Ezequiel 19:3 - Biblia Enxet

³ Xama axta nahan taqmelchessamók ekwánegkesso m'a, ekwokmoho ektéma ekwányam, keltáméyak axta ekma ekyógkexma, tén han ekto m'a énxet.

Ezequiel 19:3 ပူးပေါင်းရင်းမြစ်များ

2 Reyes 23:34

Apteméssessek axta han wesse' apwányam faraón Necao ma'a Eliaquim, Josías axta apketche, apyaqmagkasso m'a apyáp axta, apyaqmagkassessegkek axta nahan mók apwesey, Joaquim axta aptemessáseykekxak apwesey, apyentameykekxeyk axta Joacaz ma'a Egipto, cha'a apketsapweykekxexa axta nahan ma'a.

Ezequiel 19:2

“Méwa axta exchep egken ekleykencha'a axta m'a neyseksa námakkok méwa. Kelánegweykmek axta axagkok neyseksa m'a, axta kektegkesseykmok nahan étkók ma'a.

Ezequiel 19:4

Xama axta apkelleg'a ekxénáxko apyókxoho pók aptémakxa nak chá'a énxet xa, apkelhanchek axta apma, sawo ekhaxe axta apketchessásak awéhek apyenyawásegkokxo ekweykekxoho m'a Egipto.

Ezequiel 19:6

Wokmek axta m'a ekweykenxal'a xama méwa, kaweynchamha axta chá'a m'a neyseksa námakkok. Keltáméyak axta ekma m'a ekyógkexma, tén han ekto m'a énxet.

Ezequiel 22:25

xama apkelókxa apheykegkaxa nak ma'a kelwesse'e apkelyetchesamakpoho yámakméwa, élyexwéweykhal'a tén han élyeptamól'a m'a ekyógkexma; ektómól'a kañe' yókxexma agkok ma'a énxet, tén han élmenyexchessamól'a aqsok élmomnáwa apagkok tén han ma'a aqsok apagkok ekxámokma nak, ekteméssessamól'a xentampe'e' ekxámokma agko' ma'a kelán'ák.

Ezequiel 32:2

“Enneykmásses sa' faraón se'e negmeneykmasso senlapwayam nak, cham'a wesse' apwányam nak Egipto: “Aphawók xép xama méwa nepyeseksa m'a pók aptémakxa énxet; Aphawók xép ma'a yegmen askok eklo ekyetno nak neygmen: apkelpaqtekkáseykha yegmen ma'a wátsam apagkok, apmópéssegkek yegmen apkelteyammeykha, aptawáseykha ekyetno yegmen ma'a yegmen ényé nak.

Zacarías 11:3

Meleyságkohok apkellekxagweyncha'a m'a keláneykha nepkések, hakte kéltawáseyha m'a pa'at ektaqmalma nak. Legáxcheyk ekyexwéweykha m'a yámakméwa, hakte kélmasséssekmek ekyentaxnakxa nak naxma m'a neyáwa Jordán.

Deuteronomio 33:22

Tén axta Dan aptáha apxéna s'e: “Dan apteme méwa étkok eknextegmal'a eñama m'a Basán.”