Ezequiel 6:3 - Biblia Enxet

³ Sa' etnehek elának se'e: ‘Egkexe Israel, kóleyxho aptáhakxa exchek Wesse' egegkok apkelxénagko m'a egkexe tén han ma'a egkexe yámnáxap'awo nak, tén han ma'a wátsam nak tén han ma'a élyapwátegweykenxa nak xapop: Wáphaksek sa' ko'o kempakhakma kélnepyeseksa kéxegke, wának sa' kólmasséssessók ma'a néten kélpeykessamókxa chá'a aqsok kéleykmássesso.

Ezequiel 6:3 ပူးပေါင်းရင်းမြစ်များ

1 Reyes 14:23

hakte apkeláneykegkek axta han kélpeykessamókxa chá'a kéleykmássesso m'a egkexe nak chá'a, apkeláncháseykegkek axta han meteymog, tén han yámet awhak apkeláyókxa m'a ekyókxoho egkexe néten nak, keñe han ma'a kóneg nak yenta'a élyentaxno nak pessesse agkok.

Isaías 27:9

Meyaqmagkásekxeyk sa' eyke aptémakxa mey'assáxma m'a Jacob, emasséssesek sa' aqsok megyaqhémo aptemessásekxo enxoho ánek ma'a meteymog apwatnéssamakxa nak chá'a aqsok ma'a kéleykmássesso, apteméssesa enxoho m'a ektémól'a kóltepelchekxak ma'a meteymog lamhatánek, tén han megkeyméxko enxoho xama m'a yámet kéláncháséyak élpagkanamaxche nak tén han ma'a meteymog kélwatnamakxa nak chá'a aqsok ekmátsa nak ekpaqneyam éten agkok, kélmésso m'a aqsok kéláyókxa.

Isaías 30:25

Wokmek sa' agkok ekhem yaqwánxa keytek nentekyawa ekyawe, appallakmo sa' ma'a tegma apkelyennaqte nak, kaxek sa' wátsam tén han yegmen ényé ekyókxoho m'a meteymog élekhahéyak netna'awo nak tén han ma'a egkexe élwenaqte nak.

Jeremías 2:20

“Nanók agko' ko'o kéxegke sélenmexeykekxa', megkalyaqwámeykegkok hélyahakxoho.’ Axta kéltemék chá'a kélpaqméteykencha'a s'e: ‘Mogmenyeyk negko'o exchep agyetlawha.’ Kélláneykegkek axta kéxegke kéltémakxa megkólmasexta'a m'a néten egkexe nak tén han ma'a kóneg nak yenta'a élyentaxno pessesse agkok.

Jeremías 22:29

¡Xapop; keyxho Wesse' egegkok appeywa!

Jeremías 3:23

Kaqhok negko'o ólmeyekxak chá'a m'a néten egkexe nak, essenhan ólpáxamágwakxak chá'a m'a néten meteymog élwenaqte nak; wánxa aqsa egwanchek negko'o agwetak nélwagkásamáxche teyp, negko'o nentáha nak énxet'ák Israel ma'a Dios Wesse' egegkok nak.

Jeremías 3:6

Axta aptemék ko'o seyenagkama Wesse' egegkok, aptémakxa axta wesse' apwányam Josías: “¿Apweteyaya ektémakxa m'a Israel, cham'a sénmexeykekxo nak ko'o? Xegamche keñe élánegweykmo ektémakxa megkamasexta m'a néten egkexe nak, tén han ma'a ekyókxoho kóneg yenta'a élyentaxno nak pessesse agkok.

Ezequiel 36:8

Keñe sa' kéxegke, meteymog élekhahéyak nak Israel kasawhekxohok sa' yámet élyawe yetlo ekxámokma ekyexna yaqwayam sa' etawagkok ma'a énxet'ák ahagkok Israel, cham'a eyágketo nak makham yaqwayam elwata'.

Levítico 26:25

Wahak sa' ko'o kéxegke kempakhakma eñama megkólláneyak ma'a ekhémo mók nélpaqhetchásamáxkoho ahagkok nak; kólenyahagkok sa' chá'a kéxegke kólmeyekxak ma'a tegma apkelyawe kélagkok nak, wáphássesek sa' eyke ko'o negmasse, keñe sa' kéxegke elmok ma'a kélenmexma.

Levítico 26:30

Amasséssók sa' ko'o m'a kélpeykessamókxa nak chá'a aqsok kéláyókxa, alpáxqátek sa' chá'a ko'o neyseksa m'a kélwatnamakxa nak chá'a aqsok ánek ekmátsa nak ekpaqneyam éten agkok; athanchásekxak sa' ko'o mók kélhapák kéxegke m'a néten nak kéleykmássesso kélagkok élyaqnenéyak, altaqnaweygkok ahagko' sa' ko'o kéxegke.

Amós 7:9

Kólmasséssók sa' ma'a apkelpeykessamókxa nak chá'a aqsok apcháyókxa m'a Isaac, keñe sa' ma'a tegma apkelpagkanamap apagkok nak énxet'ák Israel, nápakha'a apketkok sa' etnekxa'. ¡Aktamagkok sa' ko'o yetlo sókwenaqte sekmeykha m'a Jeroboam apnámakkok nak!

Miqueas 6:1

Kóleyxho kaxwók kéxegke aptáhakxa nak appeywa Wesse' egegkok: “¡Etnamha, exén kaxwók aqsok apmáheyo exének naqta'awók egkexe, keyxhok sa' appeywa exchep ma'a xóp élekhahéyak!”

Miqueas 6:2

Kéxegke egkexe, kóleyxho sa' se'e tén han xapop awhak: peyk elyekpelkohok kaxwók Wesse' egegkok énxet'ák apagkok, peyk eltennaksek aqsok élsexnenagko m'a énxet'ák Israel.