Éxodo 40:29 - Biblia Enxet

²⁹ appekkenchek axta nahan élwatnamáxchexa nak chá'a aqsok kélnaqtósso m'a átog nentaxnamakxa nak kélpakxanma appagkanamap, cham'a kélpakxanma apchaqneykekxexa nak chá'a énxet'ák, apkelwatneyk axta nahan aqsok kélnaqtósso tén han aqsok aktek eknakxamáxche ekyexna m'a néten nak yaqwayam etnéssesek aqsok apmésso naqsa m'a Dios, ekhawo m'a apkeltémókxa axta etnehek ma'a Wesse' egegkok.

Éxodo 40:29 ပူးပေါင်းရင်းမြစ်များ

2 Reyes 16:14

Keñe axta m'a ekwatnamáxchexa aqsok élánamáxche nak sawo ekyexwase, ekyetnama nak apmonye' m'a Wesse' egegkok tegma appagkanamap apagkok, apyetnakhássek axta m'a Ahaz, appekkenwákxeyk axta m'a ekpayho nak nexcheyha ekyetnamakxa m'a ekwatnamáxchexa aqsok, keñe axta ekyetnákxo kaxwók neyseksa, teyp nak kaxwe ekwatnamáxchexa aqsok, halep nak Wesse' egegkok tegma appagkanamap apagkok.

Éxodo 40:28

Tén axta Moisés apmakheyáseyncha'a apáwa yaqwayam nak kólpekkenek ma'a átog nentaxnamakxa nak kélpakxanma appagkanamap;

Éxodo 40:30

Tén axta m'a sokpayhe ekwányam nak appekkena m'a halep nak kélpakxanma apchaqneykekxexa nak chá'a énxet'ák, teyp nak ma'a ekwatnamáxchexa aqsok, apyetmeyk axta nahan yegmen, yaqwayam enxoho elyenyeksek chá'a apyempe'ék.

Éxodo 40:6

Epekken sa' ekwatnamáxchexa nak chá'a aqsok kéltósso m'a átog nentaxnamakxa nak kélpakxanma appagkanamap, cham'a kélpakxanma apchaqneykekxexa nak chá'a énxet'ák.

Ezequiel 40:47

Tén axta apkelyetsátegko étkok apwáxok nak tegma m'a énxet nak, hawók axta nahan mók nápakhaw'ék ma'a, cincuenta metros axta chá'a m'a xama nápakha. Apmonye' tegma appagkanamap axta nahan yetnók ma'a meteymog ekwatnamáxchexa nak chá'a aqsok.

Ezequiel 43:18

Keñe axta aptáha seyáneya Wesse' egegkok se'e: “Wokmek sa' agkok ekhem yaqwánxa kalanaxchek ma'a ekwatnamáxchexa nak aqsok, tásek sa' kalanaxchek se'e segánamakxa nak: Kólwatnek sa' néten ekwatnamáxchexa aqsok ma'a xama aqsok kéltósso, yaqwayam kólteméssesek aqsok ekwatnamáxche, keñe sa' kólexpaqheykha éma m'a ekwatnamáxchexa nak aqsok.

Levítico 1:1

Apwóneyha axta Wesse' egegkok Moisés ma'a kañe' kélpakxanma apchaqneykekxexa axta chá'a énxet'ák. Aptáhak axta apcháneya s'e: