Ezequiel 1:1 - Biblia Enxet

^1-3 Ekheyk axta ko'o xama ekhem neyáwa wátsam Quebar, cham'a Babilonia, ko'o sektáha nak sélmaxnéssesso Dios énxet'ák apagkok Ezequiel, Buzí apketche, nepyeseksa m'a énxet'ák ektáha axta kélántekkesso kélnaqleykenta m'a. Mayhékxeyk axta néten, ekwet'ak axta Dios eñama aqsok sélxekmósso. Ekhem cinco axta m'a, ektáhakxa axta cuatro pelten, ekwokmo axta treinta apyeyam, ekweykmo axta cinco apyeyam kélyentameykekxa megkatnahakxa apchókxa m'a wesse' apwányam Joaquín. Appekkenchek axta apmek tekhéxet ma'a Wesse' egegkok.

Ezequiel 1:1 ပူးပေါင်းရင်းမြစ်များ

Génesis 15:1

Appaqhetchessek axta Wesse' egegkok Abram natámen xa, apwanmagko axta eyke, aptáhak axta apcháneya s'e: —Abram, nágyé aqsa, ko'o sekteme sekmasma exchep, awanhek sa' katnehek ekyaqmageykekxa aqsok yaqwayam exkak xép.

Génesis 46:2

Appaqhetchessek axta Dios Israel xa axta'a nak, apwanmagko axta eyke apxekmowásekpoho'. Aptáhak axta apwóneyncha'a s'e: —¡Jacob! —Keso sekha s'e —axta aptáhak apchátegmowágko.

Salmos 137:1

Negheykha axta chá'a neyáwa wátsam Babilonia néllekxagweykencha'a ekxeyenma egwáxok ma'a Sión.

Éxodo 24:10

Apkelwetágwokmek axta nahan Israel Dios apagkok ma'a: kelyenmawók axta nahan aqsok ekyetno axta m'a kóneg apmagkok, máxa axta m'a kañe' tegma meteymog élyápaqmatél'a, keláxña'awók axta nahan, máxa axta m'a ektémól'a m'a néten eyáxñeyo.

Isaías 1:1

Aqsok apwete axta m'a Isaías, eñama kélxekmósso, ektémakxa axta m'a tegma apwányam Judá tén han ma'a Jerusalén, cham'a Amós apketche nak, neyseksa aptamhéyak axta kelwesse'e apkelwányam Judá m'a Ozías, Jotam, Ahaz, tén han ma'a Ezequías.

Isaías 6:1

Ekwet'ak axta ko'o Wesse' egegkok apha néten taháno ekyawe ektaqmalma netnók agko' ma'a apyeyam apketsapa axta m'a wesse' apwányam Ozías; apsawhékxók axta nahan napwe'ék apchaqlamap ma'a kañe' tegma appagkanamap.

Jeremías 29:15

“Kéltemék chá'a kélpeywa kéxegke s'e: ‘Ẽlméssek negko'o Wesse' egegkok, Dios appeywa apkellegasso s'e Babilonia.’

Ezequiel 10:1

Tén axta natámen sekwet'a ektepa xama aqsok ekho taháno ekyawe ektaqmalma m'a néten ekyetno axta ekyaqye apyetseksa'ák ma'a apho axta énxet ekha apxempenák, hawók axta m'a meteymog ekyápaqmatél'a.

Ezequiel 10:10

Hawók axta nahan mók ma'a cuatro amagkok nak, máxa axta nahan ekyetnól'a mók anlanok ma'a kañe' nak.

Ezequiel 10:15

Cháxa sélwet'a axta nahan ko'o nekha wátsam Quebar xa apho nak énxet. Apkelchampákxeyk axta néten xa apho nak énxet,

Ezequiel 10:20

Cháxa sélwet'a axta nahan ko'o kóneg Israel Dios apagkok xa apho nak énxet, cham'a nekha wátsam Quebar nak. Tén axta sekya'ásegwokmo ko'o aptáha apho énxet xa.

Ezequiel 10:22

Hawók axta ektémakxa nápaqta'a sélwet'a axta ko'o nekha wátsam Quebar xa apho nak énxet. Xama xama axta chá'a elxog meyke apkeltaqhegwayam.

Ezequiel 11:24

Tén axta sey'ásekxo néten ma'a Dios apmopwána, éntamákxeyk axta makham ma'a Babilonia, apheykegkaxa axta nahan nápakha m'a énxet'ák kélántekkesso apkelókxa. Cháxa ektáhakxa axta xama aqsok sélxekmósso apkeltémo axta ótak ma'a Dios espíritu apagkok. Tén axta ekmassa m'a aqsok sekweteyo nak,

Ezequiel 3:15

Ekwokmek axta m'a Tel Abib, neyáwa nak ma'a wátsam Quebar, apheykegkaxa axta m'a énxet'ák Israel kélántekkesso apkelókxa, siete ekhem axta nahan sekha nepyeseksa m'a, meyke sekya'áseyak aqsok yaqwayam alána' tén han axének.

Ezequiel 3:23

Émpákxeyk axta ko'o néten, ekmahágkek axta m'a ekpayhegweykenxa nak xapop yókxexma, ekwetágwokmek axta nahan Wesse' egegkok élseyéxma apagkok ma'a, hawók axta m'a sekwetágwokmo axta neyáwa wátsam Quebar. Ekháxahánteyk axta ekwokmoho sektekxeya ekpayhakxa nahát xapop,

Ezequiel 43:3

Hawók axta nahan sekweteya axta ko'o xa aqsok nak, cham'a apkexyeykmo axta Wesse' egegkok apmáheyo émasséseták ma'a Jerusalén, tén han sekweteya axta m'a nekha wátsam Quebar nak. Éltekxekkek axta etapnák xapop ekwokmoho sektekxeya ekpayhakxa nahát xapop,

Ezequiel 8:3

Apya'asakmek axta énxet ekho kélmek, apkelmeyk axta éwa'. Tén axta Dios apmopwána sey'ásekxo néten, éntamákxeyk axta Jerusalén ma'a aqsok sexekmóssamo axta Dios, exnessákxeyk axta m'a nentaxnamakxa nak átog étkok apwáxok ma'a tegma apwányam, ekpayho nak nexcheyha, ekyetnamakxa axta m'a aqsok kéleykmássesso eklókassamól'a m'a Wesse' egegkok.

Oseas 12:10

“Élpaqhetchessegkek axta ko'o m'a apkellegasso axta sekpeywa, ekxámássessegkek axta aqsok sekxekmósso, ekxeyenmeyk axta ko'o aqsok sekyetcháseykekxoho eñama sélásenneykekxa m'a.

Joel 2:28

“Almésagkok sa' ko'o apyókxoho énxet'ák espíritu ahagkok, natámen xa aqsok nak: eltennaha sa' chá'a sekpeywa m'a kélketchek apkelennay'a nak, tén han ma'a kelwán'ák nak, kaxek sa' chá'a apkelwanmagko m'a apkelwányam nak, keñe sa' chá'a apketkók nak elwetak chá'a m'a aqsok kélxekmóssamo nak.

Números 12:6

aptáhak axta apkeláneya Wesse' egegkok se'e: “Kóleyxho sa' se'e sekmako nak ko'o altennaksek: Apyetneyk agkok kélnepyeseksa kéxegke xama aplegasso sekpeywa, axekmósaxkohok chá'a ko'o, apwanmagko nahan chá'a ko'o alpaqhetchesaxkoho';

Números 4:3

ekwayam nak chá'a treinta apyeyam apagkok ekweykmoho cincuenta, apmopwancha'a nak eltemeykha m'a kélpakxanma apchaqneykekxexa nak chá'a énxet'ák.