Éxodo 40:32 - Biblia Enxet

³² Elyenyesagkok axta chá'a apyempe'ék apkelántaxna enxoho chá'a m'a kélpakxanma apchaqneykekxexa nak chá'a énxet'ák, tén han apchaqnágweykxo enxoho chá'a m'a nekha nak ekwatnamáxchexa aqsok, ekhawo m'a apkeltémókxa axta etnehek Wesse' egegkok ma'a Moisés.

Éxodo 40:32 ပူးပေါင်းရင်းမြစ်များ

Salmos 73:19

¡Ekmanyehe sa' kólmasséssók! ¡Apkelaye sa' kasáwa'!

Éxodo 29:4

Eyentem sa' Aarón tén han apketchek ma'a átog nentaxnamakxa nak kélpakxanma apchaqneykekxexa nak chá'a énxet'ák, yána sa' eyaqpasagkok yegmen;

Éxodo 40:19

appeykessek axta nahan kélpakxanma m'a néten nak kélpakxanma appagkanamap, apkexneyk axta nahan kélpakxanma éxyawe nak yaqwayam keytek ma'a néten nak kélpakxanma, ekhawo m'a apkeltémókxa axta etnehek ma'a Wesse' egegkok.

Éxodo 40:31

Axta eyáwak chá'a yegmen Moisés tén han Aarón ekweykekxoho apketchek, yaqwayam elyenyesagkok chá'a apmék tén han apmagkok ma'a.

Éxodo 40:33

Appenchessek axta aphaxtegkesso nepyáwa kélpakxanma appagkanamap ma'a Moisés tén han ma'a ekwatnamáxchexa nak chá'a aqsok, apmakheyáseyha axta nahan apáwa m'a átog nentaxnamakxa nak kélhaxta. Xama axta appenchesa aptamheykha apkelane kélpakxanma m'a Moisés,

Números 1:19

ekhawo m'a apkeltamhókxa axta Wesse' egegkok etnehek ma'a Moisés. Cháxa eknaqtáxésamaxche nak weykcha'áhak apkelwesey énxet'ák, axta kelánamáxcheyk ma'a yókxexma meykexa nak énxet Sinaí.