Éxodo 40:11 - Biblia Enxet

¹¹ Eyegken sa' nahan pexmok égmenek ma'a néten nak sokpayhe ekwányam tén han ma'a awhak ekpayhe ekyennaqtéssamakxa nak, keñe sa' etnéssesek nahan élpagkanamaxche m'a.

Éxodo 40:11 ပူးပေါင်းရင်းမြစ်များ

1 Reyes 7:38

Apkelanak axta han diez kélyátamakxa yegmen sawo ekyexwase. Un metro ochenta centímetros axta han chá'a xama, ekhémo nak chá'a kólyetmok ochocientos ochenta litros yegmen, kélnegkenágkek axta han ma'a néten nak diez awhók élyennaqtéssamakxa,

Éxodo 30:18

“Elána sa' xama sokpayhe ekwányam sawo ekyexwase, ekyetlómo awhak ekyennaqtéssamakxa ekhawo nahan ma'a sawo ekyexwase, yaqwayam sa' kóltéhek chá'a kélyenyessamakxa kélmék tén han kélmagkok; epekken sa' ma'a apmonye' nak kélpakxanma apchaqneykekxexa nak chá'a énxet'ák teyp nak ekyetnamakxa m'a ekwatnamáxchexa aqsok, eyátem sa' nahan yegmen.

Éxodo 30:28

tén han ma'a ekwatnamáxchexa nak chá'a aqsok kéltósso yetlo nahan ma'a ekyókxoho aqsok élmeykegkaxa nak, tén han ma'a sokpayhe ekwányam ekyetlómo m'a awhak ekpayhe ekyennaqtéssamakxa nak.

Éxodo 31:9

tén han ma'a ekwatnamáxchexa nak chá'a aqsok kéltósso, yetlo nahan ma'a aqsok élmeykegkaxa nak chá'a, tén han ma'a sokpayhe ekwányam yetlo m'a awhak ekpayhe ekyennaqtéssamakxa nak,

Éxodo 40:10

Eyegken sa' nahan pexmok égmenek kélexpaqhayól'a chá'a kólteméssesek ekpagkanamaxche aqsok ma'a néten nak ekwatnamáxchexa aqsok kéltósso tén han ma'a ekyókxoho aqsok élmeykegkaxa nak chá'a. Keñe sa' etnéssesek élpagkanamaxche m'a, katnehek sa' nahan xama ekwatnamáxchexa aqsok kéltósso ekpagkanamaxche agko'.

Éxodo 40:12

“Keñe sa' natámen eyentamok Aarón tén han apketchek ma'a nekha átog nak kélpakxanma apchaqneykekxexa nak chá'a énxet'ák, yána sa' eyaqpasagkok yegmen,

Números 7:1

Apteméssessek axta appagkanamap apkexpaqha'a pexmok égmenek Moisés tegma appagkanamap, cham'a appenchesa axta apkelane, yetlo m'a ekyókxoho aqsok kélmeykegkaxa nak chá'a tegma appagkanamap, tén han kélmeykegkaxa nak chá'a m'a ekwatnamáxchexa nak aqsok.