Éxodo 38:4 - Biblia Enxet

⁴ Apkelánéssek axta nahan xama sawo élyagqáxeykha ekho yám'én aqta'ák sawo ekyexwase, tén axta appekkena m'a kóneg nak nekhaw'ék ekwatnamáxchexa aqsok kéltósso, ekpayho nak ma'a yám náxet.

Éxodo 38:4 ပူးပေါင်းရင်းမြစ်များ

Éxodo 27:4

Elanés sa' nahan xama élyagqáxeykha ekho yám'én aqta'ák sawo ekyexwase, enegkenák sa' cuatro sawo élyaqye sawo ekyexwase m'a cuatro máséyak nak chá'a m'a sawo élyagqáxeykha ekho nak yám'én aqta'ák.

Éxodo 27:5

Epekken sa' kóneg ekwatnamáxchexa nak aqsok sawo ekyexwase m'a sawo élyagqáxeykha ekho nak yám'én aqta'ák, yaqwayam sa' keytek yám náxet nak ma'a ekwatnamáxchexa aqsok.

Éxodo 38:3

Apkelánéssek axta nahan sawo ekyexwase ekyókxoho aqsok yaqwayam chá'a kalmaha m'a ekwatnamáxchexa nak chá'a aqsok kéltósso, cham'a kélxata nak chá'a táhap agkok, tén han ma'a kélmeykha nak chá'a kólaxñásekxa', egheykok élyawe agkok, kelyetxaqxo apto, tén han ma'a kélxata nak chá'a átex agkok.

Éxodo 38:5

Apkelanak axta nahan cuatro sawo élyaqye yaqwayam enegkenek ma'a cuatro máséyak nak chá'a m'a sawo élyagqáxeykha ekho nak yám'én aqta'ák sawo ekyexwase, yaqwayam enxoho elatchesek ma'a yámet élwenaqte agkok nak.