Éxodo 38:20 - Biblia Enxet

²⁰ Sawo ekyexwase axta nahan ekyókxoho yámet élmahamtakcha'a kélatchessamo nak chá'a xapop kélnaqtete apxát'ák ma'a kélpakxanma appagkanamap tén han ma'a kélhaxtegkesso nak ma'a nepyáwa.

Éxodo 38:20 ပူးပေါင်းရင်းမြစ်များ

2 Crónicas 3:9

Quinientos cincuenta gramos axta chá'a ekwánxa ekyentaxno xama m'a láwa. Apkelyepetchessek axta han sawo ekyátekto ekmomnáwa m'a tegma néten apwáxok nak.

Esdras 9:8

Segásekhayo eyke keñamak xép Dios Wesse' egagkok, apkeltémo elmallánek neghekha negko'o, tén han hegwetaksek negko'o negheykegkaxa m'a xapop ekpagkanamaxche nak; egmeyásekxeyk makham xép axnagkok negweteykekxa', egméssek makham ketsék néllókasso nélyampe neyseksa nenteme sẽlásenneykha naqsa.

Éxodo 27:19

Ekyókxoho aqsok eyeyméxchexa nak chá'a yaqwayam kólmaha m'a kañe' kélpakxanma appagkanamap, katnehek sa' ma'a sawo ekyexwase, ekhawo nahan ma'a ekyókxoho kélnaqtete nak chá'a, tén han kélnaqtete nak chá'a m'a kélhaxta, yámet kélatchesso nak chá'a xapop.

Éxodo 38:19

Yetneyk axta cuatro élámha apagkok ekyetlómo m'a cuatro élyennaqtéssamakxa nak chá'a apowhók sawo ekyexwase; sawo ekmope élmomnáwa axta m'a sawo élhaxe apagkok tén han ma'a sawo élyaqye apagkok nak, tén axta sawo ekmope élmomnáwa chá'a kélyepetchesso m'a apqatkok nak yámet élámha.

Éxodo 38:21

Apkelyetsátekxeyk axta sawo élyentaxno kélmeykha axta apkelánamap kélpakxanma appagkanamap ma'a levitas apkeltémo axta m'a Moisés, Itamar axta nahan apxegkesso apkelyetsáteykekxa m'a aqsok, apketche nak ma'a apkelmaxnéssesso Dios énxet'ák apagkok Aarón.

Eclesiastés 12:11

Énxet apkelya'áseykegkoho nak aqsok, máxa yámet élmahantal'a naw'a m'a apkelxeyenma nak aqsok, kélánchásekxeyk agkok ma'a apkelxeyenma nak aqsok, máxa láwa élmahantal'a naw'a kélatcháseyak nak aqsok katnekxa', cham'a apkelatcháseyak la'a xama apkeláneykha nepkések.

Isaías 22:23

Máxa taháno ekyawe eyeymáxkoho apagkok sa' etnehek ma'a ekheykha nak apyáp apxagkok. Awasqakkasek sa' ko'o m'a aphamakxa nak. Máxa sa' atnéssesek ma'a ektémól'a láwa kélyaqxaqxól'a ekyennaqte.

Isaías 33:20

Elano m'a Sión, tegma apwányam nenláneykxa nak chá'a nélsawássessamo; yenmexho m'a Jerusalén, tegma apwányam meyke nak negakakxa xama aqsok; exhok sa' ma'a kélpakxanma apyennaqtél'a kéllane, megkólmowánal'a kólhaxyawaksek ma'a yámet apagkok kélatchesso kañe' xóp, megkalyetyapmal'a m'a apxát'ák nak.