Ezequiel 2:3 - Biblia Enxet

³ élenxanakmoho ektáha seyáneya xa kélpeywa nak: “Wáphaksek sa' ko'o exchep ma'a apheykegkaxa nak énxet'ák Israel, cham'a énxet'ák meyke nak apkelyeheykekxoho, sénmexeykekxo nak ko'o. Cháxa énxet'ák nak, weykmók ko'o setaqnagko s'e negwánxa nak, ekweykekxoho m'a apyapmeyk nano' axta.

Ezequiel 2:3 ပူးပေါင်းရင်းမြစ်များ

2 Reyes 17:14

Axta eyke elyaheykekxohok ma'a énxet'ák nak, apkelyennaqtéssegkek axta aqsa apkelwáxok, aptamheykegko axta m'a apyapmeyk nano', apkelya'ásseykmoho axta chá'a m'a Dios Wesse' apagkok;

2 Reyes 17:15

apkeltaqnagkamchek axta m'a segánamakxa apagkok, keñe han ma'a ekhémo mók nélpaqhetchásamáxkoho apkelánesso axta m'a apyapmeyk nano', tén han apchánamakxa axta etnahágkok apmésso axta. Apkelyetlamchek axta han ma'a aqsok kéláyókxa mékoho agko' nak, ektemessáseykekxo axta han mékoho m'a, apkeláneykegkek axta han ma'a aptamheykegkaxa axta m'a énxet'ák apheykha axta m'a nepyáwa, aqsok apkeltennassama axta meltémo elanagkok ma'a Wesse' egegkok.

Esdras 9:7

Nanók negko'o nentémakxa ekmaso agko' mólya'assáxma, ekwokmoho makham se'e kaxwo' nak, élmasagcha'a nentémakxa keñamak negko'o sẽlméssama m'a kelwesse'e mók apkelókxa, negko'o tén han ma'a kelwesse'e apkelwányam egagkok, tén han ma'a apkelmaxnéssesso nak Dios énxet'ák apagkok. Nanók ektémakxa negko'o sẽlyensasso chá'a, sẽlnaqleykekxa megkatnahakxa negókxa, sẽlmenyexchesso aqsok egagkok, tén han sẽlwanyeykha, cháxa sentémakxa nak makham se'e kaxwo' nak.

Nehemías 9:26

“Axta eyke elyaheykekxohok xép ma'a, apkenmexeykekxeyk axta, apkelwanyeykha axta m'a segánamakxa apagkok nak. Apkelnapmeyk axta han ma'a xép apkeláneykha apkellegasso nak appeywa, megyésseykekxa axta apkelxéncháseykekxoho apkeltémakxa, apkeltémo axta elyo'ókxak makham xép; aplókassama apagko' axta exchep.

Salmos 106:28

Apkelyetleykekxeyk axta m'a Baal-peor, apteykegkek axta han chá'a m'a kélnáhakkasso nak aqsok kéláyókxa meyke élennama nak.

Isaías 30:1

Aptáhak Wesse' egegkok se'e: “¡Énxet'ák laye sénmexeykekxa nak chá'a, apkeláneykekxa nak chá'a yaqwánxa etnahagkok meyke séltennasso ko'o, élchetámeykha nak chá'a apkelwáxok aqsok yaqwayam elanagkok megkatnaha nak ko'o séltémo elanagkok, apxámáseykegkek aqsa chá'a m'a melya'assáxma nak!

Jeremías 1:7

Aptáhak axta eyke ko'o seyáneya Wesse' egegkok se'e: “Ná exén aqsa apteme apketkok apagko'. Emhagkok sa' chá'a exchep ma'a seyáphasakxa enxoho chá'a emhagkok, exének sa' nahan chá'a m'a séltamhókxa enxoho chá'a exének.

Jeremías 3:25

Ólháxahagkok hana nélmegqakto, yetlo nélyeykhásamáxkoho egagko' nélmegqágweykekxa', hakte nentémakxa sakcha'a axta negko'o negeynamo nenlánéyak mólya'assáxma nenmexeykekxo m'a Dios Wesse' egagkok, tén han mólyeheykekxa, ekwokmoho s'e kaxwo nak, weykekxók axta nahan ma'a ẽlyapmeyk nanók axta.”

Jeremías 36:2

“Ema sa' xama weykcha'áhak meyke kéltáxésso, etaxés sa' ekyókxoho séltennasa axta, sekxéna axta m'a Israel, tén han Judá, tén han ma'a mók apkelókxa nak, axta eyeynamók xép sekpaqhetchessama m'a apyennaqtamakxa axta Josías, ekwokmoho makham se'e kaxwo' nak.

Jeremías 44:20

Keñe axta Jeremías apchátegmowagkokxo apyókxoho énxet tén han kelán'ák ekteme axta élátegmowéyak xa ektáha nak. Axta aptáhak apkeláneya s'e:

Jeremías 44:21

—¿Kélanagkamcheya kéxegke mey'ásegkok Wesse' egegkok tén han kalwagqeykmok kélméssama axta chá'a kéxegke aqsok ánek ekmátsa nak ekpaqneyam éten agkok mók aqsok kéláyókxa m'a tegma apkelyawe nak Judá, tén han ma'a ámay nak Jerusalén, tén han ma'a kélyapmeyk nano' axta, yetlo kelwesse'e apkelwányam kélagkok, tén han ma'a apkelámha apmonye'e kélagkok axta, ekweykekxoho m'a apyókxoho énxet'ák nak?

Jeremías 7:2

“Etnegwakxa sa' ma'a átog nak tegma appagkanamap ahagkok, ko'o sektáha nak Wesse', exén sa' se'e amya'a nak. Sa' etnehek se'e: Kélyókxoho kélheykha nak Judá, kélántaxnegweyktámho nak chá'a kólpeykeshok Wesse' egegkok se'e átog nak, kóleyxho sa' se'e appeywa,

Ezequiel 17:12

“Elmaxneyha hana sa' énxet'ák élyennaqte nak apkelwáxok apkelya'ásegkók kexaha ekyetchesamaxkoho s'e aqsok kélyetcháseykekxoho nak. Etne sa' elának se'e: ‘Apmeyáyekmek axta Jerusalén ma'a wesse' apwányam Babilonia tén axta apmoma m'a wesse' apwányam nak Judá, yetlo m'a apkeláneykha, apnaqleykekxeyk axta m'a Babilonia.

Ezequiel 24:3

Elyetsetches sa' nahan xama amya'a kélyetcháseykekxoho m'a énxet'ák sénmexeykekxa nak chá'a ko'o. Eltennés sa' sektáha ko'o sélxéna s'e: “Epekken nátex weygke, eyátem sa' yegmen;

Ezequiel 40:4

Keñe axta xa énxet nak aptáha seyáneya s'e: “Etaqmelchesho apkelányo, ná etwássoho yeyxho'; etaqmelchesho apkelányo ekyókxoho sekmako nak axekmósek, hakte Dios apyentamokmok xép se'e yaqwayam enxoho axekmósek. Keñe sa' eltennasha énxet'ák Israel ma'a ekyókxoho aqsok apwete.”

Amós 7:15

Wesse' egegkok axta eyke ko'o sélwátéssesso séltaqmelchesso m'a nepkések, axta aptemék seyanagkama s'e: ‘Exeg sa' eltennassók sekpeywa m'a énxet'ák ahagkok Israel.’

Malaquías 3:7

Kélyamasmeyk kéxegke m'a segánamakxa ahagkok, ektéma axta apyamasma m'a kélyapmeyk nano' axta, megkólmáheyók chá'a kólyahakxoho'. Ektáhak ko'o séláneya kéxegke s'e, sektáha nak Wesse' ekha sekyennaqte: ¡Hélyo'óta ko'o, keñe sa' ko'óxa alyo'ókxak kéxegke! Axta aqsa makham kéltáhak se'e: ¿Yaqsa katnehek negko'o agyo'ókxak xép?

Números 20:10

apchánchesákxeyk axta énxet'ák Moisés tén han Aarón ma'a nekha nak meteymog. Aptáhak axta apkeláneya Moisés se'e: —Kóleyxho sekpeywa, énxet'ák sénmexeykha nak chá'a: ¿peya agának negko'o katyapok yegmen se'e meteymog nak, yaqwayam kólyenagkok kéxegke?

Deuteronomio 9:24

¡Nanók axta kéltémakxa kéxegke kélenmexeykekxa chá'a Wesse' egegkok, eyeynamo m'a sekxók axta sélweteya ko'o!

Deuteronomio 9:27

Kaxénwakxoho apwáxok ma'a apkeláneykha axta, cham'a Abraham, Isaac tén han ma'a Jacob. Nágkaxén apwáxok ektémakxa nak élyennaqte apkelwáxok se'e énxet'ák nak, tén han apkeltémakxa élmasagcha'a tén han melya'assáxma,