Ezequiel 27:3 - Biblia Enxet

³ Tiro sa' enneykmássesek, cham'a tegma apwányam apyetnama nak nenteyapmakxa m'a neyáwa wátsam ekwányam, apkelyánmagkásamákpexa nak chá'a m'a pók aptémakxa énxet'ák, apkelókxa ekxámokma agko' ekhéyak nak ma'a neyáwa wátsam ekwányam. Eltennés sa' aptáha appeywa Wesse' egegkok se'e: “Xép, tegma apwányam Tiro, apxéneykha nak chá'a apteme aphémo yántakpayhe ektaqmalma agko'.

Ezequiel 27:3 ပူးပေါင်းရင်းမြစ်များ

Salmos 50:2

Kelyenmeyk Dios élseyéxma apagkok ma'a ekpayho nak Sión, tegma apwányam aptaqmalma meyke ekhémo.

Salmos 83:7

tén han Guebal, Amón, tén han Amalec, tén han filisteos, tén han ma'a apheykha nak Tiro,

Proverbios 31:14

Makhawók chá'a kaleñék kalsanták ma'a nento, ektémól'a yántakpayhe élseykhal'a chá'a aqsok.

Isaías 23:11

Apya'ássek axta apmek neyseksa wátsam ekwányam ma'a Wesse' egegkok, apkelpexyennegkessek axta apkelaye m'a pók aptémakxa nak chá'a énxet'ák, apkeltamhók axta kólmasséssók ma'a tegma apkelyennaqte nak Canaán.

Ezequiel 16:15

“Chásennagkamchek axta eyke exche' m'a ektémakxa ektaqmalma, meykha axta m'a ektémakxa axta ekpayheykekxa ekwesey yókxexma yaqwayam katnehek xama kelán'a ekma chá'a ekyánmaga ekpathetéyak énxet, méssegkek axta chá'a ekyókxa m'a apyókxoho ektáha axta chá'a apyeykhágwayam.

Ezequiel 26:12

Meyke aqsok kélagkok sa' etnessásekxa', elmenyexchesek sa' ma'a aqsok kélchexeykekxa nak chá'a, elyaqnegkessesagkok sa' ma'a meteymog kélhaxta nak nepyáwa tegma apwányam kélagkok, epalchessásegmak sa' náxop ma'a tegma apkelyawe apkeltaqmalma kélagkok nak; ekxák sa' wátsam ekwányam awáxok ma'a meteymog, tén han ma'a éltegyésso nak, ekweykekxoho m'a nápakha'a apketkók apkelpaqxo nak.

Ezequiel 26:17

Keñe sa' elmeneykmássesek se'e negmeneykmasso nak senlapwayam: “¡Kéltawáseyha kélagko' nak la'a, kélmasséssekmók kélagko' nak la'a neyáwa wátsam ekwányam xép tegma apwányam apxénamap nak chá'a m'a ekyókxoho yókxexma! ¡Apmeyhek axta exchep apyetnama m'a neyáwa wátsam ekwányam nak yetlo m'a énxet'ák apagkok, aptekkessegkek axta nélmenaye m'a ekyókxoho apheykegkaxa!

Ezequiel 27:4

Weykmok néxa apkeláneykha m'a neysekso nak wátsam ekwányam, aptaqmelchessamók xép apkelane m'a ektáha nak apkelane.