Éxodo 8:14 - Biblia Enxet

¹⁴ Apyekhámekxeyk axta nahan énxet'ák ma'a paha' aphopák nak, apchánchesákxeyk axta anhan, tekhánexchek axta nahan ekpaqneyam ektahapma m'a ekyókxoho apheykegkaxa.

Éxodo 8:14 ပူးပေါင်းရင်းမြစ်များ

1 Reyes 18:26

Apmeyk axta apchaqha m'a weyke étkok kélmésso axta, apkelánegkek axta. Axto'ók axta Apkeynawók apwóneykha Baal ekwokmoho yetseksókhem. Aptáhak axta chá'a s'e: “¡Baal, hegátegmowák!”, apkelnextegáha axta chá'a néten neyáwa ekwatnamáxchexa aqsok apkeláneyak axta, méko axta eyke eyátegmowágko.

1 Reyes 18:29

Yeyk'ak axta yetseksókhem, axta eyke elwáteságkok apkelpáxameykha m'a énxet'ák nak, máxa élyeyháxma axta aptamhágkok apkelnextegáncha'a néten, ekwokmoho élánamáxchexal'a aqsok ekmatñá. ¡Méko axta eyátegmowágko, méko axta han ekhaxnawo!

Éxodo 7:21

Keletsekkek axta m'a kelasma, tahapchek axta nahan ma'a wátsam, mopwancha'ak axta apmako énagkok egipcios yegmen eñama m'a wátsam nak. ¡Sawhékxók axta éma m'a ekyókxoho kañe' Egipto!

Éxodo 8:13

Apkelanak axta nahan Wesse' egegkok ma'a aptáhakxa axta apkelmaxnagko m'a Moisés, apkeletsekkek axta nahan paha' apkelántaxnegwayam axta m'a tegma tén han ma'a nepyáwa nak, ekweykekxoho m'a yókxexma.

Éxodo 8:15

Xama axta apwet'a makham faraón ekmassa m'a ektáhakxa apwete ekmaso aphakxa, apyennaqtéssek axta aqsa makham apwáxok. Maxta elyahákxak makham ma'a Moisés tén han ma'a Aarón, ekhawo m'a aptémakxa axta apkeltennasso Wesse' egegkok ekmaheyókxa katnehek.

Éxodo 8:24

Apteméssessek axta nahan Wesse' egegkok xa ektáha nak, apkelwa'ak axta apxámokma apagko' sempéhe, apcháhapwokmek axta apkelántaxnegwokmo m'a faraón tegma apyawe apagkok nak, tén han ma'a apkeláneykha apxanák nak, tén han ma'a ekyókxoho xapop nak Egipto. Aptawáseyha axta sempéhe m'a ekyókxoho kañe' apchókxa.

Éxodo 9:11

Keñe m'a énxet'ák apmopwancha'a axta nahan chá'a etekkesek aqsok, mopwancha'ak axta apmako elanagkok nápaqtók ma'a Moisés, hakte hawók axta nahan ektáhakxa m'a apyókxoho nak egipcios, tamhágkek axta nahan tasqapma.

Isaías 19:11

¡Élyeyháxma nak la'a kéxegke, kelwesse'e nak Soan, kélmeyáseyák nak chá'a kélpeywa m'a énxet'ák, kélmowancha'a agko' nak aqsok ma'a Egipto, naqsók kéxegke kélpékessáseyak kélnámakkok élyeyháxma! ¿Háxko katnehek kóltéhek kólának faraón se'e: “Negko'o nenteme énxet'ák apmopwancha'a aqsok aptawán'ák neptámen, cham'a nanók kelwesse'e apkelwányam axta?”

Isaías 34:2

Apkeltaqnaweygkek Wesse' egegkok apyókxoho énxet'ák keso náxop ekweykekxoho m'a apyókxoho sẽlpextétamo apagkok nak, apkeltamhók kólsawhohok kólnápekxa'.

Ezequiel 39:11

“Agkések sa' ko'o Gog, xama yókxexma Israel xa ekhem nak, cham'a yókxexma sẽlátawanyamakxa ekwesey nak Xapop Ekyapwate Apkelpéwomókxa nak chá'a Apkelxega, ekpayho nak ma'a wátsam ekwányam, yaqwayam sa' kólátawanyek. Sa' kamasséssessók apkelpéwomo apkelxega nak chá'a xa, sa' kólátawanyek Gog ma'a tén han ma'a apyókxoho sẽlpextétamo apagkok, kólteméssesek sa' nahan ekwesey Gog sẽlpextétamo apagkok Xóp Ekyapwate apagkok ma'a.

Joel 2:20

Amenxenchesek sa' kéxegke m'a sawa' apkeleñama nak nexcheyha, yókxexma meykexa énxet sa' akxakhagwók. Alweykesagkok sa' kañe' Wátsam Ekwányam Étsapma m'a apkelxegáyam nak apmonye'e, tén sa' ma'a apkelxegáyam nak axayo', alweykesagkok ma'a wátsam ekwányam Mediterráneo, kaltepelchexchek sa' apkelyókxa', kaltahápok sa' nahan. ¡Alának sa' ko'o ekyawe agko' aqsok!”