Éxodo 9:6 - Biblia Enxet

⁶ Mók ekhem axta nahan entáhak, apkelanak axta Wesse' egegkok ma'a aqsok apxeyenma elána'. Keletsekkek axta ekyókxoho apnaqtósso m'a egipcios, keñe axta m'a israelitas apnaqtósso méko axta xama enxoho étsapma.

Éxodo 9:6 ပူးပေါင်းရင်းမြစ်များ

Salmos 78:48

Kelnáhakkassegkek axta yegmen élyennaqte m'a weyke apnaqtósso, keñe axta nepkések apnaqtósso apkelnáhakkassama takha'.

Salmos 78:50

¡Axta emágweykekxak aplama! Axta eltémók chá'a elweynchamha, apkelnapmeyk axta apchahaya aqsok ekmaso;

Éxodo 12:12

Cháxa axta'a nak, aweynchamha sa' ko'o m'a ekyókxoho nak kañe' Egipto, alnápok sa' chá'a xama tegma étchek átnaha apketkók ma'a egipcia, tén han ma'a émha amonye' ekwete nak étkók ma'a apnaqtósso. Alyekpexchetagkok sa' nahan ko'o m'a ekyókxoho aqsok kéláyókxa nak chá'a m'a kañe' Egipto. Ko'o sekxeyenma xa, sektáha nak Wesse'.

Éxodo 12:29

Axta'a eyseksók axta apkelnapa Wesse' egegkok kélketchek átnaha apketkók xama tegma chá'a m'a kañe' Egipto. Axta nahan cheynawok sekxók ma'a faraón apketche átnaha apketkok aphama axta chá'a m'a taháno ekyawe ektaqmalma, ekweykekxoho m'a apketchek átnaha apketkók nak ma'a énxet'ák apheykha axta kañe' negmomaxchexa, tén axta nahan ma'a émha amonye' ekwete étkók nak ma'a aqsok kélnaqtósso.

Éxodo 8:22

Temék sa' agkok xa, atnéssesek sa' ko'o móktémakxa m'a yókxexma Gosen apheykegkaxa nak séláneykha, méko sa' etnehek xama enxoho sempéhe m'a. Sa' ey'ásegwók ko'o sektáha nak Wesse' sekha m'a apkelókxa nak.

Éxodo 9:25

Tawáseyha axta ekyókxoho aqsok ekhéyak kañe' Egipto m'a yegmen élyennaqte nak: kelnapchek axta m'a énxet tén han ma'a aqsok kélnaqtósso, tén han ma'a ekyókxoho kélcheneykekxa m'a yókxexma. Kelekkexchek axta nahan ekyókxoho yenta'a élyawe m'a apchókxa nak.

Éxodo 9:26

Keñe axta m'a Gosen, apheykegkaxa axta m'a israelitas, maxta katyekmok xama enxoho yegmen élyennaqte.

Éxodo 9:4

Mexnésók sa' eyke Wesse' egegkok apteméssesakxa aqsok kélnaqtósso nak Israel ma'a apteméssesakxa sa' ma'a aqsok kélnaqtósso nak Egipto, yaqwayam sa' megkatsephek xama enxoho aptósso m'a israelitas.’

Éxodo 9:5

Appekkenchek axta nahan ekhem yaqwánxa katnehek Wesse' egegkok xa. Aptáhak axta s'e: —Saka sa' ko'o alának xa.