Éxodo 40:9 - Biblia Enxet

⁹ “Keñe sa' emok ma'a pexmok égmenek kélexpaqhayól'a kólteméssesek appagkanamap énxet, eyegken sa' ma'a néten nak kélpakxanma appagkanamap, tén han ma'a ekyókxoho aqsok ekhágko nak ma'a kañe'. Keñe sa' etnéssesek xép appagkanamap yetlo m'a ekyókxoho aqsok kélmeykegkaxa nak chá'a, katnehek sa' kañe' ekpagkanamaxchexa agko'.

Éxodo 40:9 ပူးပေါင်းရင်းမြစ်များ

Salmos 45:7

Yásekhohok chá'a m'a aqsok ektaqmela, etaqnók chá'a m'a aqsok ekmaso nak. Cháxa keñamak apkelyéseyncha'a nak Dios, cham'a Dios apagkok nak, apyánchessamók han apmésso m'a ekpayheykekxa apwáxok, kaxnók ma'a apkelxegexma'a nak.

Éxodo 37:29

Apkelanak axta nahan Besalel pexmok égmenek ekpagkanamaxche kélmeykegko nak chá'a hẽlteméssesek nempagkanamaxche', tén han ma'a aqsok ekmátsa nak ekpaqneyam éten agkok, aptémól'a chá'a elanagkok sokmátsa m'a apkeláneykegkoho nak chá'a sokmátsa.

Éxodo 39:39

tén han ma'a ekwatnamáxchexa nak chá'a aqsok élánamáxche nak sawo ekyexwase yetlo m'a sawo élyagqáxeykha agkok ekho nak yám'én aqta'ák sawo ekyexwase, tén han ma'a yámet élwenaqte agkok nak ekweykekxoho m'a ekyókxoho aqsok élmeykegkaxa nak chá'a, tén han ma'a sokpayhe ekwányam yetlo m'a awhak ekpayhe ekyennaqtéssamakxa nak,

Éxodo 40:8

Tén sa' elának aphaxta nepyáwa m'a kélpakxanma nak, emakhésha sa' apáwa m'a átog nentaxnamakxa nak ma'a kélhaxta.

Isaías 11:2

Exek sa' chá'a yókxoho ekhem takhapxet ma'a Wesse' Espíritu apagkok, egkések sa' apya'áséyak tén han apmopwána aqsok, apmopwána apkelxekmowáséyak apnámakkok, tén han apyennaqte, tén han apyekpelchémo tén han apkeye m'a Wesse' egegkok.

Isaías 61:1

Wesse' egegkok espíritu apagkok ko'o sekxegexma, hakte epagkanchek axta ko'o m'a Wesse' egegkok; eyáphássek axta asókasek amya'a ektaqmela m'a énxet'ák meyke nak aqsok apagkok, eyáphássek axta amasséssesek élyaqhápeykha apkelwáxok ma'a énxet'ák élyaqhápeykha nak apkelwáxok, eyáphássek axta allegaksek peya kólchexeykxak ma'a apkelmomap nak, tén han peya kólántekkesek ma'a apheykha nak kañe' negmomaxchexa;

Ezequiel 28:14

Ekméssegkek axta yaqwayam etaqmelchesek ma'a xama apho nak énxet ekha apxempenák, aphama axta chá'a m'a néten egkexe ekpagkanamaxchexa apagkok nak ma'a Dios, apweynchámeykencha'a axta chá'a m'a nepyeseksa yaw'a.

Levítico 8:10

Keñe axta Moisés apma pexmok égmenek senteméssessamo nak nempagkanamaxche', apkexpaqháha axta m'a tegma appagkanamap nak, tén han ma'a ekyókxoho aqsok ekhéyak axta m'a kañe', cháxa apteméssesa axta élpagkanamaxche xa.

Números 7:1

Apteméssessek axta appagkanamap apkexpaqha'a pexmok égmenek Moisés tegma appagkanamap, cham'a appenchesa axta apkelane, yetlo m'a ekyókxoho aqsok kélmeykegkaxa nak chá'a tegma appagkanamap, tén han kélmeykegkaxa nak chá'a m'a ekwatnamáxchexa nak aqsok.