Éxodo 9:22 - Biblia Enxet

²² Tén axta Wesse' egegkok aptáha apcháneya Moisés se'e: —Ey'és sa' apmek néten, yaqwayam sa' katyamok yegmen élyennaqte nepyeseksa énxet'ák tén han aqsok kélnaqtósso m'a ekyókxoho kañe' Egipto, tén han neyseksa m'a aqsok kélcheneykekxa apkelchéyak nak ma'a egipcios.

Éxodo 9:22 ပူးပေါင်းရင်းမြစ်များ

Éxodo 10:21

Keñe axta natámen Wesse' egegkok aptáha apcháneya Moisés se'e: —Ey'és sa' apmek néten, yaqwayam sa' kaweywenták ekyáqtessóxma ekyentaxno agko' ma'a Egipto, negmowánal'a ampaknegwomho'.

Éxodo 7:19

Aptáhak axta nahan Wesse' egegkok apcháneya Moisés se'e: —Yána sa' emekxak aptasqapeykha m'a Aarón tén sa' ey'aksek apmek ma'a ekpayhókxa nak chá'a ekyetnamakxa m'a wátsam, tén han ma'a ényahamakxa nak chá'a yegmen, tén han ma'a awáxok ekyetnamakxa nak chá'a yegmen, tén han ma'a kélyátaweykekxexa nak chá'a yegmen kélmeykha m'a Egipto; tén han ma'a ekyókxoho ekyetnamakxa nak chá'a yegmen, yaqwayam sa' katnekxak éma. ¡Kawomhok sa' élláneyak éma m'a ekyókxoho aqsok kélyetméyak élánamáxche nak ma'a yántéseksek tén han ma'a meteymog!

Éxodo 8:16

Aptáhak axta Wesse' egegkok apcháneya Moisés se'e: —Eltennés sa' Aarón yának ey'aksek néten ma'a aptasqapeykha, tén sa' etekpog náxop yagkamex, yaqwayam sa' katnekxak páye m'a ekyókxoho nak kañe' Egipto.

Éxodo 8:5

Aptáhak axta Wesse' egegkok apcháneya Moisés se'e: —Eltennés sa' Aarón yának ey'aksek néten aptasqapeykha ekpayhókxa nak ekheykegkaxa m'a wátsam, tén han ma'a ényahamakxa nak yegmen tén han ma'a awáxok ekyetnamakxa nak chá'a yegmen, yaqwayam sa' elántépok paha' elántaxnegwók ma'a apchókxa Egipto.

Éxodo 9:21

yetneyk axta eyke nahan chá'a nápakha metnéssesso naqsók ektáhakxa amya'a apkellege, apcha'awók axta aqsa apkelweynchámeyncha'a apkelásenneykha naqsa m'a yókxexma tén han ma'a apnaqtósso.

Josué 10:11

Apkelántepók axta aqsa amorreos ma'a ekweyweykentamxa nak ma'a Bet-horón, neyseksa apmenxenma m'a énxet'ák Israel, keñe axta Wesse' egegkok apkexénto nepyeseksa yegmen élyennaqte élyawe agko', apxámok axta élnapa m'a amorreos, axta kaxnawok ekwánxa axta élnapma sókwenaqte apagkok ma'a énxet'ák nak Israel.