:8

“Élmexeykekxeyk axta eyke ko'o m'a, axta emáheyók heyeyxho'; axta nahan emassésseykmok ma'a aqsok apcháyókxa élmasagcha'a nak, axta nahan ekxakhák ma'a aqsok kéleykmássesso éleñama axta m'a Egipto. Xénchek axta ko'o ewáxok ategkesek seklo nepyeseksa, tén han allegássesagkohok neyseksa apheykha m'a Egipto ekwokmoho ekmassa seklo.

Ezequiel 8:10

Ektaxneyk axta ko'o m'a, ekwet'ak axta kéleykmassáseykha mók ektémakxa chá'a aqsok nawha'ák élpexyaweykegkoho nak xapop kalxog ma'a ekyókxoho nekhaw'ék nak kañe' m'a meteymog kélhaxta nak tegma, tén han ma'a mók ektémakxa nak chá'a aqsok nawha'ák megkaleklamakxa nak chá'a egwáxok anlano' tén han ma'a aqsok apcháyókxa nak chá'a m'a énxet'ák Israel.

Ezequiel 8:6

Tén axta aptáha seyáneya s'e: “¿Apwet'aya aqsok ekmaso agko' apkeláneykegko nak ma'a énxet'ák Israel, seyenyókassama nak ko'o m'a tegma appagkanamap ahagkok? Étak sa' eyke makham mók aqsok ekmaso agko'.”

Ezequiel 8:8

Tén axta aptáha seyáneya s'e: “Eyánchesák sa' ekyagqaxe meteymog kélhaxta nak nepyáwa tegma.” Ekyáncheságkek axta ko'o ekyagqaxe m'a, tén axta sekwet'a xama élántaxnamáxchexa m'a.