Éxodo 9:33 - Biblia Enxet

³³ Xama axta aptepa Moisés ma'a tegma apwányam natámen axta apye'eykekxa m'a faraón, apkelya'ássek axta néten apmék appaqhetchesa Wesse' egegkok. Yetlókok axta anhan ekmasse m'a yegmen élyennaqte, tén han ma'a ekmámeye nak, massék axta nahan apha m'a takha'.

Éxodo 9:33 ပူးပေါင်းရင်းမြစ်များ

1 Reyes 8:22

Tén axta apkenegwokmo Salomón ma'a amonye' nak ekwatnamáxchexa aqsok, Wesse' egegkok nak apagkok, nápaqta'awók ma'a apyókxoho énxet'ák Israel, apkelya'ássek axta néten apmék,

Éxodo 8:12

Apkelántekkek axta faraón tegma apyawe apagkok ma'a Moisés tén han Aarón. Tén axta natámen Moisés apkelmaxneya Wesse' egegkok apkeltamho elántekkesek paha' apkeláphasso axta m'a aphakxa nak faraón.

Éxodo 8:8

Tén axta faraón apkeltamho kólyentawakxések ma'a Moisés tén han ma'a Aarón. Aptáhak axta apkeláneya s'e: —Hẽlmaxnésses hana Wesse' kélagkok yaqwayam hẽlántekkessesek se'e paha' nak, ko'o tén han ma'a énxet'ák ahagkok, tén sa' wohok elxog énxet'ák apagkok yaqwayam egkések kélnaqtósso ektekyawa m'a Wesse' apagkok.

Éxodo 9:29

Aptáhak axta Moisés apchátegmowágkokxo s'e: —Ektekkek sa' agkok ko'o s'e tegma apwányam nak, alya'aksek sa' néten emék almaxnak ma'a Wesse' egegkok. Tén sa' kamaskok yegmen élyennaqte, kamaskok sa' nahan apha m'a takha', yaqwayam sa' ey'asagkohok xeyep Wesse' egegkok ektáha apagkok xapop.

Éxodo 9:32

Keñe axta m'a hótáhap apagko' nak tén han ma'a centeno, méko axta ektáhakxa, hakte yehémek chá'a eltektépok ma'a.

Éxodo 9:34

Xama axta apwet'a makham faraón ekmassa m'a ekmámeye, tén han ma'a yegmen élyennaqte nak, tén han ekmassa apha m'a takha', apkelánekxeyk axta makham aptémakxa ekmaso. Háwe axta nahan apxakkók apyennaqtésa apwáxok ma'a, apyókxoho axta nahan ma'a énxet'ák ektáha axta apkeláneykha.