Ezequiel 32:9 - Biblia Enxet

⁹ “Wokmek sa' agkok amya'a kélmassésseyam xép ma'a apkelókxa melweteykxa nak, wának sa' ko'o kaltemeykha apkelwáxok apxámokma apagko' ma'a énxet.

Ezequiel 32:9 ပူးပေါင်းရင်းမြစ်များ

Éxodo 15:14

Elpexyennók sa' chá'a apkelleg'a enxoho m'a ekyókxoho apheykegkaxa nak chá'a énxet'ák, elektakpok sa' ellegagkohok ekmáske m'a filisteos,

Ezequiel 27:29

Elántépok sa' kañe' yántakpayhe apagkok ma'a apxegkesso nak chá'a; keñe sa' ma'a énxet'ák apkelxega nak chá'a neygmen tén han ma'a apkelpeyncháméyak nak chá'a, elnextog sa' néten xóp.

Ezequiel 28:19

Apkelyegwakkek chá'a apkelwet'a exchep ma'a apyókxoho pók aptémakxa nak chá'a énxet'ák, ektáha axta chá'a apweteykxa. Aqsok ekmaso agko' xép aptamhákxa'; ¡apmassegwokmók apagko' kaxwók xép!’”

Ezequiel 29:12

Egipto, atnessásekxak sa' ko'o exchep apkelókxa meyke xama aqsok; cuarenta apyeyam sa' kawomhok aptamheykekxa aphopák ma'a tegma apkelyawe apagkok nak, apmopsagcha'a apagko', megkaxnawo nak apmopsagcha'a appalleyam ma'a pók tegma apkelyawe nak, anaqlakxak sa' nahan megkatnahakxa apkelókxa m'a énxet'ák apagkok apheykha nak ma'a kañe', waxpánchesek sa' nahan alya'aksek chá'a m'a mók apkelókxa tén han ma'a nepyeseksa nak chá'a pók aptémakxa énxet'ák.

Ezequiel 30:23

Waxpánchesek sa' ko'o énxet'ák Egipto alya'aksek ma'a nepyeseksa nak chá'a pók aptémakxa énxet'ák, asawheyásekxohok sa' waxpánchesha m'a mók nekha apkelókxa nak chá'a.

Ezequiel 30:26

Waxpánchesha sa' ko'o énxet'ák Egipto alya'aksek chá'a m'a nepyeseksa nak pók aptémakxa énxet'ák tén han ma'a apkelókxa, keñe sa' elya'ásegwók sektáha ko'o Wesse'.”

Ezequiel 30:9

“Wokmek sa' agkok ekhem yaqwánxa kóllegássesagkohok ma'a Egipto, aláphaksek sa' apseykha amya'a apkelchánte yántakpayhe m'a neyseksa wátsam ekwányam nak, yaqwayam sa' elteméssesha apkelwáxok ma'a énxet'ák meyke nak éltamheykha apkelwáxok ma'a Etiopía, elyegwáwhok apagko' sa'. Ketók yaqwánxa kawak xa ekhem nak.