Ezequiel 48:9 - Biblia Enxet

⁹ “Doce kilómetros náxet mók sa' nahan katnehek ekwegqakxa xapop kélpagkanchesso nak Wesse' egegkok neyseksa s'e xapop nak, keñe sa' diez ma'a ekpayhakxa.

Ezequiel 48:9 ပူးပေါင်းရင်းမြစ်များ

Ezequiel 44:28

“Ko'o sa' aqsa atnehek wánxa aqsok yaqwayam nak chá'a elxewekxak ma'a appasmo apkelmaxnéssesso Dios énxet'ák apagkok. Megkólmésagkek sa' xama enxoho xapop apagkok ma'a Israel. Ko'o sekteme apagkok ma'a.

Ezequiel 45:1

“Kélexpánchessek sa' agkok xapop, kélmésagko enxoho chá'a xapop apagkok xama m'a pók aptémakxa nak chá'a énxet'ák, kóltaqmelchesek sa' nekha xapop ekweykmoho doce kilómetros náxet mók ekwenaqte, tén diez ma'a ekpayhakxa nak, yaqwayam sa' katnehek kélpagkanchesso m'a Wesse' egegkok. Katnehek sa' xapop ekpagkanamaxche ekyókxoho xa xapop nak.

Ezequiel 48:10

Keytek sa' nahan xama xapop wánxa kéltaqmelchessesso apkelmaxnéssesso nak Dios énxet'ák apagkok xa kañe' xapop nak; doce kilómetros náxet mók sa' katnehek ma'a nexcheyha nak ekweykekxoho m'a nepyeyam nak, keñe sa' cinco Kilómetros ma'a teyapmakxa ekhem nak ekweykekxoho m'a taxnegwánxa ekhem nak. Keñe sa' ma'a neyseksa nak étek Wesse' egegkok tegma appagkanamap apagkok.

Ezequiel 48:8

“Kaxek sa' nahan mók xapop yaqwayam kóltaqmelchesek, sa' kawakxohok nahan eyeynamo m'a teyapmakxa ekhem nak ekweykekxoho m'a taxnegwánxa ekhem nak. Doce kilómetros náxet mók sa' katnehek ma'a ekpayhakxa, keñe sa' ma'a ekwegqakxa nak, kaxhok ekwenaqte m'a ekwánxa nak élwenaqte m'a nekha xapop eyeynamo nak ma'a teyapmakxa ekhem ekweykekxoho m'a taxnegwánxa ekhem nak. Sa' étek tegma appagkanamap xa neyseksa nak.