Ezequiel 41:2 - Biblia Enxet

² Keñe axta cinco metros ekpayhakxa m'a átog nak; keñe axta ánet metros náxet mók chá'a xama ekpayhakxa m'a élwasqakkassamakxa nak chá'a. Tén axta apkelyetsátegko m'a apwáxok neyseksa nak, veinte metros axta nahan ma'a ekwegqakxa tén diez ma'a ekpayhakxa.

Ezequiel 41:2 ပူးပေါင်းရင်းမြစ်များ

1 Reyes 6:17

Dieciocho metros axta han ekwenaqte m'a apwáxok nak tegma appagkanamap, ekyetnama nak halep ma'a Ekpagkanamaxchexa agko' nak.

1 Reyes 6:2

Veintisiete metros axta apwenaqte tegma apkelánesso axta Wesse' egegkok ma'a Salomón, nueve metros axta appayhakxa', keñe trece metros y medio m'a apmahéyak néten.

2 Crónicas 29:7

Apkelápeykegkokxeyk axta m'a atña'ák nak émha amonye' nentaxnamakxa tegma, apkelsapancháseykegkek axta cháléwasso, massegkek axta han apkelwatno m'a aqsok ekmátsa nak ekpaqneyam éten agkok, massegkek axta han apkelwatnésso kélnaqtósso Dios nak Israel ma'a tegma appagkanamap nak.

2 Crónicas 3:3

Keso ekwánxa axta chá'a élwenaqte apnegkenchesso tegma apowhók apkelane Salomón se'e: veintisiete metros axta m'a ekwegqakxa', keñe nueve metros ma'a ekpayhakxa'.

2 Crónicas 3:7

Apkelyepetchessegkek axta sawo ekyátekto ekmomnáwa ekyókxoho m'a kañe' apwáxok nak tegma: cham'a éltegyésso nak, tén han ma'a nekhaw'ék átog nak, nápakhaw'ék tén han ma'a atña'ák nak, apkelqahássek axta han apkeleykmassáseyncha'a Dios apkelásenneykha ekha apxempenák ma'a nápakhaw'ék nak tegma.

Éxodo 26:36

“Elanés sa' nahan xama apáwa napwa'a apyápaqmate, hómáyok, apyexwase tén han ma'a apáwa apkeláxñe apkelyaqséyak nak chá'a m'a nentaxnamakxa nak kélpakxanma appagkanamap, kéleykmassáseykha nak chá'a m'a nápakhaw'ék.

Éxodo 36:37

Apkelánéssek axta apáwa apyápaqmate, hómáyok, apyexwase tén han apáwa apkeláxñe apkelyaqséyak ma'a nentaxnamakxa nak ma'a kélpakxanma, kéleykmassáseykha nak chá'a kélótma m'a nápakhaw'ék.

Ezequiel 47:1

Éntamánteyk axta makham énxet ma'a nentaxnamakxa nak tegma appagkanamap. Ekwet'ak axta nahan ektepa yegmen ma'a kóneg átog nak, kenyeyk axta ekmahágko m'a ekpayho nak teyapmakxa ekhem, appayhémókxa axta m'a tegma appagkanamap. Péwók axta nahan ekweyweykenta' ényé yegmen ma'a ekpayho nak apkelya'assamakxa m'a tegma appagkanamap, ekpayho nak nepyeyam ekyetnamakxa m'a ekwatnamáxchexa aqsok.