Ezequiel 17:9 - Biblia Enxet

⁹ “Etne sa' exének sektáha sekpeywa s'e: ‘Keso aptáhakxa exchek appeywa Wesse' egegkok se'e: Megkataqmelek sa' se'e anmen yámet nak. Kalpátekkesek sa' kepmenák ma'a náta ekyawe ekwe exchek amonye', kapalchessásegmak sa' ma'a ekyexna; megkólwasqápek sa' nahan kólpátekkesek ma'a awhak nak, megkólmenyeyk sa' apxámokma énxet yaqwayam epátekkesek, kalyameygkok sa' ma'a ekyókxoho áwa' kaxwe éltekteyapma nak.

Ezequiel 17:9 ပူးပေါင်းရင်းမြစ်များ

Ezequiel 17:10

Kóllánekxohok sa' eykhe chá'a kélcheneykekxa, megkaltektépekxeyk sa' eyke chá'a; kalyameygkok sa' chá'a m'a ekwátekhapa enxoho éxchahayam eñama nak teyapmakxa ekhem; kalyameygkok sa' chá'a m'a ekpayhókxa nak chá'a élyephagweykxa m'a éltekteyapma.’”

Jeremías 37:10

Mexók sa' eykhe kéxegke m'a sẽlpextétamo caldeos, apketámeyam nak, apqántawók sa' eykhe eleymakpok énxet ma'a apkelpakxeneykegkaxa nak, elchempekxak sa' eyke néten xa énxet'ák nak, keñe sa' ewatnekxak ma'a tegma apwányam.”

Jeremías 32:5

Éntemekxak sa' Nabucodonosor Sedequías ma'a Babilonia, yaqwánxa sa' exnamok ekwokmoho sekxéna ko'o yaqwánxa kólteméssesek. Kólnapaxchek sa' eykhe kéxegke m'a caldeos, megkólxók sa' eyke. Ko'o sekxeyenma xa, sektáha nak Wesse'.”

2 Crónicas 20:20

Axto'ók agko' axta apnaqxétekhágko yaqwayam elxog elmahagkok ma'a ekpayho nak yókxexma meykexa énxet nak Tecoa. Apchampákxeyk axta néten Josafat amonye' apkelxega, aptáhak axta apkeláneya s'e: “Kóleyxho sekpeywa, énxet'ák nak Jerusalén tén han Judá: nágkólya'ássem aqsa Wesse' egegkok, Dios kélagkok nak, keñe sa' méko katnehek kélekakxa'; nágkólya'ássem han ma'a apkellegasso nak chá'a appeywa, tén sa' tásek chá'a katnehek ekteyapma aqsok kéllane.”

2 Crónicas 13:12

Kólya'asagkoho chá'a apha Dios negaqta'awók negko'o, tén han ma'a appasmo nak apkelmaxnéssesso énxet'ák apagkok, penchásexcheyk yaqwayam kólaqkahaksek ma'a kélaqkahasso nak, yaqwayam ómpakhak negko'o kéxegke. Énxet'ák Israel, nágkólnapaxche aqsa Wesse' egegkok, Dios apagkok axta m'a kélyapmeyk nano', megkólxoho'.”

Números 14:41

Keñe axta Moisés aptáha apkeláneya s'e: —¿Yaqsa ektáha megkólyahákxoho nak apkeltamhókxa kóltéhek Wesse' egegkok? ¡Megkatyepek sa' aqsok kéllane kéltáha enxoho xa!

Ezequiel 17:8

Kélcheneykekxeyk axta m'a ektaqmelakxa nak xapop, ekpayhókxa axta ekyetnamakxa m'a ekyawe agko' yegmen, yaqwayam enxoho kalwegqak ma'a aktegák tén han keyxek, tén han katnehek xama anmen yámet ektaqmalma.”

Amós 2:9

Ekmassesseykmek axta eyke ko'o kélmonye'e kéxegke m'a amorreos; ekmassesseykmek axta apyókxoho, aphawók axta eykhe apkelwenaqte yámet cedros ma'a, aphawók axta eykhe apkelyennaqte m'a yámet robles.