Ezequiel 4:9 - Biblia Enxet

⁹ “Elma sa' kaxwók apqántawók hótáhap apaktek, tén han ma'a apho nak hótáhap, tén han ma'a aqsok aktek kéleykegkohol'a kélnaqtósso, tén sa' nahan ma'a ayóye aktek tén han ma'a yágkeleyke; yenchehekxa sa' mók exatmok xama apxata xa, elána sa' apto. Cháxa yaqwayam sa' etwok ekweykmoho trescientos noventa ekhem neyseksa apyetnakháméyak apyetno nepsagqalwa xa.

Ezequiel 4:9 ပူးပေါင်းရင်းမြစ်များ

Génesis 25:34

Tén axta Jacob apmésa kelpasmaga m'a Esaú, yetlo m'a aphanma yágkeleyke aktek. Xama axta appenchesa apto Esaú, tén han apyá, apkempákxeyk axta néten apxega, meyke ekyetnakhayo apwáxok apteme kélketche átnaha apketkok.

Éxodo 9:32

Keñe axta m'a hótáhap apagko' nak tén han ma'a centeno, méko axta ektáhakxa, hakte yehémek chá'a eltektépok ma'a.

Isaías 28:25

¿Naqsóya apkeneykekxoho chá'a aqsok aktek ekwesey nak eneldo essenhan comino appenchesa enxoho chá'a appeykáseykekxa m'a xóp? ¿Eknekxohoya nahan chá'a hótáhap ma'a kélyapwáteséyak élpéwomo nak? ¿Eknekxohoya nahan chá'a apho nak hótáhap tén han ekwesey nak centeno m'a nekhaw'ék nak?

Ezequiel 4:13

Tén axta aptáha Wesse' egegkok se'e: “Nento ekmanyása ektéma nak xa, sa' etawagkok énxet'ák Israel ma'a apkelókxa yaqwánxa nak ko'o alya'aksek alántekkesek.”

Ezequiel 4:16

Tén axta aptáha nahan seyáneya s'e: “Meyke nento sa' ko'o atnéssesek ma'a Jerusalén. Ketse' sa' chá'a kamlassaxchek ma'a nento, etawagkok sa' chá'a énxet yetlo élmayóseka apkelwáxok; keytek sa' nahan ekwánxa néxa ekyamaxche m'a yegmen, énagkok sa' chá'a yetlo ekyawe agko' éltamheykha apkelwáxok.