Éxodo 9:24 - Biblia Enxet

²⁴ Meyke néxa axta nahan entáhak ektéyam ma'a yegmen élyennaqte nak tén han ma'a takha' aplo. Maxta nahan kaxnémok chá'a ektéyam Egipto m'a ekwánxa axta ektéyam yegmen élyennaqte élyawe ekyennaqte agko'.

Éxodo 9:24 ပူးပေါင်းရင်းမြစ်များ

Job 38:23

seyáphassamól'a chá'a ko'o ekwa'a enxoho ekhem ekmaso, tén han kempakhakma?

Salmos 105:32

Apcháphassegkek axta yegmen élyennaqte, tén han táxa eyáléwe m'a apchókxa, keñe ekmámeye megyáphassama.

Salmos 18:13

Kextegyawomchek axta appeywa Wesse' egegkok meyke nak Ekhémo m'a néten; neyseksa ektéyam yegmen élyennaqte, tén han átex éláléweyak.

Éxodo 10:6

Elánegwók sa' ma'a kañe' tegma apyawe apagkok, tén han ma'a apkeláneykha apxanák nak, tén han ma'a ekyókxoho apxanák nak ma'a egipcios. ¡Sa' katnehek melweteya axta chá'a katnehek nanók ma'a kélyapmeyk axta tén han ma'a kélyáta', cham'a neyseksók axta apheykha, ekwokmoho makham negko'óxa s'e kaxwo' nak!’ Xama axta appenchesa apteme appeywa xa, appeynchákpek axta Moisés aptepa m'a kañe' faraón tegma apyawe apagkok.

Éxodo 9:18

Saka sa' ko'o wának katyamok yegmen élyennaqte élyawe agko', megkótémaxko nak makham kaxhok ektéyam ma'a kañe' Egipto. Sa' kaxhok nahan se'e ekwánxa nak ekhem.

Éxodo 9:23

Apya'ássek axta apmek néten Moisés, tén axta Wesse' egegkok apcháphasa takha', yetlo apkelyenma tén han ma'a yegmen élyennaqte neyseksa xa xapop nak. Axta aqsa nahan aptegkásak yegmen élyennaqte m'a ekyókxoho kañe' Egipto.

Éxodo 9:25

Tawáseyha axta ekyókxoho aqsok ekhéyak kañe' Egipto m'a yegmen élyennaqte nak: kelnapchek axta m'a énxet tén han ma'a aqsok kélnaqtósso, tén han ma'a ekyókxoho kélcheneykekxa m'a yókxexma. Kelekkexchek axta nahan ekyókxoho yenta'a élyawe m'a apchókxa nak.

Isaías 30:30

Eltamhok sa' kañexchek appeywa eyeymáxkoho nak ma'a Wesse' egegkok, exekmósek sa' nahan apmopwána, cham'a peya nak elának yetlo aplómo apagko', yetlo m'a táxa eyáléwe élwatnamo nak aqsok, tén han takha' aplo yetlo ekmámeye tén han yegmen élyennaqte.

Ezequiel 1:4

Tén axta natámen sekwet'a ekxegakmo éxchahayam ekyennaqte agko' eñama m'a nexcheyha; tekkek axta táxa neyseksa m'a yaphope ekyawe ekho axta takha' apkelyenma, kelyenmawók agko' axta nahan ma'a nekhaw'ék nak. Kelyenmeyk axta nahan neyseksa táxa xama aqsok, ekhémo m'a sawo kélyenmassól'a,

Ezequiel 13:13

Cháxa keñamak sektáha nak ko'o sekpeywa s'e, sektáha nak Wesse': Neyseksa seklo sa' ko'o wának katyapok éxchahayam ekyennaqte agko' ekho samaxche'; neyseksa seklo sa' nahan wának kammék ekyawe agko' tén han katyamok yegmen élyennaqte ekho meteymog, yaqwayam sa' amasséssók apyókxoho yetlo seklo.