Ezequiel 40:7 - Biblia Enxet

⁷ Ántánxo metros axta nahan chá'a xama apwegqakxa m'a tegma apketkók aphéyak axta chá'a xama nekha m'a átog nentaxnamakxa nak, tén axta ántánxo nahan ma'a appayhakxa, ánet metros náxet mók axta nahan chá'a apyetnamakxa pók ma'a tegma apketkók nak. Tén axta ekyetnama m'a átog ekmahéyak axta m'a nentaxnamakxa nak émha amonye' apwáxok tegma, ekpayhémo axta m'a tegma appagkanamap. Ántánxo metros axta nahan ekpayhakxa kañe' nentaxnamakxa xa átog nak.

Ezequiel 40:7 ပူးပေါင်းရင်းမြစ်များ

1 Crónicas 23:28

keñe axta apkelmaxnéssesso Dios énxet'ák apagkok, Aarón axta aptawán'ák neptámen, apkelxawágko yaqwayam eltemeykha m'a tegma appagkanamap nak, tén han etnehek apkeláneyak aqsok ma'a kañe' tegma nak, keñe han apkelmópeyáseykekxa chá'a m'a aqsok élpagkanamaxche', tén han ma'a mók ektémakxa nak chá'a apkeltamheykha m'a kañe' tegma appagkanamap nak.

1 Crónicas 9:26

Keñe m'a cuatro apkelámha apmonye'e apkeltaqmelchesso nak átog, cham'a levitas, apchaqneykha axta aqsa chá'a apkeltaqmelchessama meyke néxa', apkeláneykencha'a m'a kañe' tegma, tén han ma'a aqsok élmomnáwa ekhéyak axta Dios apxagkok.

2 Crónicas 3:9

Quinientos cincuenta gramos axta chá'a ekwánxa ekyentaxno xama m'a láwa. Apkelyepetchessek axta han sawo ekyátekto ekmomnáwa m'a tegma néten apwáxok nak.

2 Crónicas 31:11

Axta keñamak Ezequías apkeltémo kóllanaksek ekheykegkaxa aqsok ma'a Wesse' egegkok nak tegma appagkanamap apagkok. Xama axta ekpenchásexko kéllánesso,

Esdras 8:29

Kóllanha sa', kóltaqmelches sa', ekwokmoho kélyetsátegkokxo makham nápaqta'awók ma'a apkelámha apmonye'e nak apkelmaxnéssesso Dios énxet'ák apagkok, tén han levitas, tén han ma'a apkelámha apmonye'e nak apnámakkok ma'a Israel, cham'a kañe' apwáxok nak Wesse' egegkok tegma appagkanamap apagkok, cham'a Jerusalén.”

Jeremías 35:4

eknaqlákxeyk axta m'a tegma appagkanamap, kañe' apheykegkaxa axta m'a Hanán apketchek, Igdalías axta apketche, apteme axta xama Dios énxet apagkok. Cháxa kañe' nak, axta yetnók ma'a nekha apheykegkaxa axta m'a apkelámha apmonye'e nak tegma appagkanamap, néten axta m'a kañe' aphamakxa axta m'a Maaseías, Salum axta apketche, apteme axta aptaqmelchesso m'a átog nak tegma appagkanamap.

Ezequiel 40:10

(Apqántánxo tegma apketkók axta nahan chá'a apheykegkok xama nápakha m'a ekpayho nak teyapmakxa ekhem nentaxnamakxa, aphawók axta nahan pók ma'a apyókxoho nak, keñe axta nahan ma'a meteymog élámha axta chá'a m'a xama nápakha, hawók axta nahan mók ma'a.)

Ezequiel 40:21

Yetneyk axta nahan apqántánxo tegma apketkók ma'a xama nekha, tén han ma'a meteymog élyaqwate élámha nak tén han ma'a émha amonye' apwáxok nak, hawók axta m'a ekwánxa axta metros ma'a nentaxnamakxa ekpayho nak teyapmakxa ekhem, veinticinco metros axta m'a ekwegqakxa tén doce metros náxet mók ma'a ekpayhakxa.

Ezequiel 40:29

Hawók axta nahan tegma apketkók agkok tén han émha amonye' apwáxok tegma tén han meteymog élámha élyaqwate agkok ma'a ekwánxa axta m'a nekha nak. Yetneyk axta nahan átog étkók nekhaw'ék nentaxnamakxa nak ma'a tegma apyawe, tén han ma'a émha amonye' apwáxok nak tegma, veinticinco metros axta nahan ekyókxoho m'a ekwegqakxa nak tén doce metros náxet mók ma'a ekpayhakxa.

Ezequiel 40:33

Hawók axta nahan ekwánxa axta metros ma'a tegma apketkók agkok nak tén han ma'a meteymog élámha élyaqwate nak, tén han ma'a émha amonye' apwáxok tegma nak. Yetneyk axta nahan átog étkók agkok nekhaw'ék nentaxnamakxa nak ma'a tegma apyawe, tén han ma'a émha amonye' apwáxok nak, veinticinco metros axta nahan ekwegqakxa m'a tén doce metros náxet mók ma'a ekpayhakxa.

Ezequiel 40:36

yetneyk axta nahan ma'a tegma apketkók agkok, tén han ma'a meteymog élámha élyaqwate nak tén han ma'a émha amonye' apwáxok nak tegma, tén han átog étkók ma'a nekhaw'ék nak. Veinticinco metros axta nahan ekwegqakxa m'a nentaxnamakxa nak tegma apyawe tén doce metros náxet mók ma'a ekpayhakxa.

Ezequiel 40:8

Apkelyetsátegkek axta énxet ma'a émha amonye' apwáxok tegma nak, ekpayhémo axta m'a nentaxnamakxa nak tegma appagkanamap, cuatro metros axta nahan tépak ma'a émha amonye' apwáxok tegma nak. Chánmeyk axta nahan ánet meteymog xama metro chá'a ekyawe ekpayhakxa m'a.

Ezequiel 42:5

Keyetsék axta nahan apwáxok ma'a tegma néten netno nak, maxta exnawok ma'a apyetno nak neyseksa tén han ma'a kónego nak, hakte taqmelcháseykegkók axta aqsa aptemégweykekxo ketchetsék néten ma'a tegma nak.