Ezequiel 40:3 - Biblia Enxet

³ Eyentegkek axta ko'o Wesse' egegkok ma'a, ekwet'ak axta nahan xama énxet aphémo m'a sawo ekyexwase élyenmál'a. Apkenmáha axta m'a átog nak, apáwa nápakha apwenaqte apkeláxñe axta nahan apmeykha tén han xama yámet nélyetsátéyak nak chá'a ekwánxa ekwenaqte xama aqsok.

Ezequiel 40:3 ပူးပေါင်းရင်းမြစ်များ

Isaías 28:17

Amha sa' ko'o ekpéwomo nentémakxa sélana sa' xa tegma nak, ektémól'a m'a táma' kélmeykhal'a chá'a kélpékessamo apxega yátapheymekcha'ák, keñe sa' ektaqmalma nentémakxa m'a nenlányo nak chá'a ekwánxa ekhémo mók ma'a néten.” Yegmen élyennaqte sa' katwasha m'a kélmeyeykekxexa nak chá'a kóltegyaha kélmowána amya'a, keñe sa' yegmen kaswok ma'a ekyetnamakxa nak chá'a ekmasma.

Isaías 8:20

yaqwayam enxoho elxawagkok chá'a apkeláneyákpexa etnahagkok, essenhan xama amya'a!” Megkatnehek sa' metne apkelpeywa xa, amya'a ekyeyháxma eyke xa aptamheykegkaxa nak apkelpeywa.

Ezequiel 1:27

Ekwet'ak axta élyenma ekho sawo kélyenmasso ekwakheykekxa táxa nepxet ekweykekxoho néten ma'a apho nak énxet, keñe m'a kóneg nak sekwet'a ekhémo m'a táxa. Keñe m'a nepyáwa nak, ekyetnama élseyéxma,

Ezequiel 1:7

kelpéwók axta nahan ma'a apyay'ák, máxa axta nahan weyke étkok aphék ma'a apophék nak, kelyenmawók axta nahan ma'a, máxa axta m'a ektémól'a sawo ekyexwase kélyenmassamo kélagko' la'a.

Ezequiel 41:1

Ñohok axta nahan séntamákxo kañe' apwáxok agko' nak tegma appagkanamap ma'a énxet nak, apkelyetsátegkek axta m'a meteymog élámha élyaqwate nak: ántánxo metros axta nahan chá'a élyawe m'a.

Ezequiel 42:16

Apmeyk axta m'a yámet apkelyetsátéyak, apkelyetsátegkek axta m'a ekpayho nak teyapmakxa ekhem: doscientos cincuenta metros axta nahan ma'a.

Ezequiel 43:6

Apkenmáha axta ekpayhókxa ko'o sénmágkaxa m'a énxet nak, ekleg'ak axta nahan sepaqhetchesa ko'o Wesse' egegkok ma'a kañe' nak tegma appagkanamap,

Ezequiel 47:3

Apteyapwokmek axta nahan énxet ma'a ekpayho nak teyapmakxa ekhem yetlo táma apmeykha, apkelyetsátegkek axta ekweykmoho quinientos metros, tén axta seyeykhásekxo m'a ényahamakxa nak yegmen; naxta'a emagkok axta nahan yetna'ak ma'a yegmen.

Ezequiel 8:2

ekwet'ak axta nahan ko'o xama aqsok aphémo énxet. Ekwet'ak axta ekhémo táxa nepxet ekweyktámho kóneg ma'a apho nak énxet, kelyenmomchek axta m'a néten aptétamap nak ekweykekxoho m'a néten nak, máxa axta m'a ektémól'a sawo kélyenmassól'a.