Ezequiel 11:9 - Biblia Enxet

⁹ Alának sa' ko'o sekmakókxa nak atnéssesek kéxegke: alántekkesek sa' se'e tén sa' almések ma'a énxet'ák apkeleñama nak mók nekha.

Ezequiel 11:9 ပူးပေါင်းရင်းမြစ်များ

2 Reyes 24:4

eñama han ma'a apkelnapma axta énxet'ák meyke apkeltémakxa, apsawheyáseykekxoho axta éma apagkok ma'a Jerusalén. Axta keñamak memáheyo elásekhekxohok makham ma'a Wesse' egegkok.

Esdras 9:7

Nanók negko'o nentémakxa ekmaso agko' mólya'assáxma, ekwokmoho makham se'e kaxwo' nak, élmasagcha'a nentémakxa keñamak negko'o sẽlméssama m'a kelwesse'e mók apkelókxa, negko'o tén han ma'a kelwesse'e apkelwányam egagkok, tén han ma'a apkelmaxnéssesso nak Dios énxet'ák apagkok. Nanók ektémakxa negko'o sẽlyensasso chá'a, sẽlnaqleykekxa megkatnahakxa negókxa, sẽlmenyexchesso aqsok egagkok, tén han sẽlwanyeykha, cháxa sentémakxa nak makham se'e kaxwo' nak.

Salmos 106:30

Tén axta Finees apkempeykekxo néten aplegassáseykegkoho m'a ektáha axta apkelsexnenagko, tén axta ekmassama m'a negmasse.

Salmos 106:41

apkexakhamchek axta apkelméssama m'a melya'áseyak nak Dios, apkeláneykha axta aptemék ma'a apkelenmexma nak;

Eclesiastés 8:11

Megkólmagkek chá'a ekmanyehe agko' ma'a aqsok ekmaso nak, megkóllegássesagkók nahan chá'a m'a ektáha nak apkelane, cháxa keñamak ekxéneykencha'a nak aqsa apwáxok énxet elának ma'a aqsok ekmaso nak.

Jeremías 29:20

Kólyahakxoho chá'a sekpeywa, kélyókxoho sélántekkesso axta s'e Jerusalén nak, sélya'assama m'a Babilonia.’)

Ezequiel 11:7

Cháxa keñamak sektáha nak ko'o sekpeywa, sektáha nak Wesse': Máxa weygke sa' etnehek ma'a Jerusalén, megkólxohok sa' eyke kéxegke m'a ápetek, sa' eyke m'a kélhapák ektáha nak kélnapma kéxegke, hakte alántekkesek sa' ko'o kéxegke m'a kañe' weygke nak.

Ezequiel 16:38

Sa' atnéssesek añássesagkohok ma'a ektémakxal'a kelán'a ektawáseykha élyamhopma tén han ekyetno ekyógkexma, yetlo seklo sa' wának kamatñekxa'.

Ezequiel 16:41

Elwatnések sa' ma'a axagkok nak, exének sa' yaqwánxa kólteméssesek xeye' naqta'awók ekxámokma agko' ma'a kelán'ák. Amasséssessók sa' ma'a ektémakxa nak élane ektémakxa ekmaso megkamasexta, kamaskok sa' kaxwók kayánmagkasek ma'a ektáha nak chá'a élpathetéyak.

Ezequiel 21:31

ategkesek sa' ko'o seklo takháxet xeye' ektémól'a m'a táxa eyáléwe ekmasól'a; agkések sa' ko'o exche' yaqwayam emok ma'a énxet'ák megkamayósa nak elanok aqsok tén han ma'a apmassesseykmoho nak chá'a aqsok.

Ezequiel 30:19

Atnéssesek sa' ko'o Egipto m'a sekmakókxa nak atnéssesek seklegassáseykegkoho, keñe sa' hey'ásegwók sektáha ko'o Wesse'.”

Ezequiel 5:10

Etyapok sa' neyseksa exche' m'a énxet apteykekxa nak aphápetek ma'a apketchek, tén han ma'a kélketchek apteykekxa nak aphápetek ma'a apyapmeyk. Alának sa' ko'o m'a yaqwánxa axta atnéssesek, keñe sa' ma'a apkeleymomap nak waxpánchesek ekyókxoho keso náxop.

Ezequiel 5:15

Élanak sa' agkok ko'o yetlo seklómo ahagko' ma'a sekxénakxa axta atnéssesek xeye', tén han seklegassásegkoho sa' ekyawe agko', apyókxoho énxet sa' ewanyaha, etaqnawak sa' nahan, ekpexchesso apyempe'ék ekyawe agko' sa' katnéssesek ma'a énxet'ák apwakhaya nak neyáwa'. Ko'o sekxeyenma xa, sektáha nak Wesse'.

Ezequiel 5:8

Cháxa keñamak sektáha nak ko'o sekpeywa s'e, sektáha nak Wesse': Wanmexek sa' ko'óxa exche', Jerusalén; alának sa' ma'a sektáhakxa axta sekxeyenma yaqwánxa atnéssesek, nápaqta'awók ma'a pók aptémakxa énxet'ák,

Deuteronomio 28:36

“Yának sa' kólnaqlakxak kéxegke Wesse' egegkok yetlo wesse' apwányam kélagkok ma'a xama apchókxa megkólya'ásegkaxa nak kéxegke tén han melya'ásegko nak ma'a kélyapmeyk nak. Sa' kólpeykeshok chá'a mók kéláyókxa nak chá'a m'a, élánamáxche nak chá'a m'a yántéseksek tén han ma'a meteymog,