Ezequiel 22:3 - Biblia Enxet

³ Sa' etnehek yának se'e: ‘Keso aptáhakxa exchek appeywa Wesse' egegkok se'e: Tegma apwányam apkelnápeykekxa nak chá'a énxet'ák apagkok, apkelane nak chá'a m'a aqsok kéleykmássesso yaqwayam etwasakpok, ¡kawak sa' ekhem yaqwánxa kóllegássesagkoho'!

Ezequiel 22:3 ပူးပေါင်းရင်းမြစ်များ

2 Reyes 24:3

Temegkek axta Judá xa ektáha nak, hakte Wesse' egegkok axta apkeltémo katnehek, yaqwayam enxoho elyetnakhaksek aphakxa eñama m'a ekyókxoho mey'assáxma apkelane axta Manasés,

2 Reyes 24:4

eñama han ma'a apkelnapma axta énxet'ák meyke apkeltémakxa, apsawheyáseykekxoho axta éma apagkok ma'a Jerusalén. Axta keñamak memáheyo elásekhekxohok makham ma'a Wesse' egegkok.

Salmos 106:39

apkelenyetséssegkek axta apyempe'ék apkeláneykegko ekyókxoho apkeltémakxa ekmaso, apnaqtawásamákpek axta, eñama ektémakxa axta aqsok apkelánéyak.

Isaías 1:21

¡Aphágweykxók kelán'a ekyaqmagkáseyak pók énxet ekma nak chá'a ekyánmaga ekpathetéyak ma'a tegma apwányam meyenseyam nak Wesse' egegkok! Tásek axta chá'a katnehek aqsok apkelánéyák apyókxoho énxet'ák apheykha nak ma'a, cham'a nanók axta, kapéwhok axta chá'a, keñe kaxwók aptamhágko tekyawa yapmeyk.

Ezequiel 12:25

hakte apaqmétek sa' ko'o, sektáha nak Wesse', ekmanyehe agko' sa' nahan katnehek ma'a aqsok sekxeyenma. Kéxegke kélagko' sa' nahan kólweta', kélteme nak énxet'ák élyennaqte kélwáxok; apaqmétek sa' ko'o, tén sa' wának katnehek ma'a aqsok sekxeyenma. Éltennássek ko'o xa, sektáha nak Wesse'.”

Ezequiel 22:2

“Xép, énxet, exén sa' ekpayhókxa kólteméssesek ma'a tegma apwányam ekyetnamakxa nak chá'a élánamáxche aqsok ekmaso agko'. Eltennés sa' ekyókxoho m'a aqsok ekmaso agko' nak élánamáxche m'a kañe'.

Ezequiel 22:27

Máxa aqsok nawha'ák éllo élyeptamól'a ekyógkexma apkelwesse'e s'e apchókxa nak, apkelpenchesso nak chá'a yaqwayam elnápok énxet yaqwayam enxoho kaxámekxak ma'a aqsok apagkok.

Ezequiel 22:4

Sexnenakkek xép ma'a apkelnapma énxet, tawáseykha m'a kéleykmássesso apkelane axta; chágketchessessa'ak ma'a ekhem apagkok, wagkassessek néxa apweynchámeykha. Wának sa' ko'o exénmakha ekmaso m'a énxet'ák, apyókxoho pók aptémakxa énxet'ák sa' yesmaksek xép.

Ezequiel 22:6

Apháha kelwesse'e nak chá'a Israel ma'a, cham'a apheykencha'a nak chá'a nepyeseksa exchep, apkeláneykegko nak chá'a ekyókxoho, apmako enxoho chá'a elanagkok ma'a aqsok ekmaso agko' nak.

Ezequiel 23:37

Eyenseykmek ko'o sétleykha m'a, yetnegkek nahan chá'a élyógkexma. Eyenseykmek sétleykha élpeykessamo m'a aqsok kéleykmássesso apagkok nak, kelnáhakkassegkek nahan chá'a étchek élwatnéssama xa aqsok nak, cham'a étchek sélwetasso axta ko'o.

Ezequiel 23:45

Sa' eyke exének ekpayhawo kólteméssesek kelán'a ektawáseykha élyamhopma tén han ekyetno nak ekyógkexma m'a énxet'ák apkelpéwomo nak. Hakte kelán'a eknaqtawáseykha élyamhápeyák xa, yetnegkek nahan chá'a élyógkexma.”

Ezequiel 23:7

Méssegkek axta ekyókxa Oholá m'a énxet'ák asirios kelwesse'e nak, weykmók axta nahan ekma awáxok ma'a ekyókxoho aqsok kéleykmássesso apagkok nak, tawásamáxcheyk agko' axta.

Ezequiel 33:25

Etne sa' elának se'e: ‘Keso aptáhakxa exchek appeywa Wesse' egegkok se'e: Kélteykegkek kéxegke ápetek yetlo éma, kélpeykessamok ma'a aqsok kéleykmássesso, kélnapmeyk nahan ma'a kélnámakkok, ¿kélagkok ya sa' kóltéhek ma'a apchókxa nak?’

Ezequiel 9:9

Aptáhak axta seyátegmowágkokxo Wesse' egegkok se'e: “Awanhók agko' apkeltémakxa melya'assáxma m'a énxet'ák Israel tén han ma'a énxet'ák Judá. Xámok agko' aqsok ekmaso m'a apchókxa; xámok agko' megkapéwomo nak nentémakxa m'a kañe' tegma apwányam. Apkenagkamchek ko'o ayamasmak ma'a apkelókxa; apkenagkamchek nahan mateyk ma'a aqsok apkelánéyak.

Miqueas 3:10

kélmeykha nak kéllane Jerusalén ma'a nentekyawa, kélmeykha nak kéllane tegma apwányam Sión ma'a megkapéwomo nentémakxa.

Sofonías 3:3

Máxa yámakméwa m'a apkelámha apmonye'e apagkok élpáweykhal'a awáxok; máxa aqsok nawha'ák éllo élleykhal'a meykexa énxet ma'a segyekpelchémo apagkok nak, megkáyam la'a ketsék axchapok yaqwayam katwok ma'a saka.