Éxodo 38:2 - Biblia Enxet

² Apkelánéssek axta nahan cuatro élámha élmahamtakcha'a yaqwayam elánchesek ma'a cuatro máséyak nak chá'a nekhaw'ék, cham'a ektamhákxo axta nahan xama ekpasmeykekxa m'a ekwatnamáxchexa nak chá'a aqsok kéltósso, apkelyepetchessek axta nahan ma'a sawo ekyexwase nak.

Éxodo 38:2 ပူးပေါင်းရင်းမြစ်များ

Job 6:12

Maxnawok ko'o m'a ekweykenxa nak ekyennaqte meteymog, tén han ma'a sawo ekyexwase.

Éxodo 27:2

Elanés sa' nahan cuatro élámha élmahamtakcha'a m'a cuatro máséyak nak, yaqwayam sa' katnehek xama ekpasmeykekxa m'a ekwatnamáxchexa nak chá'a aqsok, elyepetches sa' nahan sawo ekyexwase m'a émpehek nak ekwatnamáxchexa aqsok.

Éxodo 38:1

Apkelanak axta Besalel élwatnamáxchexa chá'a aqsok kélnaqtósso yámet apkeñama nak wantep. Ekhémo mók ekpayhakxa axta nahan ma'a, ekwayam nak chá'a ánet metros veinticinco centímetros ma'a xama nekha, tén xama metro veinticinco centímetros ekmahéyak ma'a néten.

Éxodo 38:3

Apkelánéssek axta nahan sawo ekyexwase ekyókxoho aqsok yaqwayam chá'a kalmaha m'a ekwatnamáxchexa nak chá'a aqsok kéltósso, cham'a kélxata nak chá'a táhap agkok, tén han ma'a kélmeykha nak chá'a kólaxñásekxa', egheykok élyawe agkok, kelyetxaqxo apto, tén han ma'a kélxata nak chá'a átex agkok.