Ezequiel 39:8 - Biblia Enxet

⁸ Ekhem sekxéna axta kawa', megkatnehek sa' megkawe. Ko'o sekxeyenma sektáha nak Wesse'.”

Ezequiel 39:8 ပူးပေါင်းရင်းမြစ်များ

Isaías 46:10

Ekxeyenmeyk axta ko'o yaqwánxa katnehek ektemegwánxa néxa m'a sekxók eyeynókxa axta; ekxeyenmeyk axta yaqwánxa katnehek egmonye' m'a sekxók megkatnamakxa axta makham. Axta ektemék ko'o s'e: Kalanaxchek sa' ma'a aqsok sekmáheyo nak alána'; alának sa' ko'o ekyókxoho m'a sekxeyenma nak alána'.

Ezequiel 33:33

Katnehek sa' nahan ekyókxoho xa; temék sa' agkok xa, elya'ásegwók sa' apha xama Dios appeywa aplegasso nepyeseksa.”

Ezequiel 38:17

“Ektáhak ko'o sekpeywa s'e, sektáha nak Wesse': Xép axta sekxeyenma axta chá'a m'a nanók axta, sekxeyenma axta eñama m'a séláneykha apkellegasso nak sekpeywa m'a Israel; apkelxeyenmeyk axta chá'a sekxeyenma ko'o wának exegmak xép se'e ekhem nak, yaqwayam ektámegmak ma'a Israel.”

Ezequiel 39:7

Wának sa' ko'o elya'asagkohok sekwesey ektaqmalma m'a énxet'ák ahagkok Israel, magwohok sa' chá'a kaxwók kóllenxanmagkohok kéltawáseykha. Keñe sa' ma'a énxet'ák apkeleñama nak mók apkelókxa elya'ásegwók sektáha ko'o sektaqmalma m'a kañe' Israel, ko'o sektáha nak Wesse'.

Ezequiel 39:9

“Elántépok sa' ma'a énxet'ák apheykha nak kañe' tegma apkelyawe Israel, elwatnekxak sa' nahan ma'a apkelmeykha apkenchesso kempakhakma, cham'a mók ektémakxa nak chá'a m'a apkeláhakkásamap, tén han ma'a yágke yetlo m'a ahamta'ák nak, héwa élyawe tén han ma'a sawhéwa, kaxek sa' nahan yántapák apagkok yaqwayam elwatnek ekweykmoho siete apyeyam.