Éxodo 7:15 - Biblia Enxet

¹⁵ Saka axto'ók agko' sa' eyke etyánegwakxoho', apwákxeyk sa' agkok ma'a wátsam nak, eleyx sa' aqsa m'a neyáwa nak, eswoho sa' ma'a yámet kéltasqapeykha ektamhákxo axta yéwa.

Éxodo 7:15 ပူးပေါင်းရင်းမြစ်များ

1 Crónicas 16:21

axta eyke yahayók Dios enaqtawasagkohok xama énxet enxoho; weykmók axta han aptéma apkelanagkama kelwesse'e apkelwányam se'e:

Éxodo 2:5

Yáma néwók axta nahan natámen, wákxeyk axta nahan faraón apketche ekmako kayaqpaksek yegmen ma'a wátsam, kelweynchámeyha axta nahan sekxók éláneykha m'a neyáwa wátsam nak, wetágwokmók axta nahan xama hówenaq apxagkok étkok ekyetna neyseksa ekho' m'a faraón apketche. Tén axta eyáphasa xama eyásenneykha éltamho kay'ágkasek, tén han kasantagkasek.

Éxodo 7:10

Apkelxegkek axta apkelya'aweykxo faraón ma'a Moisés tén han Aarón. Apkelánegkek axta nahan ma'a aqsok apkeltamho axta elanagkok ma'a Wesse' egegkok. Apyenyenteyk axta náxop aptasqapeykha Aarón ekpayhókxa aphakxa m'a faraón tén han ma'a apkeláneykha. Tamhákxeyk axta nahan yéwa m'a yámet nak.

Éxodo 7:14

Tén axta Wesse' egegkok aptáha apcháneya Moisés se'e: —Apyennaqtéssek makham apwáxok ma'a faraón, memakók yohok elántépok ma'a israelitas.

Éxodo 8:20

Aptáhak axta Wesse' egegkok apcháneya Moisés se'e: —Sa' emyekxak faraón saka axto'ók agko' ma'a wátsam nak. Exatakha sa' axto'o, tén sa' exog ey'ammok etnehek yának se'e: ‘Exchek aptáhak Wesse' egegkok se'e: Yoho elxog énxet'ák ahagkok, yaqwayam enxoho hélpeykesho'.

Ezequiel 29:3

Etne sa' yának se'e: “Keso aptáhakxa exchek appeywa Wesse' egegkok se'e: Faraón, ekxénchek ko'o exchep aptáha sénmexma, wesse' apwányam nak Egipto, apteme nak yegmen askok ekyawe eklo apyetnama nak ma'a neyseksa wátsam apagkok, apteme nak chá'a epaqmésmakha s'e: Ahagkok ko'o Wátsam Nilo, ko'o sélane.