Ezequiel 22:2 - Biblia Enxet

² “Xép, énxet, exén sa' ekpayhókxa kólteméssesek ma'a tegma apwányam ekyetnamakxa nak chá'a élánamáxche aqsok ekmaso agko'. Eltennés sa' ekyókxoho m'a aqsok ekmaso agko' nak élánamáxche m'a kañe'.

Ezequiel 22:2 ပူးပေါင်းရင်းမြစ်များ

2 Reyes 21:16

Háwe axta ekwánxa agkok apkelánéseykegko melya'assáxma Manasés ma'a énxet'ák Judá, tén han aqsok ekmaso apkelánéyak nápaqtók Wesse' egegkok. Apkelnapmeyk axta han apxámokma apagko' énxet meyke apkeltémakxa m'a Jerusalén, sawheykekxók axta éma apagkok ma'a kañe' nak.

Isaías 58:1

Aptáhak ko'o seyáneya Wesse' egegkok se'e: Elpáxamha ekyennaqte agko', meyke apkeye, nágyés epaqmétek ektémól'a kapáwak ma'a xama kélaqkahasso; elxénchásekxoho apkeltémakxa ekmaso m'a énxet'ák ahagkok, apkeltémakxa melya'assáxma m'a Jacob énxet'ák apagkok.

Jeremías 2:30

Chaqhémok ko'o séllegassáseykegkoho m'a kélketchek nak kéxegke, mopmenyék elya'ásegwók ma'a séltémókxa nak etnahagkok. Kélhawók kéxegke m'a, yámakméwa éllo, kélnápeykekxeyk ma'a énxet'ák kélagkok apkellegasso nak sekpeywa.

Jeremías 2:34

Apkeltexneymákpek kélnaqta éma apagkok ma'a énxet'ák meyke nak aqsok apagkok, tén han ma'a meyke nak apkeltémakxa, énxet'ák megkólweteya axta chá'a kéxegke elanagkok xama enxoho m'a aqsok ekmaso agko'.

Ezequiel 11:6

Xámók agko' kéxegke kélnapma kélnámakkok se'e tegma apwányam nak, kélsawheyáseykekxók kélhapák ma'a ámay awáxok nak.

Ezequiel 20:4

Tásek elyekpelkohok apagko' xeyep apkeltémakxa, aptáha nak énxet; elyekpelkoho, yána elyekpelchágwók ma'a aqsok ekmaso agko', apkelánéyak axta chá'a m'a apyapmeyk.

Ezequiel 22:1

Epaqhetchessek axta ko'o Wesse' egegkok. Aptáhak axta seyáneya s'e:

Ezequiel 22:3

Sa' etnehek yának se'e: ‘Keso aptáhakxa exchek appeywa Wesse' egegkok se'e: Tegma apwányam apkelnápeykekxa nak chá'a énxet'ák apagkok, apkelane nak chá'a m'a aqsok kéleykmássesso yaqwayam etwasakpok, ¡kawak sa' ekhem yaqwánxa kóllegássesagkoho'!

Ezequiel 24:6

“Hakte aptáhak Wesse' egegkok se'e: ¡Tegma apwányam ekyetnamakxa nentekyawal'aye! Máxa m'a xama weygke ekteyapmal'a ayéw'ák apwáxok, megkalchamáxchel'a m'a apyéw'ák. Elek sa' chá'a exchep xama xama m'a ápetek kélyaqtennéyak nak, ekwokmoho apteméssesa meyke aqsok apwáxok ma'a weygke.

Ezequiel 24:9

“Hakte aptáhak Wesse' egegkok se'e: ¡Tegma apwányam ekyetnamakxa nentekyawal'aye! Ko'o ahagko' sa' wáleywaksek táxa ekyawe agko'.

Ezequiel 9:9

Aptáhak axta seyátegmowágkokxo Wesse' egegkok se'e: “Awanhók agko' apkeltémakxa melya'assáxma m'a énxet'ák Israel tén han ma'a énxet'ák Judá. Xámok agko' aqsok ekmaso m'a apchókxa; xámok agko' megkapéwomo nak nentémakxa m'a kañe' tegma apwányam. Apkenagkamchek ko'o ayamasmak ma'a apkelókxa; apkenagkamchek nahan mateyk ma'a aqsok apkelánéyak.

Oseas 4:2

Wánxa aqsa ekyetnama nélyexancháseykha nak egmók yaqwayam anlána', nenteme nak chá'a negmowána amya'a, tén han nentekyawa, tén han negmenyexma, tén han nennaqtawáseykegkoho nak egnaqteyegka'a, nenlane chá'a mók, keñe han ma'a negyennaqteyáseykha nak egyempehek, megkatnegweykmok néxa apkelnapma apnámakkok énxet'ák.

Nahúm 3:1

¡Xép la'aye tegma apwányam, ekyetnamakxa nak nentekyawa, tén han negmowána amya'a, tén han negyennaqteyásamaxkoho; megkamassegweykenxa nak negmenyexma!