Ezequiel 32:4 - Biblia Enxet

⁴ Eynyawaksek sa' náxop tén sa' ayenyók aqsa apekkenek náxop ma'a. Wának sa' ko'o elyáqwak apyetnakxa exchep ma'a apyókxoho máma, wának sa' kalyaqkanmok aphápetek ma'a ekyókxoho aqsok nawha'ák élmeymentakcha'a nak.

Ezequiel 32:4 ပူးပေါင်းရင်းမြစ်များ

Salmos 63:10

¡sókwenaqte sa' kólyetxeygkok etekyók, katawagkok sa' ma'a aqsok nawha'ák éllo!

Salmos 74:14

apkelpáxqatchessegkek axta apqatkok ma'a yegmen askok ekyawe Leviatán, apcheykegkek axta ápak ma'a aqsok nawha'ák éllo élleykha nak yókxexma meykexa énxet.

Isaías 14:19

keñe exchep kélyenyawa aqsa megkatnahakxa takhaxpop, máxa m'a aqsok ápak kélyamasmal'a megkaleklól'a kélwáxok kóllano', máxa m'a kélhápak élteyammomáxchel'a nepyeseksa m'a énxet'ák aptekyawa, kélyaqténcháséyak la'a apyespa'ák, kélchexakhál'a m'a kañe' máxek ekxámokmakxal'a m'a meteymog.

Isaías 18:6

Ekyókxoho aqsok sa' kaltaqmopagkok ma'a néten meteymog élekhahéyak nak, yaqwayam sa' katawagkok ma'a náta élyawe ektómo nak chá'a mók, tén han ma'a aqsok nawha'ák éllo nak. Kalyagqak sa' náta, ekhem ekmexanmakxal'a exma m'a, keñe sa' ekyókxoho aqsok nawha'ák éllo kallawha chá'a m'a ekhem apmopsamágexal'a.”

Isaías 66:24

“Elchexyók sa', elwetágwaták sa' énxet aphopák ektáha axta ko'o sénmexeykekxa. Meletsepek sa' ma'a yápa apketkók ektáha nak apto, megkaspónhek sa' nahan ma'a táxa ektáha nak élwatno. ¡Yetsek sa' elanok ma'a apyókxoho énxet'ák!”

Jeremías 25:33

Kaxnagkok sa' aphopák ekyókxoho yókxexma nak keso náxop apkelnapma nak Wesse' egegkok xa ekhem nak. Méko sa' kalekxagwaha kalano', méko sa' nahan kalmekxak aphopák yaqwayam kalátawañek; exnagkokxak sa' aqsa náxop ektémól'a aqsok ekteyásekha.

Jeremías 8:2

kólnegkenek sa' aqsa neyseksa mayáhat, tén han aptaqmelakxa pelten, tén han neyseksa apkelápogwátéyak ma'a apyókxoho yaw'a, apkelmopmenyého apagko' axta chá'a m'a, apkelánéssama axta chá'a aqsok, tén han apkelyetleykencha'a axta chá'a, apkelpaqhetchásamákpoho axta chá'a, tén han apkelpeykessamo axta chá'a. Méko sa' kalmekxak yaqwayam kalátawanyek. Kaxnagkokxak sa' aqsa náxop, ektémól'a weyke ekteyáseykha.

Ezequiel 29:5

Ayenyók sa' ma'a yókxexma ekyamáyekxa nak exma, yetlo m'a ekyókxoho kelasma éleñama nak wátsam apagkok; etyegwók sa' ma'a yókxexma eyáxñeyo nak, méko sa' nahan kawakxak yaqwayam enxoho kólátawanyek. Wának sa' katwok ma'a aqsok nawha'ák éllo élleykha nak naxma tén han ma'a máma.

Ezequiel 35:8

Wának sa' ko'o kasawhekxohok ekhéyak aphopák apkeletsapma axta neyseksa kempakhakma m'a egkexe agkok nak, tén han ma'a egkexe yámnetna'awo nak, tén han ma'a élyapwátegweykenxa nak chá'a xapop, tén han ma'a wátsam agkok nak.

Joel 3:19

Ekmaso sa' katnekxak ma'a Egipto, keñe sa' Edom katnekxak meykexa énxet, hakte apketámeykegkek axta m'a énxet'ák Judá, apkelnapmeyk axta énxet'ák meyke nak apkeltémakxa apheykha axta m'a.