Ezequiel 26:6 - Biblia Enxet

⁶ keñe sa' ma'a tegma apkelyawe apagkok, aphéyak nak chá'a m'a neyáwa apheykegkaxa, etekyók sa', sókwenaqte sa' kalnápok. Keñe sa' elya'ásegwók ko'o sektáha Wesse'.

Ezequiel 26:6 ပူးပေါင်းရင်းမြစ်များ

Jeremías 49:2

“Ektáhak ko'o sekpeywa s'e, sektáha nak Wesse': Kammok sa' ekhem yaqwánxa wának ko'o kañexchek élpayheykha kélatña'ák kempakhakma m'a tegma apwányam Rabá apkelókxa nak ma'a amonitas; meteymog ektaháneykekxa mók sa' etnekxa', kamyetek sa' ma'a apheykegkaxa nak. Keñe sa' énxet'ák Israel elmekxak makham ma'a tegma apkelyawe apagkok axta. Ko'o sekxeyenma xa, sektáha nak Wesse'.

Ezequiel 16:46

Nexcheyha eyke eghak ma'a Samaria, yáxa' katnaha étkok nak yetlo m'a étchek; keñe nepyeyam ma'a yáxeg sexyo nak, cham'a Sodoma yetlo nahan ma'a étchek.

Ezequiel 16:48

Naqsók ko'o sektáha sekxéna, sektáha nak Wesse': megkalaneyk ekhawo nak xeye' aqsok élane m'a yáxeg Sodoma tén han ma'a étchek nak.

Ezequiel 16:53

“Agkeyásekxak sa' ko'o makham ektaqmeleykekxa ekha m'a Sodoma tén han ma'a Samaria yetlo m'a étchek nak; xeye' sa' nahan agkeyásekxak ektaqmeleykekxa ekha,

Ezequiel 25:11

Atnéssesek sa' ko'o sekmakókxa nak atnéssesek ma'a Moab, keñe sa' kólya'ásegwók sektáha ko'o Wesse'.

Ezequiel 25:14

Axnéshok sa' ko'o mók setnéssessamakxa m'a énxet'ák Edom, énxet'ák ahagkok Israel sa' eyke wásenneykxa'; sa' etnéssesek Edom ma'a éltamhókxa enxoho etnéssesek ma'a seklo nak. Keñe sa' elya'ásegwók ektémakxa m'a sekhéssamo nak chá'a ko'o mók sélteméssesakxa. Ko'o sekxeyenma xa, sektáha nak Wesse'.

Ezequiel 25:17

Asagkók agko' sa' ko'o katnehek sekyaqmagkáseykekxa mók apkeltémakxa m'a; allegássesagkohok sa' yetlo seklómo ahagko'. Élanak sa' agkok xa, elya'ásegwók sa' ko'o sektáha Wesse'.”

Ezequiel 25:5

Yányátnáxeg apteykegkaxa pa'at sa' atnessásekxak ma'a Rabá, keñe sa' ma'a Amón atnessásekxak nepkések apxagkok. Keñe sa' kólya'ásegwók kéxegke sektáha ko'o Wesse'.

Ezequiel 25:7

Cháxa keñamak sekmako nak ko'o allegássesagkoho' tén han agkések yaqwayam elmok ma'a pók aptémakxa nak chá'a énxet'ák, yaqwayam sa' elyementók ma'a ekyókxoho aqsok kélagkok ekyetnakxa nak. Amasséssók sa' ko'o kéxegke nepyeseksa m'a énxet'ák, amasséssók sa' nepyeseksa m'a pók aptémakxa nak chá'a énxet'ák, amasséssók sa' kélyókxoho. Keñe sa' kólya'ásegwók sektáha ko'o Wesse'.’

Ezequiel 26:8

Sókwenaqte sa' elmaha emasséssók ma'a énxet'ák apheykha nak ma'a tegma apkelyawe, aphéyak nak ma'a neyáwa' apheykegkaxa; elanagkok sa' meteymog aphaxta nepyáwa m'a tegma apwányam kélagkok, épheksek sa' nahan xapop, yaqwayam sa' ektamagkok, yáhapwók sa' kéxegke sẽlpextétamo yetlo apkelmeykha tén han apkeláhakkásamap.